送外賣飯盒都攪到咁? 食環/警察/侓政司在做什麼? 
外賣姐被屈做小販脫罪 香港城管化
去年12月15日，外賣女工覃群英（英姐）到土瓜灣的學校區送飯盒。但食環署的人一早已在對面馬路等候，指她無牌擺賣、阻街。經過四輪審訊，英姐被判無罪，討回公道。 法官宣判時指食環署職員口供誇張，證物中聲稱用作散賣的三個飯盒，根本不曾存在。
四個月以來，英姐因為受不住壓力而失眠，並辭去工作。她的丈夫已退休，與三名由十歲到十九歲的子女，現時靠積蓄渡日。她零二年來港與家人團聚，「我喺鄉下農村出來，諗住過到香港會好啲，原來同大陸都冇乜分別，而家咪被城管拉，去警察度鎖手扣囉！」身裁矮細的她，一提起被捕時的百般凌辱，仍忍不住掉眼淚。
事發當日，英姐被三男一女的食環署職員圍捕，迴避時被推向大樹，擦傷手臂和頸部。她致電給老闆余雷求救。余先生趕到現場，拍下片段，成為案中重要證據，「如果罪成，我哋都唔會上訴。見過鬼仲唔怕黑？」「經過今次事件 我真係覺得香港城管化。」他當時向食環署職員展示單據，指所有飯盒皆有人訂購。其後警察到場，亦有向前來取貨的學生求證。但食環署職員堅稱飯盒已成為證物，著學生去警署認領，「普通市民，一眼就睇得出呢個係送外賣。花咁多人力物力，應做嘅你唔去做？」「收電話嗰啲算唔算？走水貨算唔算？人哋紋晒身，成個旺角都係啦，豎個牌喺度，寫明收幾多錢。一百幾十萬現金袋喺身，點解唔去捉佢？」並質疑Pizza Hut和麥麥送是否也要被取締。
更離譜的，是英姐由警署往醫院驗傷時，竟然被鎖上手扣和押犯鍊，規格與殺人犯雷同，「見個女工咁，我男人老狗都真係滴眼淚。我叫佢同食環、同警方合作，原來有咁嘅結果。英姐冇話我，但我心過意唔去。」
