如題，bb 3個月，想同佢轉用尿布
有冇jm可以分享下咩牌子好，同埋邊到買平?
1個讚
有呀 用緊kangacare
外國同台灣都有好多牌子選擇
可以考慮下上2手店 好多媽媽買左返黎冇用到放出黎
我個女三個月開始就轉用尿布，牌子係alvababy，用落好方便好正，減少好多垃圾，又可以慳番D尿片＄ 
大女細個有用，對皮膚真係好啲，用完好少紅patpat，如果唔怕麻煩肯洗尿布其實好好。
有吖，不過我係新手。bb而家兩個月大，只可以講慳左好多尿片錢，慳到我老公都覺得誇張。因為bb一日10塊片，一星期買一包，依家已經煩少一樣。
阿女出世時用 係美國Amazon
用過koala mama & alvababy
Koala mama size 較細
Alvababy 性價比高 但用左一年會深色左
我本身都有用，但係屋企冇工人，用到放完產假就冇時間洗。奶奶話唔方便，廢事迫佢用啦 
就係見到太多牌子，冇從入手咁
二手店good idea, 去望望先， thx
請問你地尿布既用量係點？如果我一日換6次片，儲埋夜晚洗，係咪應該買12塊？
我大嗰個著紙尿片成日pat pat紅要搽藥膏，所以呀細一滿月就改用尿布，已經係十幾年前嘅事，嗰陣只係求其去街市買兩打B6貨自己摺咋，出街就用返紙尿片。兩者效果真係好大分別
1個讚
我媽當年1打3都係用街市買返黎既摺摺尿布
4個讚
我隔日洗，大概2至4個鐘換一次。基本同紙片差唔多
2個讚
咁即係要買幾多塊備用呀？
我6月生，我媽都有叫我買，但照顧初生bb好似已經會忙到一頭煙。請問清洗會唔會好麻煩？
我大仔滿月開始用環保片，我用bebemo, 大概$100一條幾抵用。夜晚瞓覺同出街就用返紙片，12條布片都夠用。而家細女用返哥哥啲布片，換過新片芯就得，用兩胎真係抵到爛
1個讚
之前都冇諗過用環保尿布，但見到你哋用得咁好都心陏陏！如果放埋一晚/隔日洗會唔會有味吖？身邊冇人用過，留名睇多啲分享！
我就大概有十八塊， 因為我隔日洗嘅， 等有啲晾緊乾嘅時候仲尿布可以替換
其實你隔一日洗係會有點臭味嘅， 你可以搵個袋專裝喺啲尿布咁咪冇咁大陣味， 我每次做完洗衣機洗之後就已經冇曬啲尿味， 而且比較容易儲起一啲bb衫一齊洗
我用日本尿布殼，係得個殼，尿布要另外買，amazon 買1300yen一個
魔術貼放便好多，個殼又完全防水，可以用夠一日先洗
我都買左美國啪啪鈕果d…暫時覺得日本好用d…
謝分享