疫症期間公立醫院無陪產，又無得探訪，請問有無媽媽可以分享下產前產後情況？
例如
- 爸爸喺大堂度等到BB出世？之後呢？有無得見？
- 係咪要帶住口罩吸笑氣？
- 無得影全家合照？
- 如媽媽落到床，喺病房門口交收完物資就要拜拜？
我都想知 下個月尾預產期
我3月尾喺QM開刀生嘅，可以分享吓嘅，
- 爸爸只可以陪入院，辦好入院手續就要走喇，全程自已攪掂，到出院佢可以喺產後房走廊接返我同bb，爸爸角色係知道幾時出院，可以喺走廊交收藥單(如有需要)同交費，攪掂咗就可以喺走廊度等我地出嚟喇。
- 我冇吸笑氣呀，我開刀要全程戴口罩，聽講笑氣係可以除口罩。
- 冇得影全家福呀，老公都唔可以上嚟產科。。
- QM每日10:00am-11:00am可以喺K座下面交物資，填form，有人會送上醫院比產婦，果3日我冇出過走廊。
總括嚟講，真係好刺激，我生咗3個都好彩唔係新手媽媽，好難想像新手的話，好想有老公嚟分享喜悅，而要自已攪掂晒嘅心情，的確好佩服呀，和各位加油呀！！
5個讚
就咁睇都覺得你好勁,自己1個真係會好怕 
各位孕媽媽, 你地唔孤單, 疫症期間生BB記得多D來 Babydiscuss 圍爐.
呢度大把媽媽支持你地喔.
為母則強，你都可以架，何況3日2夜都好快過，加油
3月中係TM生。
無得陪產、全程要帶口罩、無得聞笑氣、無得探病、生完之後屋企人拎嘢食過嚟要禁鐘有姐姐會拎入嚟。
2個讚
生3個 真心佩服
我生一個都想喊
我係PMH，唔知其他醫院同唔同：
-
首先媽媽自己入產前護理病房做準備，爸爸喺出面等。當瞓喺床推出嚟落產房時可以一齊搭lift。
之後入產房時，爸爸再次喺大堂度等。到BB出世，媽媽被推出嚟，又係陪住搭lift，上產後病房。BB有機會同媽媽一齊或前後腳出嚟，上BB房/NICU。
母子各自返房之後都各有程序要處理，爸爸就無得見。 -
我開刀唔使吸笑氣，好自然咁一直戴住出門口個口罩，唔覺唔舒服。
-
無得影全家合照
-
之後住院嗰幾日，如媽媽落唔到床，屋企人就可以喺病房門口俾物資姑娘轉交。落到床後，就可以出病房一度門、屋企人入一度門嘅中間位置見面，有幾張櫈坐。BB就真係冇得推出嚟見喇。但比起平時有個好處，就係反而不限探病時間。
利申：其實入院前個姑娘係話「只准轉交，完全冇得見」，呢個做法都係後來喺現場先發現work，所以唔知算唔算official批准，定只係隻眼開隻眼閉。
屋企人唔入得病房最麻煩嘅位係出院
BB、換片換衫、幾袋行李，都要自己傷口痛住咁樣搞掂攞出去俾屋企人接應⋯⋯
1個讚
我響威記順産
· 老公無一直等，因為順產唔知等幾耐，所以佢番屋企等消息，BB出世後，姑娘響產房借個手機可以打俾老公通知生左，佢之後做運送物資，例如飯餸，BB出院衫仔，喺產後休息大房條走廊交收，姐姐可幫手交收或者自己出去拎同傾下偈都得，出完入房再度體溫，直至出院，姐姐幫手拎行李，自己抱BB出走廊，老公先見到BB
- 我由入院一直帶住口罩到生完去產後房先除，無話有笑氣提供，反而有香薰聞下、坐下fit ball同聼音樂去舒緩痛楚
- 無
其實老公送完入院，之後全程靠自己直至BB出世，所以有心理準備乜都靠自己，不過威記姑娘姐姐好幫手，亦會主動幫手，所以放心la
2個讚