唔想知背景直接跳到最尾～我認為我只算中級嚴重，多圖慎入
我33歲，後天濕疹，工作家庭無乜壓力，亦唔係唔開心，飲食清淡，除左成日夜訓，生活算正常。今之年初失控近年最嚴重，但兩個月前，我用左某隻中藥(濕疹清 - watsons $149），好返8899，仲差少少，唔係廣告，隻藥啱我未必啱所有人，啱我今次亦未必下次幫到我，我亦唔肯定佢有冇類固醇，但我明濕疹太痛苦，希望呢刻幫到你。
2014年第由幾粒環形濕疹開始，起初搽輕量類固醇就會謝，搽下停下。反反覆覆，手腳身背都有，慶幸頸面都無。一直無斷過，唔算嚴重。2015年睇過中醫，開左中藥俾我飲，咩透表透裡，戒口食齋，幾個月無效，發到全身都係，果次算中度，無爛肉無血，但自此就無好過，搽輕量類固醇都唔係好控制到，又反反覆覆。睇過西醫，不外乎都係藥膏及補濕，亦都食過濕敏清中藥膠囊。
幾年間我試過搽好多野(A膏、椰子油、杏仁油、金盞花、AD軟膏、濕疹藥膏、精油、純淨水、茶樹膏等等），亦試過戒類固醇，試過不用沖涼液（cetaphil、QV、aveeno,、手工梘、天然洗髮等等) ，床單被單衫褲屋企勤清潔，房同公司長開清新機。以上所有野我都勤力做。都係唔知幾時就會嚴重啲，好返手時就走落腳，好返腳又背同身，永遠唔停。
今年年頭開始全面惡化，天氣凍加試乾，新年Work From Home，日日食得清抖得足，但係變得很嚴重，差唔多全身都爆晒。又痕又痛訓唔到覺，R到損，搽類固醇都唔掂，打算再去睇西醫時，朋友叫我試濕疹清，開水熱敷，抺身，我跟足說明戒埋口，早晚抺一次，用完之後起碼7，8小時唔痕，用完一兩日己見變色同埋結焦，好堅持咁用左一個月，大概用左5枝，依家淨返膝頭後有少少，其他地方已無晒。印都開始退緊。樽野有印某個香港中醫師，我有打算好返後去睇調理下，打返好個底，迎接下一個冬季，但疫情下我都未去。
<<<<<< 我簡單寫返呢三個月我做左乜我覺得有幫助 <<<<<<
- 起床即沖涼，即熱敷(你皮膚能接受的最熱程度，過程唔痕仲好舒服，我敷全身患處一個半小時)，再薄搽Palmer’s Cocoa Butter Formula Lotion / Eucerin Eczema Relief Cream補濕
- 晚上食完飯抖陣再沖，即熱敷(全身患處一個半小時)，再補濕
- 只穿棉質，鬆身透氣衣及褲，凍就著褸，一覺痕就除褸
- 沖涼要快不可熱，無出街嘅話我就只用清水沖身，有出街就用無矽洗頭水洗頭, 用手工梘洗身
- 返工不忘補濕，一痕就要補
- 一定要忍住唔好 R，雖然我都忍唔到，最多我都係隔住衫係咁摸同磨…
- 少食甲殼類海鮮、辣、蛋、戒奶 、甜 (我只係發炎時期戒口，我自己嘅感覺係有關係）
我用呢個方法大概搏鬥左一個半月，當中有隨著轉冷轉乾嘅天氣惡化返少少，但繼續堅持，到三月尾我已無再做熱敷，只係早晚沖涼補濕，當然我暫時仲係返好少工…冇咩大家再問，之前我每日都有影相記錄，最後4張係今日影的
