現在啲人好似做乜都冇後果 
777緊急法唔比戴口罩，現眼報
2個讚
藍絲斬人就感化兩個月
黃絲藏刀就判監兩年
有報應咩？冇㗎
1個讚
我信報應，二戰時全球被幾個極權國家亡國亡族咁濟，人類一樣企返喺身建立新世界新秩序
而家係另一個極權國家，仲有錢啲仲覇道啲，我信天有眼
1個讚
舊式公屋同對面係門口對門口，對門果家人唔知點解成條走廊淨係針對我屋企(我地係冇做過任何野得罪佢地)，唔止平時講埋d好難聽既說話，仲試過打我阿媽搞到要報警，連隔離鄰舍都睇唔過眼話佢地鐘意恰人扮領袖。
佢三個仔女同我屋企三姐弟同年，佢地都讀地區名校，我地就讀地區新校，所以佢地阿媽成日話我地廢、讀唔到書、個個白痴、第時出黎執垃圾。結果我地個個都讀大學，佢大果個repeat左三年中五先升到中六，再repeat左兩年都升唔到大學；第二個中三畢業去左做地盤，後尾工傷攞綜援；最細果個中三都讀唔成但係就帶左個大左肚既女仔返屋企住。
所以做人真係要積下口德。
8個讚
但報左係三個仔女度，都好無辜
個阿媽都幾衰格
我只知花無百日紅，唔好串串貢，否則落難只會比人加多腳
講得無錯
心腸同把口都唔可以太惡毒
有d人以為自己好勁，咪得罪全世界
做人唔好得意忘形，好嘅時候都要有口德。
有一個男上司，覺得自己乜都好，個人好刻薄，好小器。佢專針對啲新人，玩人，要人好似狗咁聽佢話。因為佢同大老闆熟，所以响公司玩曬。頂佢唔順會quit，佢就會講衰你，寫衰你。終於天有眼，轉咗大老闆，佢勁唔鍾意大老闆新作風，自己失勢，個人更加賤格，專蝦大老闆請啲人。佢仲同老闆啲手下作對。如果你唔聽佢話同老闆嗰邊啲人玩嘢佢就玩你。好多人仲俾佢害。
邪不能勝正，佢响公司失勢，唔肯quit，因為佢好難搵返呢個人工，佢就响公司做一個公敵。但佢老婆突然間重病，佢要全職照顧佢，自己quit
2個讚
有時去得太盡，suffer嘅都係自己同身邊啲人
1個讚
贊同suffer既係身邊人。
親戚有個未婚妻，但臨結婚前比個新移民勾引左去。初初扮溫柔可憐離間親戚同屋企人關係，又被厄去首期但層樓寫個女人名。到結左婚生埋小朋友，個女人原型畢露，屋企野同個小朋友都唔理，要親戚自己搞掂。個細路太曳太無家教，工人都頂唔順走左兩個。親戚因為工作同家庭都出問題而搞到精神衰弱，最後要返佢父母幫手湊。
其實講返出黎我都唔知個報應係比呢個親戚定佢可憐既父母。
有啲可能唔係今世報，係下世報，我有時會諗可能北韓呢類地方就係懲罰一啲上一世做得衰野多嘅人，所以地球上總會有呢一類嘅極權國家出現 
1個讚
之前有個立法會議員個女自殺
1個讚
我又唔知呢啲算唔算報應：
有幾個朋友本身幾幸福，但把口… 唔係衰，但唔應該咁講嘢，例如：好彩我唔係你咁唔好彩, etc
呢幾位朋友都遭遇到不同嘅不幸，離異、大病咁
我識個auntie搶人老公生埋仔，佢老公都算有情有義，賣樓啲錢比晒前妻，一貧如洗，個auntie要出嚟做嘢幫補家計，可能啲人話係真愛啦！但我覺得個auntie應該幾後悔揀錯人
有個女人讀書時就好貪錢，佢媽媽以前係有錢女，後來破產做普通人，佢就教個女，男人最緊要有錢。
所以個女人中學已經識啲三十歲以上嘅男朋友，買名牌買首飾。佢識過好多有錢人但冇一個同佢認真，佢試過勾引自己好朋友個未婚夫上床，人哋老公等，為錢佢乜都做得出。後來佢同咗朋友個男朋友一齊，仲大肚，終於人哋肯同佢結婚。
點知佢响中環shopping時，唔小心跌倒冇咗個B，其實佢之前落過好多次。
個男人冇同佢結婚，分咗手。之後跟過好多男人，但唔夠有錢佢又唔肯結，好有錢嗰啲又有老婆。
而家全部朋友都冇同佢來往，佢就俾佢媽話佢老姑婆冇人要
1個讚