搬咗入嚟唔夠兩個禮拜，比鄰居投訴左第四次，話我姐姐放咗對拖鞋喺屋企門口，對拖鞋係for 佢揼垃圾，根本唔會踩落街，今朝管理處有人上嚟咁我門鐘，話擺門口地氈已經隻眼開隻眼閉，但姐姐對拖鞋影響公共衛生，呢件事我覺得好癲。
大家有冇試過咁嘅情況？
申利住普通屋苑，一梯8伙
1個讚
其他鄰居有冇放嘢出門口？
如果個屋苑唔比 真係咩都唔比架
地氈都唔得 唔好講話鞋
問清楚屋苑規則比較好
2個讚
如果其他住戶都冇
就將拖鞋放入木門與鐵閘之間
新居入伙三把火啫
過得一排，大把人放鞋喺門口
無，但有門口地氈. 不嬲住開同一個屋苑，之前嗰層嗰個門口擺嘢
1個讚
咁你鄰居忍吾到, 你咪吾好放出面!
我地覆你忍到, 對成件事冇幇助。
4個讚
忍到 其實唔關我事
我唔會放，都好討厭人放，有邊個知你對拖鞋唔會踩落街? 管理處家家戶戶問D放拖鞋出門口人嘅人"你對拖鞋乾淨嗎?"，都好煩啫 
如果係我一對鞋，一塊地氈無問題啊。
我對住三伙人，包埋我都係咁樣，鞋不入屋，出去著
忍到,無所謂,又唔係放我屋企門口
醒喎 thx!
我屋苑門口地氈都唔擺得，管理員會㩒門鐘叫你收返入去
我唔鍾意其他人擺門口，但又未至於用到「忍」咁嚴重。
樓下講得啱，呢度個個都唔關事，關事嘅人已反映左「唔忍」。
2個讚
我屋苑都唔比架。
左鄰右里，大家協調下，令居住環境更舒適，對大家都好。
1個讚
走廊唔俾放雜物係怕火警走廊充滿濃煙，睇唔到嘢
鞋係容易令人click低
就算第二時可以放
為鄰居著想將鞋打橫平排貼著門邊就安全得多
有一雀腳鄰居放九對鞋都冇人理
大家都唔放就最好。 是不是乾淨就只有自己知。
如果大家門口好近就唔係咁好… 我住果度好多單位門口都唔近，所以好多人都有放一兩對鞋係門口。我就肺炎開始有放地墊係門口，因為每次返屋企會噴酒精消毒。
我會唔鍾意咯
我屋苑連地毯都唔畀放門口架
早排有業主同業委反映話最近疫情，不如畀人放地毯出門口做消毒，業委都話唔可以放寬
其實我都介意鄰居放嘢出走廊，好在全層鄰居都好守規矩
我隔離屋無投訴，但聽完你地講，自己醒目拿拿臨拎返對拖鞋入屋。
我冇諗過原來有啲人會咁介意。
隔離屋都好乖冇放鞋，咁我都要乖啲快啲拎返對拖鞋入去。
7個讚