21週搵左個好出名既女醫生照結構（姓羅，唔開名），佢話一切正常。
BB出世前一日公立醫院照超聲波評估大小同決定催生日期，個醫生睇頭圍果真忽然發現照唔到胼胝體（英文叫corpus callosum,係連接左右腦傳遞信息既部位），但果陣話週數咁大應該未必作準，如果照結構話無事應該以照結構個結果作準。個醫生聽我搵左羅醫生照結構，佢個樣係好似話“佢照你應該好放心至係"咁款，咁我就無再太放係心度。但醫生都好好咁幫我排左兒科3個月去照腦部超聲波。
我生完諗諗下覺得心掛掛，打去羅醫生個診所講番個情況 同佢核實當時有無照到胼胝體，個姑娘話要同醫生講下問清楚左覆我，隔左個幾星期，羅醫生親自打比我，話胼胝體並唔係照結構常規要照既部位，叫我都係等政府幫我照腦部超聲波作準。
我當時係好震驚，人地醫院幫我睇BB頭圍都可以順便發現到胼胝體有異常，我比幾千蚊搵名醫照結構佢竟然話照結構係唔check哩樣野。
我當時終於開始慌，等唔切政府照超聲波，自費去私家照左，結果出黎真係胼胝體發育不全，有胼胝體但好薄，而且最前端缺失（佢係長形既）。而家BB 2個半月，暫時未睇到有咩問題，因為有哩個先天問題既人一般係學習遲緩，肌肉發展遲緩，人際關係障礙，有d連帶智力低下，嚴重會痙攣，腦部積水等等。
我因為哩件事成日喊有抑鬱，覺得自己有冤無路訴，好似啞巴吃黃蓮咁，照結構個原意就係比你係懷孕早期知道bb會唔會有缺陷，如果必要時有權利選擇要唔要，我唔係話我一定會唔要個BB，但我覺得我而家係完全無得選擇就被迫接受哩個結果。人地話照結構係唔照哩樣野，咁我又的確唔知到底照結構包照d咩，我根本無辦法據理力爭，我而家直情唔知點面對人生同將來，有無人可以比d意見我?或者有無人知道到底照結構係包咩?
13個讚
加油呀，bb嚟到你身邊係你地嘅緣份，我都唔係好記得照結構包啲咩，不過我係政府照左幾次都係話個頭圍比較細，開頭問醫生都係話可能細啲，但第二次再照又係話細，再問就話驚佢腦部發育會可能差啲，聽完都好唔開心，但我係私家產檢個醫生又話覺得唔係好大問題，叫我唔好太擔心，我依家都盡量唔諗，希望佢可以健康順利咁出世
2個讚
樓主起BB 21週時照完醫生話冇事，所以一直放心
到生仔前一日再照，公院同佢講有異常，呢個時候想落都應該冇得落
唔知照結構會包乜，但如果公立醫院都發現到，即係生之前可以發現，咁照理私家照結構又真係應該會發現到喎。
責任要追，但BB已出世，佢黎到呢個世上，係同你哋既緣份。趁依家搵多d資料，做下準備，要諗下方法點幫佢。
4個讚
樓主係bb出世前1日公立個邊話照唔到有胼胝體，出世後佢等唔切排期就自費出去私家照先確認到真係冇。
1個讚
上網睇多d資料！
或者問下照結構既醫生係咪真係唔會照到
如果真係醫生有問題
我會告佢
Sorry to hear that your baby has this problem…
我當年搵林勇行醫生照，佢有俾張checklist. 搵到喺呢度：
係冇寫明會照corpus callosum… 林醫生都寫咗免責話大概只能搵到8成問題，相信你個醫生都可能口頭上講過類似嘅說話… 我都唔清楚冇寫明會睇，但會唔會其實都可以喺21週睇到，繼而去做更多測試? 呢樣可能你要搵下文獻或者問番專家。
我都試下搵下啲文獻但又唔係太識睇，個condition 係咪叫agenesis corpus callosum?
除咗私家嘅結構，你有冇喺政府再照結構? 而照咗嗰次結構之後，係咪冇再照ultrasound?
