我係小學教師，
停左課咁耐，學校一直都要我地拍片放上google classroom，然後每星期做一次檢討報告（姐係追數），然後又要live zoom上堂。
我知道好多家長都覺得好煩同好吃力，老師亦都覺得根本成效好低，但係一間學校有做，其他學校就要跟風，而好多時校長根本都冇理成效係幾多，總之驚有比較就做左先。
小學生都仲有家長逼下小朋友上堂，我見好多中學生係開住live，但去左打機，然後得個老師坐喺度自己對住自己教⋯⋯
8個讚
家長唔反映同出面投訴，老師都係要繼續做
1個讚
好奇問…如果課外活動轉網上版教學，訂價應該點樣訂？
非常認同
一樣
人地都要搵食
YouTube 係單向學習，小朋友專注力始終有限，大家都知唔會吸收得好。其實好多小朋友都跟唔到D功課，個個星期中英數常教一課，要追到個個星期清得到功課都好吃力。
1個讚
我仔高小,算自律個批學生…
但實在太長時間無返學, 加上復活節後, 多左唔同種類功課, 又多左其他之前無做開的工作紙, 又要作文…
尋日, 係我好崩潰…跟到我喊…因多到阿仔開始有漏功課, 以前從未試過…
每科的種類多, 剩係英文的, 都10款唔同名稱工作紙 (因老師要求要分類交),
我真係要望清楚個TITLE係乜先得, 望完自己明左,先可以教返個仔呢張係乜, 個張做乜, 呢張主要教乜, 個張要你明乜…
我好認同, 得睇片, 成效係好好好低, 唔識唔明又問唔到, 下下要EMAIL老師等覆…
仲要老師都話係覆唔切, 未必個個答到, 或者REPEAT VIDEO喎…
我仔已經開始有放棄情況, 因為一係學唔到乜野, 二係好多時要我教, 補充返佢唔明的部份, 佢覺得我的答案滿足唔到佢, 加上亦有機會錯, 仲要教到好激氣, 大家都辛苦, 三係佢開始覺得無需要咁勤力同自律, 因為無左返學個種責任束縛, 明顯係懶散的開始…
申：我係地雙職家庭, 放工日日2小時咁追學校VIDEO同功課,星期六日繼續補返未做得晒的功課…我就黎痴線…
2個讚
阿女幼稚園，每日一個鐘zoom上堂。我地雙職家長，除左home office果段時間可以跟下，其他都由得佢自己安排，反正已有小學offer，依家學到幾多當bonus. 好彩原來放任唔理，佢自己慢慢會調節，會記得定時上堂、跟要求做功課。
作為雙職家長，一早預左zoom上堂要家長配合會有壓力，但我贊成要keep住上堂既，唔單止係追課程，最重要係比佢地有返規律同責任，如果唔係我諗個個瞓到黃朝百晏，連今日星期幾都唔記得。
我自己係小學家長，我睇到老師和學校都盡左好大努力，希望盡力配合「停課不停學」。有時老師打黎了解學習情況，我都話辛苦老師了，又要錄影、又要zoom、又要準備功課。
唔好灰心，你既努力相信好多家長都睇到，大家共度時艱。希望疫情好快過，好快又可以係學校見返老師。
1個讚
好明白呀, 我都有唔少朋友教書, 佢哋都話難搞過平時返學, 好多嘢要準備!
我自己本身都係在職媽媽, 個仔高小, 至少會自己做功課唔使催, 但就超鍾意在我返工時間嚟問功課, 有時唔忙都還好, 忙起上嚟遲答佢會CHUR我, 因為有D功課在網上做, 佢入咗去開始做就會有限時… 大人小朋友都好唔慣呢種學習模式!
家長group的確好多complaint…
老師又唔係太manage到點用
作為冇得home office又冇工人的家長即本人開始簡直想喊，放工晚晚好似home schooling，乜都係自己跟，功課自己改，個個月仲交學費
不過我心諗，非常時期非常手段，大家忍一忍啦…
家長同老師都係新手，要時間磨合下
又唔係一世都要zoom
希望復課有望
有同感, 無論家長或老師都跟得好辛苦.
我一個初小一個高小…放工後只能跟進初小個果, 見到佢學完好多都仲未係好識既時候, 有時都忍唔住發脾氣. 而高小個果根本就無時間跟進, 唯有問佢有冇做好功課, 佢吸收到幾多只有佢先知…
無奈, 但只好忍受.
所以我唔明有班家長點解咁反對復課，我心諗返半日都好呀
因為政府無做好把關工作, 任由D人周圍走, 仲要內地疫情數字可能做假, 家長唔放心, 特別係班跨境學童, 你唔會清楚佢地跟車黎, 佢地家人或者個司機同保母有冇事, 同埋中左唔一定有明顯病徵, 再加上武肺係未有藥醫, 小朋友中的話, 抵抗弱D, 個肺咁就一世…
唔復課故然辛苦, 我都爆喊左幾次, 但要用小朋友一世健康黎賭, 又真係唔值得咁賭…
1個讚
我哋家長唯一可以做嘅，只可以盡量配合老師。 不求有功但求無過
1個讚
唔係間間都有跨境學童，家長都希望有選擇。
我仔已開始抗拒網上課堂，再唔返學一樣有情緒問題。
好老實, 如果只係以成績, 個人情緒為由要復課, 同以大眾健康為由作考慮, 大多數人會以大眾健康為優先。
就算俾你小朋友返到學, 你估其他返學家長唔擔心???老師都會擔心要學童承擔大風險, 出事時, 當老師唔使負責任, 其實都會內疚自己係咪清潔同安排做得唔夠好, 連累學生受到感染…
老師都係到忍耐緊呢個情況, 認同大家要互相配合去加油…
其實復課都有好多模式，如果DSE做到，我覺得都唔係完全無可能俾部分年級復課。
同意感染控制要做好，可以全程戴口罩上課和放小息，返半日不在校午膳，進食前後要清潔雙手等等，大啲嘅小朋友可以做到。
講真小朋友被困在家多月，都好想見下朋友，有一啲口罩下的社交活動
講真小朋友被困在家多月，都好想見下朋友，有一啲口罩下的社交活動
咁你搵返願意同你志同道合的人GATHERING 已經可以…
DSE做到, 係因為學生相對少, 地方空間大左, 學生考完就走, 時間唔長,.
復課人一多, 一密集, 一個癮性武肺學生,足以致命…唔死個肺花左都一世…
所以到尾都係個濕膠政府垃圾, 睇D政策就知想HK人死多過HK人生存到…