我3月15號喺實惠網站買咗一件傢俬, 當時顯示送貨時間大約需要14個工作天, 我過幾日打去想知道幾時送貨, CS話要大約一個月後, 雖然同之前網站顯示時間有出入, 但我係ok嘅!
過咗兩星期我再打去, 因為我要安排師傅將原本傢俬拆咗去再油下油, CS話件傢俬會喺4月7號運到香港, 叫我4月7後再打去。我4月13打去, CS話第二日即14號會主動打俾我回覆, 點知等到4月15號下午都冇打過黎!
於是我又再打去, 點知CS都係未知幾時送貨, 咁我就喺佢網站寫意見書投訴, 隔咗兩個鐘, CS終於第一次打俾我跟進, 話件傢俬缺貨, 唔知幾時先返貨, 可以俾我取消張單退款, 我當然取消, CS話退款會喺4-6星期完成, 會大約幾日後send email confirm!
到今日4月23日, 仍然未收到email確認, 咁我唯有再打去, CS話取消訂單都需要時間審批之類, 唔會咁快, 要再等, 審批完之後要再等4-6星期先退款!
我覺得服務好差, 次次打去要輸入一大堆單no. 貨no., 再要等一大餐先有人接聽。我明白可能大陸同物流都比較亂, 但如果一早知唔可以喺預定時間送貨, 點解可以完全冇主動通知, 要個客不斷追, 最後要投訴先跟進? CS態度係ok無問題, 可能佢地都難做, 但實惠咁嘅服務質素真係好難接受
傢俬有幾多選擇啊？
攪換貨又攪咗一大輪，以後冇再買。