疫情關係，無上興趣班好耐。早幾日同四歲囡囡傾開計，先發現囡囡好鍾意上某個興趣班係因為臨落堂時，老師都會請佢哋食糖。我聽完有啲嬲，好似利誘小朋友咁，同埋唔想小朋友成日掛住要食糖
請問各位家長你地又點睇？
我小朋友學完嘢第一時間會出去問姨姨拎貼紙，另外一間就拎糖。
本身我都唔係成日比糖小朋友食，但又唔會全禁，佢咳就會唔拎，我都可以接受。因為有時老師話佢上堂表演好，我都會買佢鍾意嘅嘢食比佢。
如果媽媽唔鍾意可以同老師傾下，我相信老師都會配合。
1個讚
不用太介懷，
但可以和老師溝通一下，
建議老師改送小文具或者貼紙
4個讚
多謝你地嘅意見。
可以喺度搵人傾到真係好好。
有時都唔知自己嘅反應會唔會over, 聽完你地講個心又舒服啲。謝謝！
1個讚
有時不是老師專登想比
而是小朋友喜歡吃
老師又覺得一粒半粒無所謂
最緊要小朋友開心
於是就比他們食糖
所以如果你不喜歡小朋友吃糖
只要和老師溝通
老師會理解的
2個讚
可唔可以當d糖係印花?
叫佢儲起5粒/10粒你另外獎勵其他野俾佢?
1個讚
又唔駛講到咁嚴重，都只係吸引小朋友上堂啫，但食糖真係唔係幾好，因為好易咳，而且如果你唔鐘意，可以同老師講，或者提議老師比貼紙，好過比糖
2個讚
都唔一定係利誘既，可以當係獎勵完成一堂，
糖，零食，貼紙，印仔都係同樣作用，
到小學老師都有咁做。
教育小朋友，收到要say thank you,如果係糖，之後要俾媽媽keep,因為糖小朋友唔可以自己食，要家長安排…
之後可以婉轉同老師講下次唔使俾佢架喇，佢好少食(是但搵個理由)
1個讚
我覺得無所謂，點解你唔試諗下系老師給小朋友既奬勵，同你可以教導小朋友放學出來問左可唔可以食先食
樂觀啲去睇
可能真係囡囡又乖又可愛又聽話，得老師喜愛先送糖比佢，若果介意囡囡食糖，不妨同老師講下，我相信老師都好願意配合
2個讚
我個仔同女都係去興趣班有糖食，但每次都只係一粒，我覺得接受到，小朋友會好開心，唔係因為粒糖，因為佢地落左堂好開心完全學習，我覺得如果唔想小朋友食咁多糖就可以同小朋友講收到糖要講多謝可以唔收/儲起都得， 最重要係小朋友有自控能力；我見過有啲小朋友學完野完全老師俾糖時係會話媽咪唔俾食，但個樣好想食好傷心，人有佢無，小朋友會唔係咁開心，會比較，如果係想小朋友食少啲都可以同老師溝通或者平日少啲俾糖小朋友食，等佢學野後期待下糖糖都好，起碼可以令小朋友有小小動機學習
2個讚
可能我真係無諗過係咁，所以反應大咗。
多謝大家寶貴嘅意見。
我會同老師好好溝通下，亦都會教育下囡囡！多謝你地呀！
2個讚
我試過類似情況（開party有個party girl送糖比小朋友），於是我淘左一百幾十張貼紙，同佢講不如送呢啲貼紙比小朋友，唔駛送糖啦。
你試下，淘寶十零張唔駛點花費，老師收到就會明架喇。
有試過類似， 仔四五歲私人琴行一對一學琴三十分鐘， 堂堂落堂都有糖，我每次都有提阿sir唔比佢即刻食，拎返屋企放下就唔記得。
之後發現原來阿sir有部夾糖機，上堂時間有部分要來夾糖， 我都忍，諗住小朋友最緊要唔好驚左上堂先，就算
後來有次阿仔返來話有個姐姐同佢一齊學琴， 唔係一對一， 我嬲到冇再去
我諗老師都係好心，出於好意，唔好勞氣～如果唔鍾意真係同老師反映下，同埋教定小朋友要問準你先可以食（如果你唔想佢食咁多糖），因為升上小學好多老師都鍾意請食零食
