究竟一段婚姻如果價值觀唔同，要死守包容但生活過得唔開心，還是放過自己走人？
6個讚
既然不開心, 就不要太勉強
日子每天都要過
如果每天都不開心
日子每天都會很難過
到時更加生不如死
take care!!
1個讚
一段婚姻如果係令你更痛苦，咁就唔值得死守落去。但你要諗清楚，唔係單身就無煩惱，會寂寞，被家人催婚，唔識做的親戚亂講野等，如果有小朋友，單親媽媽唔易做嫁。當然止蝕離場後有機會搵到第二春，但依家權衡輕重可以假設最差情況先，比心理準備自己，做左就唔好後悔。
簡單黎講，我覺得如果婚姻係令你overall快樂左，就好值得維持。如果婚姻令你人生更痛苦，就好無謂。
4個讚
看看有沒有小朋友
冇，放過大家可能係好事
唔係當時人，無辦法知道當時人有幾痛苦，但試著改變生活既重心，可能會有新發現
放手吧！
一齊落去，時間愈耐只會加深痛苦同將痛苦延續。
放手都係痛苦，但時間會令有唔痛嘅一日，同埋可能會有意外驚喜。
P.s.
我同拍拖14年前度分開，辛苦左3年，然後突然遇到個deedee，閃婚咗。我地識左30日，拍拖14日後就結婚，而家幸福！
曾經我以為係世界末日，但而家回頭一看，我感恩當時大家放手！
2個讚
可以分開冷靜下
有時唔開心又焗住一齊會將感覺無限延伸
分開下沉澱下思緒，過咗就可能覺得好小事，可以有方法繼續下去
又或者發現原來一個人自在好多，可以灑脫分開
仲之就盡量唔好响自己情緒差嘅時候做決定
1個讚
這這年多以來 每個月都有一次情緒臨界點 每一次跟他傾訴也沒任何反應 還是繼續的冷漠冷暴力 好唔到三幾日又打回原形 我想我今次真的下定決心走了 我會搬離這個地方 原因係一次又一次被冷漠對待 謝謝大家安慰 不要被一個悲觀的人牽扯著自己鼻子去過活
又唔一定離婚住嘅
或者可以先離開一下 大家各自冷靜
有時人就係咁衰
唔行開遠d就睇唔清件事
尤其是男人 都同佢講完一大輪佢好似冇聽過咁
到你真係離開咗 佢就會醒覺去諗
1個讚
可唔可以問下一齊左幾多年?
同埋你地"大約"幾歲?
婚前相處係點? 係拍拖已經唔夾? 定大家最近先開始覺得唔夾?
人生流流長。盡力過既話都無結果既。。。我覺得問心無愧地求開心既人生，重新出發
成世人而家先過左一半，冇理由餘下幾十年要繼續唔開心，不如考慮重新出發
我而家係死守，一開始都知價值觀少少唔同，有左結婚，而家十年，死守，互相磨合，有時鬧交，直到永遠，阿門 。
近排有個朋友好真心同我講我值得find another,但可能我仲未甘心。仲死守。但我係唔開心，愛得痛苦。 你想唔想學我？！唉
以前有個人教我，作一個決定前，實有好處壞處，你搵張紙一邊寫好處，一邊寫壞處，然後自己再諗下，再決定。
建議睇下男人四十，應該會幾有共嗚。
我會親手了結我第二段婚姻 當中好多矛盾 唔係三言兩語就可以講哂 我們最甜蜜是頭一兩年 後來 苦樂的比例是一比九 既然回不去 心也累了 算了
搵專業人士婚姻輔導左先決定 一段唔開心的婚姻關係太複雜 裏面恩怨情仇乜都有 好難三言兩語同外人講得清 甚至有d野係連你地自己都無發現既 婚姻輔導 起碼幫你地真係了解番而家的情況先 而且呢個第三方可以聽哂兩邊諗法又唔偏幫
利申: 我同老公結婚前都做左婚前輔導 大家都更了解表達情緒的模式同背後的原因 從而解開左令我地差d結唔成婚的心結
明天會更好，決定了就放手
能夠有勇氣止蝕，其實不容易。我都係痛苦中爭扎。
好好保重
我都係，爭扎中，止蝕要有好大勇氣
更新一下，出post幾個月後我痛定思痛作出了一個決定，終於的起心肝去了結呢段感情，我事前沒有任何溝通，到律師樓通知佢佢先如夢初醒，我覺得成個人有種釋懷既感覺，畢竟都有幾年既回憶要淡忘，現在沉澱自己中