大家會點揀？
我見自願醫保大同小異，Bowtie就係冇agent最平
如果有agent的話揀公司有咩準則要注意？
謝謝 
我都想知
其實我無轉自願醫保，因為我本身有買醫療、危痴嗰D…上年我Agent有同我傾可以考慮轉自願醫保，但我比較過本身嘅保險仲好過自願醫保。加上減稅好似又唔太多。所以無搞了
Typo…危疾
願醫保由政府做規管，同傳統醫保最大分別除左稅務優惠外，最重要係受保已存在未知疾病及年滿8歲或以後出現或確診的先天性疾病，投保年齡仲可以去到80歲。如果本身有先天病傳統醫保一般都會列作不保範圍，所以要睇番過往病歷。
投保果陣最緊要留意保障範圍同保障額
自願醫保有分兩個計劃 - 「標準計劃」同「靈活計劃」。標準計劃會設左每年最高上限，保障範圍亦冇甘全面，如果預算有限，可以選擇呢個。但如果預算許可，最好揀靈活再附加每年額外補底既計劃，不設每年保障額上限，保障範圍廣少少，相對保障會較為全面。
而傳統醫保就要視乎邊個計劃，部分係按單次住院黎定賠償額，你可以按自己需要黎決定。不過無論傳統／自願醫保主要係理賠住院部分，如果係發生危疾／意外就不足以負擔醫療開支或生活費開支，所以單買醫保一定不足夠，記得要逐步做埋危疾／意外／人壽保障。
1個讚
其自願醫保同傳統醫保各有各好，唔一定要轉去，我咁多客，得一個為扣稅而轉，自願醫保扣稅額得8000，計盡15%稅率，一年減我1200，相對嚟講好少，就算一家4口，都係扣得5000都無，而自願醫保有一個陷阱，無論門診定醫院，照CT都要自負30%，賠償額以年度計算，唔係以case計算
請問我公司醫療住院$1000 per day 既 coverage, 加$11萬SSM可claim 8成, 自己另外加份墊底2萬自願醫保semi private，每年coverage $1000萬，年費約$5400，make sense 嗎？墊底費金額會否太少呢？應否加大墊底費慳保費呢？謝謝！
最好可以清楚睇到公司住院個賠償表，單睇住房費未必清楚其他賠償額幾多，照經驗睇房費1000+11萬SSM,投個2萬墊底都合理，如果調得太高，好易出現真空額，另外留意個自願醫保有無NCB或步行discount。
自願醫保往往比人忽略左係癌症治療部分
特別鏢靶藥物
只有少數公司Cover在家服用鏢靶藥的費用
其他則大同小異
組合上都make sense 既，惟一要留意既係公司醫療方面，離開公司後就會冇左呢個福利，所以吾建議將個自付額set太高，２萬左右算合理。但如果你保費負擔方面有壓力，先再考慮調高啦，最緊要睇番自己個需要。
醫保無agent ，搞claim 既時候會比較麻煩。又唔知要注意d咩事項。反而非醫療保障嘅保險，例如儲蓄，其實冇agent都冇乜所謂。
自願醫保同傳統醫保最大分別係可扣稅部份，當然細節上都會有一啲唔同，例如保額同保障內容都會有輕微出入。
有需要可PM, 自己詳細了解左之後先至知道適唔適合。
其實自願醫保都有三款，所以多啲了解左先
保障一樣，買Bowtie最平。睇過佢地數據，賠償率有>90%，click幾個制就可以索償，有咩事打上hotline。同埋香港公司，全部香港人，我支持佢地
保障唔係一樣，只有標準計劃一樣，其他係唔同，要睇公司理賠率
bowtie 我睇過，平系平，保障唔系幾夠。之後睇A記，要搵agent 報價，就無再睇了
本身份保險agent幫我住院果部分轉左自願醫保