請問見紅係咪好多血先算係，我琴日照完陰超有DD流啡呀
原來初期有小小見紅無乜野架，我果陣都係啡色，無痛就唔駛太擔心。
我25週都試話見紅，都係啡色，果陣就大件事喇，我產檢醫生叫左我入醫院，因為驚早產。
最後你小b係25週出世嗎？咁咪好細粒囉？
另外我有少少啡，腰有扯住痛，應該冇事掛？
咁貴轉個醫生都好嘅，參考不同意見，但你都唔好喊了，bb知架
流啡都要小心，有機會作小產，快啲book 醫生睇
同埋多啲休息
我兩胎都有流啡，睇左醫生食左安胎藥，抖左一星期就冇事
唔好擔心住，胎心照唔到只係未夠週數，計m都未必準確，我第一次驗到孕去照連粒胎都照唔到啦，個時醫生都有話可能宮外孕，隔一個星期再照就見到粒胎，第3次去先照到閃閃。如果呢個醫生比唔到安全感你咪搵另一個，香港大把婦產科醫生啦，比錢都係為左買服務啫，如果唔係排政府免費都得啦使乜出去睇。
1個讚
佐敦有個叫黃建新嘅醫生，照B超$500-$600
有朋友都介紹左佢比我，我約左號今朝
謝謝你
我上一次懷孕都係乜都唔知，因為剛新婚未預咁快有連葉酸都無食，仲周圍去流啡就知驚去睇家庭醫生先知有左，果時約6周，佢叫我唔好郁訓幾日床穩定啲先去搵專科照，因為好多可能性，可能假性懷孕又可能無胎囊，未有心跳咁早去照唔到啲咩。點知差一日去見專科前就爆血入急症，醫生陰超都照唔到，所以你個婦科醫生唔答你都好正常～到我今次有左一早去睇私家婦產科，個醫生好好安撫我話上胎可能唔夠健康自動流失都係好事，好過一直唔健康，孕婦唔舒適都會影響～到而家肚入面果個好健康咁成長緊，乜野唔舒服都無心情好到不得了，所以隨遇而安啦
1個讚
正常？佢照到有胎囊之後咩都唔講，十分鐘叫我走收我2350，我唔覺得正常，anyway謝謝你回覆
我都被佢睇過, 希望有好消息
我當時6w幾用陰超照，$1000樓下，個時係心急，是但搵個女婦產科醫生照左先，吾明點解你果個咁貴…
呢個幾好，我後期每個月照一次都係搵佢，平靚正
我都係衰心急，我冇諗過會咁貴架，所以約果陣都冇特別問價，一般1000都應該有找架嘛
平常心，加油
二千幾真係貴囉，我而家果個次次照2D3D又俾晒維他命都係千幾咋
不過唔緊要啦你都轉左另一個醫生，等到8周就乜都知架喇～加油呀準媽媽
加油，我個陣乜都唔知叫老公book睇醫生，d姑娘都會話唔駛咁快睇住，太早黎都未必睇到
謝謝你丫
因為第一胎唔識，如果計最後一次m，我係照果日係8w，但因為我D m唔準，所以到而家我都未知bb幾大
我睇緊既產檢$800/次，包超聲波
都有解釋，M同佢既預產期相差一星期
但公家/私家期一樣既
睇過第2個!!!
謝謝你，bb無事了
上星期入左兩次急症，最後佢轉介左我睇專科，琴日去左聯合睇，bb有閃閃了，比m期計細左2w幾
7個讚