上年8月時轉咗新工點知中伏，之後一直係搵工>番新工覺得唔岩>轉工，依個過程loop直到今年1月。本來冇穩定工作，我情緒已經唔係咁好，成日唔開心。
2月份，另一半求婚，同一個月內都買咗新樓做建期。
可能講到依到大家會覺得點解未有工都仲咁急買樓？
其實我自己冇心理準備買，之前同先生睇中個盤抽咗幾次都唔中，就打算之後先算啦。但係先生覺得結婚就應該有新居，首期大家都係夠俾。
最後自己定力同決心唔夠，冇阻止到先生簽約（買個刻仲覺得自己handle到）
直到依家，其實有份工，收入正常，直到收樓供樓有其他洗費都夠俾。
但係我好唔鍾意份工，只係每日倒數緊，係咪收咗棲過咗壓測，我就可以轉工？
我好冇出色地打算考政府，因為我同先生都係做前線位（不同行業），做政府收入同生活穩定，可以照顧家庭，亦令我再搵唔到借口轉工。
本身抱住依個諗法打算捱到收樓，捱到考到入政府為止。
但係依家每一日都好唔開心。
同咗先生傾，佢都幫唔到我咩，始終財政上要我幫手先叫做綽綽有餘，而我就收埋收埋每日谷住，真係忍唔住要上黎呻下。
求婚後好似冇開心過，只覺得自己為層樓，為錢，倒數緊自己生命。 
不如咁諗…
而家呢個時勢, 有份工, 有糧出, 仲有自己既屋, 仲要夠洗夠用.
他朝一日, 你有小朋友, 有自己屋, 已經可以擔心少好多野, 再穩定D, 仲可以買車, 買其他貴價野TIM.
如果有咁既好結果, 只係要求你每日做8小時你唔鐘意既工作… 唔值得嗎?
我, 都好唔鐘意自己份工 (曾經好鐘意好鐘意)
但響到做左好多年, 雖然日日受氣, 好大壓力, 但起碼養得起我一家.
兩個小朋友想要咩我基本上都可以買到
慳慳地, 仲可以買到我想買既野, 有車代步, 一年2次旅行.
我會同我自己講, 即使我日日返9放6, 響公司行屍走肉, 但我換到一家人既幸福生活.
當然,搵到一份自己鐘意既工, 又有返咁既收入, 係最PERFECT啦, 但人生本來就無完美~
be positive!
可能我focus嘅嘢唔同，一黎冇打算生小朋友，
二黎返工嘅時間佔人生6,7成，就算搵到幾多錢都好，開心係換唔到。
加上我收工後已經好攰，乜都唔想做
其實大部份人工作都係為生存，有得生存先有生活。樓已買，頂硬上。
依家都係頂硬上緊
同情你，因為我情緒本身都唔好，試過自殺，試過自殘，自問冇信心做到FT工作(我以前又係份份都做唔長)，驚壓力大自己又會做傻事，所以一直都係做PT，我住公屋所以幾千蚊收入都生存到, 雖然收入微簿, 但叫做努力搵方法令自己生存, 唔理其他人既目光。見你要供樓所以要頂硬上, 希望你過左壓測後可以轉工
加油呀！我都有朋友返下pt又返下ft，雖然好似睇佢收入唔穩定咁，但佢過得好開心。
有時其實係自己困住自己
搵到新工就轉啦
如果過唔到壓測到時咪仲頭痕仲大壓力
返得辛苦果陣咪同自己講 就快辭得職
或者諗下份工咩事令你咁辛苦 睇下解唔解決到
婚姻同買樓都係會困住自己
如果第時生埋小朋友就更加
一段感情講到責任就自然會有壓力
考慮下遲啲先結婚
同居先啦
結婚生仔呢啲壓力仲大
除左見到自己仔囡笑呢個獎勵
其他都係辛苦居多
唔想亂咁講加油說話
我覺得呢個喺貼地香港人喺香港生活嘅必經階段
做女果時自由自在俾家用洗錢拍拖完全冇問題
但到到要結婚要買樓住，就要一下洗好多錢，同埋從此俾層樓「綁」住咗（香港樓價太唔合理）。
但我建議你忍多排先，批埋按揭先再諗轉工，應該即係一個月左右？批咗之後再評估下啲錢夠用幾耐再轉，話哂依加市道麻麻。
我自己都唔算好鍾意依加份工，但我覺得要揾一份dream job好難。轉下心態，嘗試喺份工度揾樂趣好似易啲
你係咪好清楚自己想搵份點嘅工? 係唔係有一職位係你覺得做左會好開心? 我怕其實你想搵嘅工並不存在，反而愈轉工，愈迷惘，愈唔開心。
首先妳要唔鍾意份工，有冇辦法解決呢？因為你轉另一份又唔代表妳鐘意架喎。咁講真係哩個時候不變應萬變。
Yes, 要諗清楚自己想搵份點嘅工
你講得啱，冇樓就冇咁大壓力，但係又會有其他煩惱。
依家無論點都係等做咗按揭先再作打算了
依份工唯一好在可以準時走，不過好老實係香港行業咁窄，想搵到份鍾意既工簡直係天方夜譚
有無諗過政府工唔係話考就考到
淨係等招聘都有排