今日有post介紹左個韓國節目有講場運動，睇左，有啲慨嘆，今晚就講樣野。
上帝之眼（Eye of Providence），又稱全視之眼（All-seeing Eye），一直被label成傳說中的光明會存在的證據。
但我要講嘅唔係conspiracy theory嘅野，而係呢隻眼其實背後隱含左一個道理。我地所高度關注嘅往往只係最表面的假象，背後作為根基支撐上面的原因，或日積月累的潛在因素，往往係我地最為不屑亦最忽略的。亦因為我地完全ignore左金字塔中下層的基礎，先會導致大多數人只高度聚焦塔尖隻眼(最浮誇部分)，而永遠摸不透本質，一直陷入死循環。
聽起身好哲學，其實係好現實。最實際的例子就係場運動。點解777可以咁無恥，黑警可以咁猖狂，手足日日係度無限loop"721唔見人831打死人101槍殺人"，仿佛場運動核心就係為左處理777同黑警。為左對抗佢地不惜玉石俱焚，要搞革命。
但呢一切僅係塔尖隻眼，引你高度關注，迷失本質。實質支撐呢個系統的，正如個韓國節目所展示的，就係作為中流砥柱的一國兩制，畸型的選舉制度，連帶背後更深邃的中共模式。
而當香港人一意識到呢個邪惡連續劇的根本，就係中共模式，同時就要明白到，昨日因今日果，成就呢個邪惡體制，其實每個香港人都有份出力。曾經因作為中國人而自豪，曾經因為同大陸生意往來而分一杯羹，曾經見到中共血腥鎮壓8964同法輪功同新疆人而沈默噤聲、冷眼旁觀。最終今日，loop到自己、燒到埋身，先體驗到中共模式的禍患而決心攬炒。
呢個全視之眼，亦都好好解讀到佛教一直強調的"業"。你之所以係呢隻眼，因為你無視左支撐你的根本。所以你並沒有離開你的業，你先一直係度輪回。
業，即係教你當怒斥"天滅中共，全黨死清光"的時候，可以諗下2014雨傘，2012反國教，2008奧運，甚至更遠的8964，果時的我地係點通過做隻快樂港豬而間接供養呢個邪惡體制，以致終償今日之惡果。只要諗下自己的責任，種下的因果，或許會稍稍平息憤怒，獲得些許寧靜。