前言︰難得有個黃色討論區﹐
好想壯大聲勢等遲下係search engine搵野會見到Baby Discuss instead of BK
所以立志寫D有內容有質素嘅嘢等多D人入黎支持！
利申唔係打手冇錢收架﹐
亦都唔係專業Blogger只係平時比較鍾意私下寫下字咁﹐
如果大家覺得好睇﹐
希望都like下支持下同埋一齊寫多D有質素post﹐
等呢個親子講場可以愈黎愈旺場！
唔知有冇Sis同我一樣心大心細左好耐買唔買Bruno鍋好﹐
我自己係因為好想好想食燒肉但又唔出得街﹐
同男朋友已經諗左成個月﹐
由有貨等到周圍都買唔到都未落定決心﹐
始終都唔平好驚買返黎擺…
於是決定買之前我地做左好多功課﹐
而我都幾推介大家睇下：
【開箱】Bruno鍋堅好用
實測伯爵茶Pancake
by Martin
【消委會測試】港女至愛Bruno鍋最好 億世家易觸電 by Apple Daily HK
睇完感覺Bruno鍋都真係幾好﹐
雖然Martin段片講左超級多唔好嘅地方﹐
但我地終於抵受唔住燒肉嘅呼喚決定要買了！
於是係上星期我地行左好多地方想買呢個$998第一代Bruno鍋
點知行左好多好多間都買唔到Orz
一路行一路問之際
發現左新出嘅Oval Hot plate / Crassy仲有少量現貨
公價係$1598但係佢比$998多送一個深鍋可以打邊爐
因為我地本身都諗住加多三舊水買深鍋﹐
咁計落都係貴多三舊水…
又其實$998第一代已經出左好多好多年
Oval Hot Plate係上年新出
心理上覺得會耐用D﹙？﹚
外型方面第一代浸顏色應該係噴漆上去
Oval係電鍍上去
﹙其實唔識只係__up﹐但大家去睇下實物就明﹚
感覺唔會咁易刮甩D漆
於是！上演左N輪內心爭扎之後
我地終於買左Oval Hot plate返屋企 
睇左咁多廢話終於到用後感：
優點 -
- Oval Hot plate改善左好多第一代嘅問題
﹙有咩問題請自己睇一次Martin段片：
https://www.youtube.com/watch?v=Gs9VCEioNSU﹚
當然如果你覺得第一代嘅問題唔是問題就冇乜所謂的 - 要highlight一下
oval hot plate係個plate同機身之間加多左個圈圈去接住D汁
所以免去左第一代要清洗嘅煩惱
而且佢改左唔再用發熱線
touchwood接唔住菜汁要清潔都方便D - 第一代嘅優點佢都有
而且比第一代個surface area大少少
第一代雖然有加大版但真係只係加大左
依然係發熱線同缺點應該都係果堆
缺點 -
- 油煙呢樣真係冇計
燒肉黎講真係好大味
如果個廳通風唔好真係要諗清楚
夏天極有可能要開住窗開住冷氣咁燒
其實German pool有個燒肉專用爐可抽油煙﹙~$2000﹚
但就真係只可以燒肉冇其他用途 - 打邊爐唔係好夠力
雖然sales姐姐有同我地講左一定要卡實個底先發到熱
但都係好慢先會滾起
﹙燒肉只要夠時間預熱﹐效果是OK的﹚
update :
Meteor
Oval hot plate其實火力大過舊款，而個圈圈係打邊爐時拎起會快熱好多㗎！
- 呢個唔知係咪缺點
不過佢係Made in China
總結：
我好滿意個新玩具
始終我地冇諗住買第二代
而第二代又出乎意料地改善左好多問題
好鍾意食燒肉嘅朋友我都推介買bruno鍋
消委會話佢夠安全
係屋企食燒肉又平又可以燒多D自己鍾意嘅瓜瓜菜菜
想食乜都可以放落去燒
疫情過左宴請朋友都開心嘅
至於係咪需要第二代？
由於我地屋企咁啱冇爐可以打邊爐
雖然唔係好給力但$1598我地黎講係OK
而如果你本身有打邊爐嘅工具就少左樣吸引力
好似係$998實惠D
不過又有清潔嘅concern
但如果大家唔係好似我咁瘋狂愛食燒肉
而係想買個港女鍋打下卡諗住所謂life style係廳煮嘢食
唔好傻啦豬豬
如果整大油煙嘅嘢不如都係返入廚房啦
就算唔係要將D材料係廚房搬出廳
整完又搬返入廚房好好玩咩
﹙定你想買個鍋係廚房整嘢？都冇話唔得嘅﹚
so far我未諗到有咩我會想特登用呢個鍋整而唔選擇用返廚房個爐頭…
可能真係煮下早餐咁？諗到再話大家知
多謝大家咁有心機睇左咁多字
唔知大家覺得有冇用？
如果睇完諗住買同唔買都話聲我知
又或者有咩使用心得都可以一齊交流下架 
但係而家唔知仲有冇得賣嚕
因為某連鎖店sales哥哥話我地知
由於佢係MIC所以一日未復工一日都唔會回復正常貨量
而家訂可能要等多一個月先有
Good luck to you 
