我計劃緊中學送個女去英國讀寄宿學校，依家搵緊資料。有無過來人分享下？
我路過搭訕，我原本有打算送個女去英國，佢唔肯，因為之前去過幾次遊學團，話唔中意外國生活，同啲嘢好難食。
只肯去台灣，因為遊學團嗰時識咗好多台灣朋友
真係要留意返唔係你想送佢就肯去。
係呀，真係最緊要個小朋友肯唔肯。佢唔鍾意就係唔鍾意。
1個讚
親戚舊制公務員，有哂津貼送去外國，細路唔鐘意又無書緣，都好可惜。
但無得迫嘅，迫到佢唔開心都無謂。
呀大已經去咗紐西蘭讀咗一年，好想送埋呀細走，但佢唔想去。
2個讚
最好問一問佢地意願，尤其是寄宿，唔好將自己覺得好就套落佢身上，隨時有反效果
可以先睇下d升學講座，攞定資料。
我仔朋友都一個小五，一個中一去左英國寄宿學校，不過我唔係好熟，只知佢去既地方好似近Scotland，齋讀書，冇咩玩。不過聽返都開心既，冇咩適應問題，細佬好似都話今年會跟埋哥哥過去讀。
你唸住幾時比個女過去？我覺得女仔唔放心，咁細個就冇媽媽係身邊，我自己覺得可能高中會好d，不過有d父母覺得高中可能比較遲，有適應問題，又擔心升學接軌問題。
1個讚
我仔小一，應該兩三年後一家移民英國，總之希望小學畢業前走。其實我好擔心佢唔知適唔適應到…
呢2，3年轉讀國際學校先會唔會好啲？
你哋打算自己申請，定搵agent攪？
又無晒教育展。。。
我個囡今年考DSE, 大學已報英國, 考完試會睇埋澳州. 出國讀大學都係上年8月先決定的.
如果高中或大學才去，會唔會太遲？我仔小六，我哋都想送佢去外國，諗緊高中還是大學才去。
都會擔心個女唔肯走，到時真係睇佢個人意願。
睇你想點，同埋睇小朋友夠成熟未。
高中去就相對易融入，同埋有boarding school的生活。但要小朋友夠成熟照顧自己先得。
你有冇搵台灣資料，可以分享下嗎？
應該會搵agent搞，一來本身唔熟海外學校，希望agent會比到多d意見。
寄宿學校? 一年大概洗幾錢?
咁如果佢肯，高中去似乎好啲
我地好想呀女早d融入外國生活，所以好想佢早d走，但都要睇佢個人意願。
尋日聽了英x教育的video介紹英國女校，會嚴過男女校，成績亦好好，好似幾好咁（不過應該好難入）。
預計50萬港幣一年。