簡單講，結婚6年，有一個一歲小朋友。
結婚前已知同先生人工有距離，但我從無介意，因為我深信假如一個人重視個家會係不同層面付出。
可惜，我先生一次又一次令我失望。家用少到個點係外籍傭工都高過，佢個理由係你搵得多。小朋友出世我好似乞丐咁乞多$4000家用。買樓佢俾左1/4都無，我就俾1/4，另外一半我父母幫，但佢從來無諗過佢要還。供樓還錢都係我。
6年婚姻中老公失業過，但每次都係要等佢所謂理想既工，每次都要我講大話呃屋企人。
我工作既壓力唔係壓力，係唔知足，有份人工高既工仲呻。我OT返到來就被黑面。小朋友大小既事都係我理，佢只會用電話comfort 個小朋友。
佢情緒有病就係大晒。我因為佢情緒有病，收入少既付出係nothing 。甚至其實因為佢有問題，無咩機會自然有小朋友，我俾錢做人工受孕，身心承受既好似又係nothing 。大肚粗重野照做，開左刀想佢扶我去抹身一句覺得肉粒唔做，甚至一句你行得走得即係無野。
我其實好想離婚，但佢同佢屋企應該會癲左搞事，搶小朋友。我父母一個dépression一個血壓高都受唔到衝突。我每一日都會覺得好絕望，但又唔可以表現出來，因為會影響小朋友。我可以點做？
我覺得家用比幾多
首期比幾多
之後又唔一齊供樓都無乜野
對於我來講最大問題係你老公好似唔會欣賞你嘅付出、唔懂得感恩。
付出唔係必然
11個讚
有冇可能好好咁坐低一次傾下? 層樓係邊個名，有咩事除左小朋友，可能你仲要諗層樓…
把口話有，但得把口。
會幼稚到我襯個小朋友訓左佢睇住，買屋企雜貨，順手買下午茶人地俾錯都黑我面。
對我父母都無感恩。試過佢自己玻璃心以為人串佢，黑全部人面，甚至說話好差。
我返工仲要煩埋佢無端端攞我父母做出氣袋
層樓係我個名。見左counseling ，但佢無insight 。相反覺得我個人mean ，無欣賞佢付出。
如果照你咁講，佢又冇改進，而對佢已經無愛無感情，我會選擇離婚。
2個讚
如果我老公黑面比我睇我會比佢更加黑面囉！佢當自己邊位？
唔覺。婚後先見真章。同有種只可以我為佢受患難，佢唔可以。
我記得有段時間我工作壓力好大，我每日收工只係喊，我話不如我睇醫生，佢覺得我好煩，你份工人工咁高，你又有咁多朋友，點解仲可以唔開心
其實好想，但諗起一連串善後事宜同引起既拉力，我有份好强無力感
為左你小朋友，應該堅強d離婚，好好甘做好計劃，你父母一定會支持你，只要你唔好比佢搵到，甘佢就無你符！
愛錫你既小朋友，愛錫你自己！
2個讚
加油，有朝一日你都會強起嚟，我同我阿媽都係由淋茲茲到現在對另一半嘅態度係話知佢死！
1個讚
不如傾下可唔可以一齊去見婚姻輔導，如果大家都有心解決問題，婚姻輔導好有用。
4個讚
呢個男人好唔掂，唔識體諒又eq低，純粹想食軟飯⋯⋯如果你對佢無曬感覺，就要為自己準備多啲
1個讚
個人情況唔同，我c6之前都有類似症狀，我最後忍無可忍爆左一鑊，小朋友同我奶奶都嚇親
嗰次我預最壞打算我回娘家住，唔想再返去。最後爆曬出來，佢諗深一層開左竅，以後對我態度同家用都算正常返。
1個讚
爬完文會覺得個男人自卑到要靠傷害身邊人黎獲得成功感，
根本有D病態
如果要為小朋友好，
樓主真係要好好下一個決定
5個讚
爆一次通常會好啲
但隔多2 個月又回復以前咁
真係好煩
1個讚
佢全家都玻璃心都爆，但玻璃心既人反枱係可以好恐怖。呢個位係令我好卻步呢刻做任何野。
由小朋友出世，我對佢有好大內疚。覺得係未帶錯佢來呢個世界。另一面，我希望我可以身心健康撐住，因為我有咩事，小朋友俾男家，佢命運會好慘
當然做女人唔會話爆就爆，我嗰次爆之前其實plan好，如果要走，自己搞得掂小朋友同自己生活先爆。佢哋癲，你比佢更癲，俾佢知你唔好蝦。
屋你有，錢你又有，小朋友會俾媽媽多，你趕佢走都仲得，去到連婚姻都唔希罕，怕乜仲擔心男家破璃心，當刻只要勇敢企出嚟保護自己同小朋友，唔好成日俾佢感受到媽媽俾人蝦
你老公一直責任感太細，唔知小朋友大開支，辛苦左你都唔知
1個讚
