細個趁父母落咗街，幾姊弟偷偷地開電視
聽到鎖匙開門聲即刻熄咗佢，以為神不知鬼不覺
點知老豆一入門就鬧我地做乜開電視睇
原來啲電視光透出大門地下條門隙我老豆未開門已經見到
我地幾個初初仲以為自己好醒，點知係豬頭炳
我係我媽返黎之熄左都冇用，都比佢知我地開過電視。
佢摸下個電視就知我地有冇開過，因為以前d機，開過會熱架！
5個讚
偷睇電視都係集體回憶
大牛龜電視機
一件… 唔夠講.
淨係攞把鉸剪剪電線 (有電），鉸剪即刻爆出火花，有一個半cm缺口。好在手柄係膠. 即刻掉咗把鉸剪.
攝過一毫子入去燈膽同埋燈坐之間，我即刻電到但開咗一兩尺。
實在太多呢啲百厭嘢～ 所以有陣時見到個女發神經，會有種似曾相識嘅感覺。
改咗題目喇
我分享多個，小學有1年美術堂係做雕刻板，咁做完自己又好有興趣啦，但阿爸阿媽唔會再買雕刻板
咁我就用屋企張木梳化，雕個梳化柄，雕到個柄花鬼哂，我媽見到，當然藤條炆豬肉
3個讚
想摸下"火"既質感??
結果未體會到個質感就已經燒到手指穿窿，冇左忽皮唔敢話俾人知，自行搽藍藥水貼膠布扮冇事發生
乜你咁曳㗎
同細佬偷父母D condom去裝做水彈掉落街，至大那個裝了4L 水，一人捧一邊點知去到廳中間就爆左，仲要整濕左疊書
6個讚
咁都得？
我細個時每次幫外公揼骨都有5蚊打賞，之後我會放入一個長方形銀包，再放入一個空的餅乾罐，我都唔知點解雪櫃上會有一個空罐，一心諗住D錢放喺度係好安全，又冇人會知道的，點知有一日我想睇吓D＄時，發現個罐唔見咗，最後問我媽，先知原來早幾日比我媽掉咗個罐，我即刻喊咗出嚟,話有$喺個罐裡面，我媽話佢掉個罐時裡面都冇＄聲，當時我真係好傷心，所以到今日（幾十年後），我都記得好清楚！
1個讚
我偷家庭裝雪糕食，食咗好多，食剩少少，食完屋企人打電話返嚟話返緊嚟，問我想唔想食雪糕？我話唔想，佢話係喎，屋企有盒，食咗少少咋。
我突然間好驚，跑去買返盒新，再狂食返同未偷食之前差唔份量。
食到想嘔。點知屋企人返到嚟又買多盒，叫我食咗之前嗰盒去，聽到都已經想嘔。
13個讚
好有畫面！你而家有冇怕咗食雪糕呀？
細個試過用鞋油油黑哂半個廳，一路油一路覺得阿媽放工返黎見到實會讚我乖油到個地板咁靚
之後阿媽返到黎打到我飛起，打完仲要抹返好塊地
因為我細個都幾百厭，都有心理準備個仔會比我受返，所以我d朋友成日話我對住個仔eq高，其實佢地唔知，如果同我比較，我仔乖過我細個嗰陣好多
6個讚
我記得我嗰排係好怕屋企人以為我乜嘢事雪糕都唔食。後尾衰咗啦，我哋唔係住樓，買雪糕間士多識得我哋又好近
，佢哋之後話俾屋企人知我一個人去士多買雪糕！
我仲衰多樣，屋企人問我咁細個點知條key同錢放邊
尼D叫調皮…
對唔住笑左囉
好慘呀你
我都試過幾姊弟偷睇電視，阿媽返到黎本來唔知，點知阿妹自爆話︰「我地冇睇電視呀」…
1個讚
笑吖，我自己都笑，好蠢