仁安開刀生 好唔好?

老婆第一胎,打算開刀,想去仁安生,有無人有經驗分享下?費用貴唔貴?

幾年前住大房, 擇時辰開刀, 大概用左7-8萬. 但大房幾多人出入, 好嘈雜, 負擔到建議住好d. 其他野無投訴, d餐膳好味, 又有d育嬰用品送

仁安醫院喺咁多私家醫院當中收費算相宜了,我三胎都是在仁安開刀的,覺得各方面都好滿意,環境清潔冇醫院味,所有員工都好好,膳食味道ok的!

我18年尾仁安開刀 第二日就可以落床 有止痛藥就住傷口就唔會覺得好痛
冇特別嘢出院65k

去年年頭開刀。$70000找數。職員好好,野食又正。

上年6月仁安開刀,very good
6萬7埋單 住2人房(佢無曬4人房)

請問你係咪揀返仁安既醫生會平D?

唔係

開刀畀唔到意見你,我係順產,不過可以話你知仁安姑娘同阿姐都好nice,我產後嗰晚有啲狀況,埋怨咗姑娘幾句,其實唔係佢錯,佢好温柔咁安慰返我,第二朝早我都有同姑娘講返唔好意思 :baby_girl12_tehe: 住咗三日兩夜,對服務同環境都好滿意。

仁安婦產部出名好,我當年生仔係雙非高峰期,醫生姑娘姐姐對所有產婦都好nice. 加上佢價錢唔貴,非常推薦!雙人房唔係貴過四人房好多,可以比較下價錢。恭喜曬!