我又搵到呢篇文章有訪問幾個冇corpus callosum 嘅人。
https://blogs.scientificamerican.com/observations/patients-reflect-on-life-with-a-common-brain-malformation/
佢哋係老咗先知，之後就明白點解自己以前所面對一啲challenge, 但佢哋都有些achievements，亦可創一番事業。
呢篇我就明啲唔明啲，唔知有冇解讀錯，大意係研究入面嘅人除咗corpus callosum外如果冇其他腦嘅問題，過半都智力正常。
你唔好咁悲觀先吖! 向前看，同小孩一齊面對同克服。
如果有咩講得唔啱或者希望你都原諒我
27個讚
我囡囡20週左右係政府照結構時，當時醫生話照唔到bb 胼胝體，佢解釋冇左嘅bb 有一半機會影響日後發展，智力或成長都可能會有影響，機會係一半一半，但同時又話其實愛恩斯坦都係冇嘅，當下聽到覺得即係點ga? 一係天才，一係白痴嗎？ 而且非常擔心，醫生亦比多個期我一星期之後再返去照。 我等唔切，即刻搵我私家婦科傾，咁佢好快幫我book 左謝醫生第二日就比我照，所以謝醫生未照前巳經知我咩事再照，謝醫生都重點檢查係咪冇胼胝體。 出來結果係有但短過正常人，唔明顯，比較難照到，當時謝醫生就話其實照到有就ok. 叫我唔洗擔心，咁我最後直頭冇再返去政府做產檢。 本來都book 左私家生嘅。
到囡囡出世，返健康院，囡囡頭圍發展又細過正常好多，話有機會頭骨生得唔正常，影響腦部發育，要囡囡返兒科覆診，keep 住觀察，之後又話佢聽力測試唔合格，有機會係弱聽，咁check 完一大輪就話冇事嘅，除左頭圍一路都係細過正常，個人輕d 細粒d之外，其他成長發展都正常，一路都要佢覆診做檢查，維持左幾年，後來要移民所以先冇再返。
我大住肚時知道都擔心到咩咁，明白而加你bb 巳經出左世先知道就更加la。 不過既然b b巳經來到你身邊，做媽媽嘅就只有做該做嘅事，聽醫生指示做檢查，因為如果將來b b 真係有咩唔妥，及早發現，切勿錯過治療黃金期就ok，咁當然希望你b b 咩事都冇，健健康康！
我b b頭幾年就係咁過 … 係好驚好迷惘，但其實都冇法， 所以媽媽你都加油呀！ b b 知道都會努力㗎！學醫生話，b b 而加仲細，有冇影響都未知，問題亦唔係一時三刻可以解決到，即然係咁，暫時試下唔好擔心咁多住，好好享受初為人母嘅感覺，同老公兩個一齊面對 ~ 
28個讚
BB頭一年都係腦部發育時期 bb有無限可能 而家Confirm係有果部份 咁都知佢可能會弱啲咩嘢 就訓練多啲 刺激多啲果部份等佢發育得好啲
照結構會講免責條款 有好多病其實照結構都照唔到出嚟 而家唯有一路訓練同照顧佢一路接受依件事
1個讚
記得照結構個醫生冇照呢部分
純粹同你數下手指腳指同身體應有嘅器官
份報告都有寫唔包佢智力方面
我覺得樓主唔好咁擔心
佢做得你小朋友一定係緣份
盡力睇下有啲咩可以幫到佢
做咩治療咁
加油呀
有咩需要出聲
我記得照結構係無胼胝體呢樣，好似腦都無特別照，頭圍size正常就ok…
我照過三次（包括政府、私家醫院或私家診所）也冇詳細地講腦部（可能size ok 所以冇特別同我再提）
主要都係睇四肢、手指、心臟和鼻哥有冇扁
追究醫生與否係後話，因為會係一件漫長嘅事
你而家最重要係好好休息，照顧好自己， BB會健康成長
我既經驗係信私家醫生都唔好信政府，
特別係你個私家醫生唔好求其街邊畢業一兩年個啲，
反而隨時政府個個真係可能連專科都未係
特別係近年，好多有年資有經驗的都走晒。
結構唔一定照晒每一個結構入每一條神經組織，
係好多野睇唔到，
試吓問吓其他人係咪真係好似政府醫生話結構會照呢個位？
或者你下次返政府再問下，話上個醫生咁講，但私家咁講，究竟係點
不過BB先天有問題，唔一定有任何一方有出錯。包括媽媽你！
媽媽加油！！
另外，有冇帶去俾兒科醫生跟進？如果係腦科仲好，可能根本唔係咁worse，聽多個意見都好，唔好自己揾dr google!!
記住BB細，唔好只跟政府覆診，一定要自己搵埋私家。
1個讚
係咪比較少見所以唔係常規要check？
如果係咁，告唔到醫生！因為唔算出錯！
但係缺少左呢樣野而導致某啲器官有問題，咁照結構時，醫生係咪應該睇到/聯想到「某器官細小 - 可能係因為缺少某種腺體」而咁既情況下，可能有機會追究？
（可能有啲詞不達意，請原諒）
依家暫時都係要睇小朋友情況，諗多都負面都冇幫助！留意返bb既學習進度係咪同健康院所建議既差唔多！多啲同bb玩，聽下音樂！
1個讚
生左2胎照過2次,醫生有無照呢個部份我都唔清楚,因為我未聽過呢個名詞,醫生都只係話腦部正常,大小正常,解釋下心肝脾肺,血管呀等等各種各樣野,講真有無包都真係唔清楚…但可能正常有經驗的醫生應該會睇埋,當係腦部的一部份,唔通佢會一個一個part的專有名詞講咩~應該係佢睇晒綜合到底有問題定無問題,有問題就應該轉介同解釋。我覺得呢個醫生有d問題…如果公立睇左同你講,明顯係應該要睇,睇左無問題就唔會特別提出,但有問題時就會比建意你咁先岩架…
不過現在再追究都改變唔到bb的現況,希望你bb健康,能發現總比完全唔知好,至少可以搵方法幫佢。
祝福!
但我過陳時聽過結構唔係百分百準，有d 野好 似骨折照唔到，佢照之前有講
1個讚
上網真係搵唔到照結構抱咩，同埋d醫生都有晒免責條款，突然出左事我先發現原來係無保障