（我教小學），但其實我都明嘅，有時晏晝堂啲學生真係係咁釣魚，尤其一年班，送糖係有效嘅方法。
不過我自己都唔鍾意請小朋友食嘢，又易肥又蛀牙又無胃口食正餐，如果過聖誕開party我先會派啲糖，始終開心啲有節日氣氛多啲。不過我會叫佢哋問准屋企人先食，因為我都唔想自己小朋友食咁多糖。我係送開文具貼紙同埋不停讚讚讚
未必係利誘嘅，你諗吓如果小朋友唔鍾意上佢堂，都唔會捱到落堂為咗拎佢粒糖啦？不過如果家長唔鍾意可以試吓同老師溝通，話佢哋食咁多糖好易咳呀之類，希望老師改其他獎勵，我諗老師都會配合，唔使咁快嬲住嘅 
我睇到我個fd啲小朋友無得上畫畫班，佢地個老師寄左啲紙黏土比佢地响屋企玩，好好
有兩個層次的：
1，看看你是不喜歡他利誘，玩是不喜歡他派糖/食物。如果是後者，看來不是食物就OK了。
再深入一點，食物滿足人類的生存即時需要和口慾，叫primary reinforcer, 或去儲token，社交性的讚美這些就比較接近secondary reinforcer. 前者比較適合BB～3歲的小朋友。而大概3歲以上的小朋友，通常學會了“規則/延遲慾望/控制“，則後者作為獎勵都有效果，而且有助小朋友學習社化/延遲慾望。
2，所謂“利誘”意思是“用良好結果”來鼓勵好的行為。本身並無不妥，除非是：
～奬勵過大：例如3歲小朋友答啱小小問題，做好小小事情就有一排朱古力，一粒大珍寶珠。這樣，小朋友就會覺得“做好一件事，是為了獎勵”，而不能內化學習的動機，影響其學習的自發性，甚至會出現脫癮情況～“沒糖就不做”，這類情況很多時出現預物質過盛/太重視獎的環境。長遠來說影響一個人的自發性/做事動機/專注力/個人興趣的建立。
建議要減少質量，影向小朋友的self justification
～獎勵獨孤一味。根據Gary Chapman的“the 5love languages", 表達愛最少有5鍾方法：用我的詞語是：有point的讚美/服事/禮物/陪同/身體接觸。當然，給予一次特權或選擇/一起有氣氛的慶祝/give me five，都可以是獎勵的一種。變化多端。
用多種獎勵的好處，是減少獎勵的“脫癮”，多型態的獎勵，讓人的學習更持久/更生活化/正面/增强自主性。
在我的畫班裡，有時會有糖/有時是貼紙/有時是權利，當然“互助”“責任”“表達自己”這些原素不可少，卻有保持平衡。做到就算“小朋友得到獎勵”也會保持自法性地喜歡畫畫，就算沒糖，也不會很不開心，卻會應承下次做得更好。
對小朋友來說，獎品係一種ritual（青春期之前嘅細路幾buy有“具體獎勵”），其實只要你賦予那件小小的禮物一個得別的meaning（例如你去外國旅行收集回來，有一段故事的“普通石仔”）當小禮物意思重大，他們就會覺得自己的學習也意義重大。如果只剩下物質，意義就只剩下空殼
總結來説，糖不是錯，在乎你如果何給。多層次的“獎勵”方法，會比單一類型獎勵幾何級數的有效。
sorry，長篇大論，看到有關兒童教育心理課題，技癢了
Alex Kwong
畫班老師
輔導及心理學榮譽文憑
素描及繪畫文憑
日本繪本故事導師證書
YouTube channel
沒需要咁陰謀論吧，如果咁都接受唔到，好容易有情緒問題喎，普通positive reinforcements, 有時家長都會啦。