我係80後，好懷念97前嘅生活，你地有冇同感？我好鍾意儲有皇冠頭嘅郵票，個陣電視好多野睇，電影又好多元化，唔洗成日睇埋啲不知名大陸演員，又有好多唔同類型歌手，啲歌好好聽，條街有唔同特色嘅舖頭，唔會全部都為咗大陸人而開，真係好懷念
13個讚
淨係搭火車，星期一至五放假出街都好唔同，無大陸人既日子真係身心舒暢，但已經此情不再，係舊年運動後無大陸人來，先可以再吸下d 新鮮空氣
9個讚
同感，當時是香港最黃金的年代
3個讚
以前冇五一十一嘅假期，出街唔會見到喼，細個時讀書言論自由就好似空氣咁，感覺唔到，當時唔覺有幾珍貴，而家香港個睇d新聞案件睇到寒哂心！
6個讚
以家多左好多新香港人，呢樣野已經好唔同
2個讚
記得果陣警察頂帽個皇冠頭除落嚟換,當時覺得核突咗咁多嘅…
2個讚
大時大節阿爸阿媽會帶我3兄妹尖沙咀睇燈飾
好有氣氛
周圍唔會有鄉音大媽嘈住哂 更加唔會有行李喼轆爆你腳趾⋯
3個讚
而家香港已經被新港人入侵，你睇BK班人幾勤力日日出洗腦post，話比香港人聽無咗大陸，香港要食屎，所以大家要感恩
6個讚
同意，97後成個香港畀大陸污染晒
3個讚
殖民時代更比現在自在，真是諷刺
現在有時都會諗下香港有無可能自給自足
4個讚
97前既香港真係好靚好多姿多彩，97後只係被利用同㩒低香港唔比發展
2個讚
時代既巨輪，無人能阻。
香港終要回歸中國。
不如香港人，再團結一點，以香港影響中國。
希望我地既國家有日可走向民主，不是只有錢，而是成為真正的強國。
1個讚
同感
係呀，個時聖誕燈飾好靚架，由尖沙咀行到落旺角都有，旺角恒生大廈個個十字路口都有燈飾，政府比以前更有錢反而咩都無。
6個讚
唔係想笑你，不過你話以香港影響中國根本係無可能嘅事！除非你完全唔了解中國或中共
2個讚
冇所謂，每個人都有唔同睇法。可以和而不同，互相尊重就好。
如果你了解中共，都知道香港係永遠冇可能獨立既事，中共係唔會比香港分裂出去。而且台灣是遲早要收返。中共為左實現佢既統一夢，係肯定無所不用其極。
另一方面，中共係唔可能永遠不實行民主制度，一個「槍杆子既政權」，係點都要過渡到一個較民主制度，才會漸漸更被人民認同，中共是不可永遠一黨專政的，但中共幾時走上呢個改變既浪尖？冇人知。
香港和香港人，現在仍然可以話一國兩制，仍然是中國國中維一可悼念64的地方，我地有我地特殊既歷史，我地係有一定影響力，可能今日未得，明天呢？明年呢？冇人知。但我唔會話香港冇呢個影響力，上年，我地好多次創造了歷史，未來仍然有希望。
2個讚
2019年之前香港仲可以悼念8964，相信今年開始會進一步受到打壓（特別係23條立法），嗌左咁多年64晚會口號：「結束一黨專政，建設民主中國」呢個諗法好完美，但實際上香港根本影唔到中國的民主進程。
2個讚
懷念香港以前既秩序，唔洗成日驚言論自由受威脅，有可信任既法律，有真正為民著想既港督(依家以林鄭為首既人渣全部只為cap水)。
4個讚
其實各有各唔同，回憶總是美好
當然呢9個月係惡劣啦
我覺得2007-2008都唔係太惡頂嘅
其實都大勢所趨，全世界任何一個地方都花無百日紅，加上而家擺明比人壓低
2個讚