今日照b超，好擔心，由於第一胎，咩都唔識，就咁約左一個有婦產科專科嘅醫生睇，點知佢咩都答唔到我，BB幾多週唔講，預產期唔講，係咁話我bb冇胎心，未有胎心咩都做唔到，又話下星期如果都冇就要處理，又同我講呢個星期如果流血就入急症，咁即係點呀
甘衰都有既，我第一胎都係甘 同我講冇胎心 (個時6week)，唔好甘擔心住，今日照有冇相比你，相到有edd 可以睇到，冇既你用最後一次經期計大概幾week 有時早得濟照唔到。我個時8week先有閃閃。
再搵第二個，check 清楚d
你最後幾時來M？
有時八週內，未必睇到心跳
祝好孕
1個讚
搵多個醫生睇啦，我嗰陣成8w先去照，但肚照又係照唔到閃閃，最後用陰照就睇到哂～
我已經8w喇
我肚同陰超都冇閃閃，我最後一次m係28/2
我自己計到而家8w1
28/2最後m come
咁我應該等多一星期先再去照定？
我建議你如果對個醫生有疑問，先搵第二個醫生照多次…
如果你計到係第8週既話，有人試過8週之後先照到閃閃，但一般人8週前應該有（睇下黎m準唔準）… 點都好，出去照多次先喇，你都要有定心理準備，其實3個月前係唔穩定架，我自己都係過來人～ 加油！
咁其實佢無講錯，醫生真係無野可以做，開頭靠bb自己，加油
但佢連幾多週都答唔到我，我問佢 正唔正常佢又好隱晦，係咁話我流血就入急症，佢咁講我仲擔心，出房已經爆喊喇
我認為醫生最多係present 得唔好
週數同預產期都可以自己用last period 計，但你想知的應該係baby actual 週數，但睇唔到胎心，真係答唔到，度到的話先可以對番大概幾週
如果連陰道超聲波都做埋，就只有等
不過我唔會再睇佢喇，我覺得好呃錢，佢收左我2350，睇左好似冇睇咁，得兩張相咁大把
唔好擔心！
我6weeks都去了照閃閃！
但我個時m期計應該係8weeks架！
點知肚照個時醫生話我照唔到！
改左陰照！先照到！
原來係得6weeks!!話係我排卵遲左！
所以同m期計有出入！
媽媽可能你同我一樣！放鬆啲！
唔好緊張！
PS 我經期唔準的！
我D M不嬲都係唔準，但1月2月都係28號黎，如果計返m日子，我應該係8w，因為我係全力做人，基本上我一星期驗1-2次孕，而我自己驗到係13/4好淺色，之後16/4先去診所驗，果陣果個又係答唔到我幾多週我而家都好亂唔知點，因為今日陰超都照唔到
可能你同我一樣都係排卵遲
唔洗咁擔心！
我計返都係8weeks!!
點知照完係得6weeks!!!
我見有媽媽6w就有閃閃喇
但我…
呢啲大事，最好睇多一個醫生問意見，同叫家人陪伴一齊去。
乜宜家睇婦產科要咁貴 
唔好俾個醫生影響到，睇多1個醫生先，休息多啲
放鬆心情，盡量瞓床休息，唔好做大動作。過一個星期再照。BB加油呀！
不如睇多個醫生問多個意見?
你照果時有無急住尿照?
同埋或者個位醫生部機無咁靚呢，
好多因素既，但首先唔好太大憂慮先會對你同BB好啲