而家30週，係有bb之前身體已經唔好加上自己有情緒病，有左之後因為身體爭啲陀唔到落去，而家產檢之外要睇埋心臟科，情緒就更加唔洗講有產後抑鬱要停期見姑娘。我一直都好想要個仔，因為屋企好多女人，4個月嗰陣去check係女，咁都無咩始終係我個女，其實仔女都無問題。
問題就黎啦，屋企知我鍾意仔，成日都問會唔會生多個追個仔，成日都講成日都問，問到好煩有時真係好崩潰。。。我媽同嫲嫲都係嗰啲輕鬆陀輕鬆生，唔明點解我陀得咁辛苦好似搵命搏咁，頭幾個月入醫幾次醫院，我嫲嫲仲覺得我好似扮嘢咁。。。好啦同佢地講話唔會再生唔想再咁辛苦，佢地又話咩第二胎唔會，生多個追個仔。大佬，咩叫第二胎就唔會咁，我知有啲人第二胎會無咁辛苦，但係我呢胎已經咁爭啲陀唔到，如果萬一第二胎我有啲咩事，個女點算？更何況，懷孕期間除左身體我都處理唔到自己既情緒，再生既話真係搞唔掂。
同佢地解釋左好多次點解唔生，但都仲係咁問係咁講叫生生生，生咁多個做咩，又唔係你地湊你地養
好彩老公都話唔生，驚我有咩事，遲啲佢去做絕育唔想我食藥又搞壞身體
但對住媽同嫲嫲真係好崩潰。。。點先可以要佢地收聲
同佢地講︰你生多個我咪考慮下囉。
放鬆心情先。
唔生既理由唔好focus係你身心問題到
有禮貌咪答d客觀因素，唔想同佢地客氣咪答d無棱兩可既野。你個答案可以有d保留，例如調理下身體再算，過多幾年調理成點你控制唔到，佢地都冇你符
其實你自己都好識諗，如果再有其他人叫你生多個，你就直接同佢講唔生了（認真mode)，問多幾次佢自然會停止唔問，而家最緊要搞掂自己的情緒同阿B的健康！加油呀媽媽
聽見都煩，我會忍唔到爆到佢哋唔敢再問
我就唔敢得罪長輩，如果唔係之後仲煩！
你唔爆佢地仲煩
我陀緊第二胎 並唔會舒服d 甚至仲唔舒服過第一胎
不過個個唔同 如果唔想生就強硬d同佢地講 叫佢地收聲
生唔生多個都係後話
最緊要你依家放鬆心情養胎好好保重身體
仲以為男家先會要人追仔 
我同老公都想要女 
你老公好好呀，肯去絕育。
我都係一胎封肚，叫我老公紥咗去死都唔制，話驚痛
我生無打無痛針仲要畀人剪夠痛啦
爆過啦，仲唔止一次，爆完第二日繼續。。。
男家嗰邊反而無咩所謂，生唔生都得
佢地講啲咩咪由得佢地講囉
生出黎嘅仔女同家庭係你自己嘅
唔需要理佢地
我屋企都間唔時叫我生
我話生出黎冇地方佢住
佢叫我生多幾件輪公屋都係咁啦
(真係睬佢都戇鳩)
老公話唔想我再辛苦再痛，所以絕育係佢主動講，好彩懷孕期有佢，如果唔係我一早就崩潰左
啲人講到生完唔洗負責任唔洗養咁
好睇你自己點諗，有啲人係自己冇所以想人地有， 有啲又因爲冇野講搵啲話題， 當然你屋企人可能見你唔開心先想安慰你， 你咪當佢地關心你所以唔想你唔開心先叫你再生， 生唔生佢地話唔到事先會係咁講， 你已經好好有個錫你嘅老公， 只要決絕啲同佢地講唔會再生，叫佢地唔好再講 就得， 最重要係保持心情開朗，大肚婆係會好易忟好易唔開心，正常嘅， 唔好鑽牛角尖就ok,多啲同人傾下
你咪答佢好，等佢收聲。之後你避唔避孕佢都唔會知，至少家下不受騷擾。
直接講：生咗係咪你幫手養？如果唔係，就我話事
佢地上一代個個以為好似以前咁
求求其其就養得掂
今時已經唔同往日了