知道大肚婆懷孕期間心平氣和可以令到BB第時乖啲，但係啱啱好唔爭氣咁樣發咗個老公脾氣，仲好嬲！不過冷靜落嚟之後又好啲，雖然佢未氹番我。。
想問吓你哋有BB嘅時候有冇發過脾氣？如果發過脾氣係咪真係BB會難湊d？
會易喊
生完仲易火
發一次半次脾氣冇問題，你都有情緒舒發！不過多就唔好，影響另一半感情，佢都係新手爸爸，都適應緊。
我陀三個BB都冇發脾氣心境開朗，但我嗰三個小朋友出世後都係臭脾氣！但去到稚園小學就冇嘢嘞。
佢成日放咗工就係喺度打機，大家好少溝通，打完機都11點30，㩒下電話跟住又要瞓覺。。。所以有時都幾唔開心，但係佢話打機可以減壓，佢話工作辛苦。。。所以我都唔知應該點樣，
係，我相信今時今日香港人都好辛苦亦好大壓力。不過依家目前嚟講你嘅情緒先係最緊要！你要開心啲加油呀，陀BB係一個好難忘嘅經歷！
可唔可以叫佢除咗打機之外都預留少少時間傾計？（傾吓將來BB嘢？傾吓你做媽咪都會驚…) 或者甚至一齊睇吓Netflix追吓劇呀？
我依家25wks, 脾氣唔算大左，但好少事就抓狂咁
好似前幾日包蘑菇咁一路包一路跌就抓狂，要叫老公攪掂佢，以前都唔係咁，有左之前個人好易跳制咁
我29週啦
陀咗B之後脾氣反而收咗好多
但成日喊 小小事都可以喊好耐
而且會小小事就諗諗諗自己係到喊
我見過好多就鉈緊嗰陣好好脾氣
生完出黎就變左另一個人：癲左好多
我都好驚生完之後性情大變
我岩岩有左頭三個月 日日都好炆
完全係 睇我老公唔順眼 佢連呼吸都錯咁
差唔多日日我都不停嘈之後又會喊
總之就情緒好差 後尾就開始慢慢好左
但到生完坐月又係情緒好差 
我就唔係發脾氣，但會亂諗嘢，一切唔好嘅情況都會無啦啦就諗到。
兩公婆坐喺度打打下機會諗左去阿女生出嚟會點點點，老公會走，諸如此類。但事實上咩事都無⋯⋯