發覺都唔少靈異愛好者，而且當係一種悼念被自殺手足的方式，決定以後一到深夜就講講我所知的靈異野。
今晚講嘅就係前世。
香港有好多宗教都信有前世，好多靈異節目都有講呢個話題。而且有唔少專業催眠師做前世回溯，即係催眠狀態中睇到自己前世。我自己都做過，睇過，體驗過。
前世催眠一般有兩種大類，一種係以佛教框架，認為人會投胎做動物，所以會睇到自己做動物的一生，主要係亞洲呢邊。另一種係西方new age，佢地信天使，指導靈，講究unconditional love，睇到的前世自然係人類，古代。不過有個偏冷門的旁枝叫 Quantum Healing Hypnosis Technique，牽涉到外星人，而且部分有醫病功能，比較少人知，但involve深左就會要接任務。
西方最出名的前世催眠師就係Brian Leslie Weiss，Yale畢業，聽聞戴安娜王妃臨死前一星期預約左佢想通過前世催眠尋找靈魂伴侶，結果突然就"意外"走了，一個謎。
其實除左催眠，有好多BB一出世就會保留前世記憶，等佢學識講野時就會自己講，父母如果想聽嘅就唔好打斷，由得bb自己講，甚至試下順住問，或許有意外收穫。
有部分人可以通過自己發夢睇到前世，可遇不可求。
BB的前世，會牽涉到個conception叫再生人。大陸有個地區嘅人一出世就保留前世記憶，記得自己上家係邊，住好近，於是大左紛紛都去認祖歸宗，居然都講中所有訊息，大陸人仲做過節目去講呢種現象，科學無法解釋
4個讚
我信有前世，唔知自己活咗幾多世呢，成日發夢見有條好長的河，河兩岸有好多燈，好靚
總有一瓣喺左近呢一集就好簡易咁演繹左個基本流程，實質有心做嘅話，可以搞成日，要花好多心思
我信有前世,我覺得自己前世係俾狗咬死
嘩 好想知多啲 想知點解我同家人、伴侶、朋友前世今生既關係
我當初作為根深蒂固的atheist居然會對呢個領域感興趣，就係發現有好多case，個事主本來有慢性病甚至部分有絕癥，長期求醫無門，結果做催眠睇完自己前世後居然奇蹟般快速康復，好神奇，科學無法解釋。我從此開始懷疑傳統科學，試下去探索呢個領域
西方有做過研究關於呢啲所謂前世的"幻想"，裏面的各種職業、身份、愛好、性格、人際關係，結合同現實生活做比較，發現居然有眾多不謀而合之處，個中隱藏了許多微妙關聯。前世的親友，今世都係身邊。大家有種緣
我同家人既關係差 前世可以點解釋呢？
家庭好多時關於"冤親債主"，消極講叫還債，正面睇係前世呢份關係有遺憾，機會卻唔夠，所以用今世做新的選擇、新的嘗試，希望活出真正的自己，認清靈魂本性。所以冇一個簡單的答案點處理，最重要係誠實問內心，呢段關係對於自己到底意味甚麼。
Brian Weiss 啲書好睇呀，可以從佢啲書內領悟到啲嘢，令自己冇咁執着
1個讚
唔知關唔關前世事,我經常試過1些情景是在夢中出現過的
之前睇過一本書，前世今生，真人真事，美國一位心理醫生幫病人治療時，無意中催眠左病人好多世既記憶。當年情緒出現問題，睇完呢本書，令我釋懷，令我相信每個人來到呢個世界都有佢既使命，而今世既因，係前世既果，吾須要太執着。
1個讚
唔知你睇個本係咪就係Brian Weiss個本，"前世今生"就係佢的成名作
係啊，岩岩上網睇左，係Brian Weiss, 睇完果本書，令我心靈好舒服，因為我係一個好執着既人
我信有前世今生。
我前世可能做左好多衰野， 先遇到而家個老公。 
但我前世又可能做左好多好事， 先遇到今世無懈可擊嘅父母兄妹同朋友。 
1個讚
Dejavu，係New age的系統裡會解釋成，我地每晚發夢其實都會安排未來的劇情，即使係素不相識的陌生人，夢中都會相遇。dejavu就係你有殘留的睡夢記憶，當現實生活重遇時就會觸發類似印象。
幾好，佢的系列叢書相當正能量，而且感人。我覺得糾正左傳統佛教太過強調業報同地獄的輪回恐懼感，係一個飛躍。
緣份到左就自然會想了解(難關都唔再係問題)。緣份未到就會似藍屍，眾目睽睽發生左咁多都仲可以唔講人話
我都試過做前世迴朔，不過搞咗成個鐘乜都見唔到，個催眠師都奇怪點解我會唔成功乜都見唔到，明明已進入狀態。
一係你太緊張，二係個催眠師太屎or太淆，或者仲有個可能係你當時緣份未到，鬼世界唔會permit你睇嘅。