仔仔而家兩歲半，佢小手肌發展我覺得甚至可以話遲緩。之前返過兩間playgroup，老師都同我反映返仔仔上堂唔多肯做小手肌訓練遊戲，唔鐘意做勞作。我買咗d訓練小手肌玩具俾佢，佢都無耐性玩。想請教各位，有無類似咁嘅問題，應該可以點做？實在好苦惱，好擔憂
有冇玩下泥膠，紙粘土？？
貼貼紙？？
台灣有隻Q doh，分唔同色唔硬度，練手肌。
我都係2.5歲囝囝，都係唔太中意做勞作畫畫，但玩lego就ok, 大細粒款都有玩，會唔會起興趣入手先？
平日小朋友多做咩活動？
小手肌差可以後天或先天不足造成。要多選不同手肌玩具，因為小朋友易累/力不從心，所以做一陣就唔想做，呢個時候轉換另一種活動，等小朋友新鮮感/興趣蓋過累的感覺。除了多做小手肌活動，也要檢討日常生活給小朋友的自理訓練是否足夠，例如自己吃飯、自己穿鞋、穿褲等。
所以，餐具留意小朋友是否運用得宜，或投其所好，鼓勵自己吃飯。顏色筆可買蛋形的顏色筆。假設各樣都做足，即非後天不足，或要找醫生/職業。
泥膠佢唔鐘意玩，貼紙佢撕唔出來，多數要我幫，佢做貼個part。都係玩兩玩就唔玩
佢食飯無問題，不過仲係反手識。仲有鐘意用手食飯。教極都唔肯聽，我好灰，唔知點教。佢完全唔鐘意要小手肌訓練玩具
你搣起個角佢會唔會自己搣？？
佢會夾硬扯起身，而唔係撕開
都可以由佢扯，都係一種學習。
我囝一開頭都係扯到爛晒跟住發脾氣，我叫佢温柔啲，又示範佢睇。
我係玩duplo 同classic, 細粒d，有時都要手指用力去砌，練下小手肌同手指靈活
比砌圖lego玩
嗰啲乜嘢遲緩唔使咁上心
有無俾佢玩衣夾？衣夾可以做出唔同造型
可以夾衣夾，撕下紙，串珠仔，用夾夾下d物件，玩下扭絲既玩具，放d佢鍾意已野/小食落d膠盒到，要佢揭開d蓋
1個讚
如果已經估計到佢做唔到，可以幫佢meet定個角，俾佢感覺可以自己做到，就算咁細個，成功感都好重要，如果唔係就會好沮喪，成日發脾氣。
1.先幫佢撕起角（等佢鐘意貼再到第二步）
2.幫佢撕角後再貼返，等佢唔知你幫左佢（建立成功感）
3.幫佢整鬆貼紙等佢自己貼
雖然淨係貼貼紙都分咁多步，但小朋友發展是環環相扣，手肌落後可以令到情緒管理、自信心都會影響。
可以帶佢去見下醫生治療，對佢行為發展好有幫助。
搵醫生跟進一下佢既情況啦
多d 陪佢一齊玩都好重要, 有需要就搵下間兒科跟進下
從生活細節去練小手肌，自己擦牙，扭下毛巾，通常小朋友鐘意玩水，都肯扭毛巾。你浪衫時，叫佢幫手夾下襪，毛巾仔，自己的底褲等小物件，可以用三角鉛筆求其畫 畫下公仔，佢想食橙時，你撕好橙角，請佢幫你撕餘下的皮，又可以教佢碌雞蛋殼，碌完有雞食
。平時同佢玩泥膠，玩下包剪揼，玩揸實小皮球再放手拋出去。
日日做，變成習慣便可以好快進步！兩歲半開始下放權力俾佢自己的事，自己嘗試去做，練到小手肌之餘都練到日常自理能力。