如果開刀會揀靳嘉仁定游洋？有冇人可以分享下經驗？謝謝
一定靳嘉仁，你有無睇過游洋?你點會覺得佢好?
我去法國醫院睇過游洋，但係佢比唔到信心我
我本身有啲婦科問題一路有睇開尤達雅，但我做過微創後有少疤⋯（我信佢所講既我皮膚易有疤，當時已經貼左好耐去疤貼，但有個位係有疤）同佢逢埋左我個肚臍，約干年後講開佢話無攪過我肚臍，但無攪過點解會連埋左！佢係nice既，令我當時覺得有日我有bb唔可以搵佢！而且佢太多人睇，好難約
上年年尾又係睇唔到尤達雅咁試睇游洋，佢好仔細講好多嘢⋯我老公都覺得佢好，咁佢有提過我係難啲有bb而且高齡如果趕要生可外面搵人工受孕。一月我行埋後出血，我去睇佢佢係第一個話我有子宮頸內翻問題所以會出血⋯
4月頭我發現自己有左，想book游洋一book要到月尾⋯咁中間唔等得咁耐，就睇下荃灣港安有無得book就睇左靳嘉仁
4月我已經睇左幾次靳嘉仁，我覺得佢唔係親子亡國啲人講到咁而且好nice佢好詳細同我分析好多嘢！今日去睇游洋，佢以為我覆1月既診，之後先知我有左⋯佢地部照聲波同港安差好遠又細又唔清，佢印左俾我留紀錄都無用！而且佢好似無好主動咁講咁多我身體情況同要注意既嘢⋯（佢連葉酸又無叫我食，又無叫我驗T21,飲媽媽奶咁）我媽話可能人地覺得我出面睇左都唔係想搵佢所以唔多理
我媽未陪過我睇靳嘉仁，但佢叫我5月陪我再睇時比較下⋯我父母覺得荃灣港安唔好，因為佢啲朋友有唔好經歷！
其實我有啲傾向搵靳嘉仁，但游洋又相對平少少但今日佢表現令我有啲卻步
靳醫生出面有診所，如果唔想鍾意港安可以去佢D診所睇
我因為婦科問題，睇過好多醫生，其實你可以試下威爾斯親王醫院私家症(電話:3505 1456)，好多人唔知，第一睇醫生唔駛等，第二約時間可以好快，唔駛等幾個月，第三醫生有水準，我睇陳丞智醫生，佢係婦產科部門主管，你試下鐘唔鐘意個環境同醫生先
http://www.obg.cuhk.edu.hk/wp-content/uploads/20190829_Private-Clinic-of-Dept-of-OG-for-website.pdf
1個讚
以前睇過靳嘉仁，我覺得無人講得咁nice咁好，而且我本身的問題佢一啲都檢查唔到仲話無事，結果我搵林文英睇多次，一照就照到出問題即刻安排手術，游洋我就未睇過
游洋我無睇過，但靳嘉仁就不了。
佢真係太過businessman，當初佢知道我唔係佢度做T21同埋喺佢度生b，佢就變得有d hea 好快就睇完，經常full booking而且係over booking，真係試過等4個鐘但睇得5分鐘，我上次係港安聽到d姑娘話佢係咪都book手術期，book到好密 搞到有時會做得好趕，又趕住接下胎，有手術做又唔call你叫你遲d先到或者改第二日睇，太多人因為睇新聞見到佢名而去睇佢，但其實佢都係一般般，最後我睇咗大概5次我就轉咗去睇第二個醫生了，又細心d又收得平d，開刀傷口又靚，重點係呢個醫生好有交帶，有緊急手術佢會call診所，診所會叫你遲d先到或者改第二日睇
我兩胎都搵勒嘉仁，依家第三胎都係搵佢。老公鍾意搵返佢，因為我兩胎一有急事call佢，佢知緊急會好快覆，令我哋好安心。
1個讚
雖然唔係睇生BB
但我睇過勒既婦科
我覺得佢唔係大家講既咁好
有啲想拿拿淋照完/睇完既感覺
所以我依家會睇同醫務所既伍大強醫生
伍醫生好nice又肯解答問題、講解
我諗住有左既話都會睇返佢
1個讚
咁佢又無咁對我⋯我第一次睇佢時問搵佢生啲收費然後又話要過左十幾週先接！之後再睇有次佢主動話如果政府生開刀要提一提個醫生攞仔個位有瘤，否則唔為意割埋落去會出血！我無應佢，但其實我無打算政府生！
咁當然我最近T21都係佢度照！
我可唔可以問你你個醫生係邊個呀？
我試過流啡即撲上港安睇急診，但當日無產科醫生。我老公call佢都好快覆，但我有時見到啲人咁話佢，攪到我有啲猶豫
要轉介信？walk in得唔得
唔駛轉介信，walk in唔知得唔得
因為我每次致電預約，收費大約$800-1200
排期耐嗎？手術收費？
我怕你誤會，我是睇威爾斯親王醫院私家症，不用排期，手術收費與出面私家醫院差不多
我知道呀，私家有些醫生要排好耐先有，問一問。
另外，婦科手勢可以嗎？
好過私家醫生X100倍，我曾經睇過法國游洋，由三點等到六點，又或者約極都約唔到，例如，我BOOK威爾斯私家，約12點，我到診所後，護士call醫生，最多等30分鐘可以睇
Sorry 遲咗覆你
我最後係搵張耀昌醫生開刀