除左呻，講埋對你有咩影響，我先。
玩酒店式管理，咩野都係公家
你有私人野，sorry~冇收好轉頭就徵用為公家物品，仲要用到又殘又爛
洗衫亂晒龍，叔仔個家d衫褲係我地房出現，同樣我地都會有d衫唔見左，但永遠冇交換返
結果我越黎越樸素，因為心愛既野會被徵用，靚既衫會被洗爛同唔見左，唔敢有太多私人野，嫁完比做女個陣更乞兒
1個讚
靚衫攞出街洗，房門換有鎖，斷估唔會撬你房門攞嘢啩？
短暫同住三個月，因為 要裝修間房加埋順便坐月 所以順便借住三個月， 個文化 差異 直頭係天同地
- 30度都唔畀開冷氣, 電費係我交( 熱到頂唔順當然係 一食完飯就即刻入房開冷氣)
- 奉行養生之道 食七成飽好啦 當然一個坐緊月 餵緊人奶嘅外人亦都係叫你食七成飽好， 早餐一條車輪包五個大人一個小朋友分
- 驚死自己啲仔冇得食， 我自己屋企人整好隻雞拎嚟畀我 做餸 一擺上枱面拿拿聲 叫 自己兩個仔 食雞髀， 嗰下真係頂佢唔順 隻雞係 阿公知道個孫冇啖好食拎嚟畀個孫食㗎， 你嗰兩個仔最細嗰個都三張嘢啦 咁都要出口術搶雞髀食
- 最頂唔順嘅係啲一樣一日到黑講到自己有幾乾淨幾乾淨， 洗碗嘅洗潔精稀釋再稀釋， 啲碗拎上手係 油立立， 夜晚去廚房斟杯水飲啲 曱甴仔 一家大細出嚟散步
利申 畀足家用 膳食費, 但係 初生bb出世十日我已經自己落街買餸煮早餐煮飯凑兩個
相見好同住難， 一路冇同住啲關係都算和平共處，
但係經過啲三個月嘅文化大衝突， 而家係大時大節先好見， 平時冇咩聯絡就最好
樓主係同叔仔一家住嗎？
我都係勁怕d 野變公家
d 人成日不問自取野食，永遠唔會自己買
總結：結完婚真係要搬出黎住
我結婚試過自己搬出去住又試過同屋企人住，同屋企人住有到好就係可以得閒幫我睇下小朋友，同埋有父母輪流煮下嘢食幫下洗衫無咁辛苦。自己住就要24小時睇住小朋友，無乜私人時間。
但自己住係可以好自由佈置自己間屋，生活習慣個老公同個女都會跟我，唔洗遷就父母，自己一家一主反而洗少左錢，因為同老人住會豪爽d買下食物比距地。當然要睇下兩老有幾難頂，難頂程度唔同選擇都唔同。