知道好多家長都可能對音樂零概念，但又想培育小朋友學音樂，往往就會係無研究過底下，搵個音樂老師教。教成點你又唔知，淨係知每個月都俾左好多學費，幾年後小朋友突然話無興趣，就所有嘢都前功盡廢。所以以下落嚟我會用所有人都睇得明嘅文字，去講下對音樂零概念嘅父母應該點教仔囡學音樂。
如果你地想深入啲嘅可以去我個blog到研究，不過會比較難。
第一，你要清楚咩年紀先適合學音樂
學樂器並唔係所有年紀都學得，參考Jean Piaget嘅講法，小朋友分左4個階段。
0～2歲學樂器嘅話其實係太細，佢地只係啱啱識得用五官接觸呢個世界，所以好難學到樂器。
如果想學好音樂，兩歲後先係一個好時機。
因為呢個階段佢地開始認得符號，開始可以透過日常生活嘅訓練去感受到音樂，所以作為爸爸媽媽，想培育小朋友音樂興趣嘅話，就可以係呢段時間俾多啲機會佢地感受音樂，之後先慢慢睇下佢地係咪真係對音樂有興趣都唔遲。
之後我會慢慢講下下一步可以點令小朋友對音樂產生興趣，歡迎大家俾啲意見我。
【 
下面有第二部分】
音樂爸爸,我就未有仔女,
不過覺得有一個本地新音樂人應先生唱歌真係好好聽,
好聽到暫時今年冇新人可比,
音準同聲線都係中上之上,上上級好聽
仲要超靚仔,香港差唔多冇第二個仲靚仔,
我覺得既然你玩音樂,可以聽下
謝謝分享,
學下野先
阿仔幾乎一出世就聽不同嘅音樂入睡, 覺得對佢之後學音樂唔多唔少都有小小影響。
留名，期待繼續分享
謝分享。
謝分享，期待爸爸更多的分享
無錯啊，呢個做法其實叫crystallization experience，的確係培養小朋友音樂興趣嘅其中一種做法，我之後都會講下細細可以點培養佢地嘅興趣。
其實每日伴讀既時候親自唱歌已經好有效果
反而播歌就冇咩用
【音樂爸爸的音樂教室】教你。點教你仔囡學音樂（2）
上次講完小朋友幾多歲先適合學音樂，而今次就會開始教各位家長點樣教自己仔囡學音樂。
要有效咁教到仔囡學音樂首先要令佢地對音樂有興趣，雖然呢句好似廢話，不過事實上香港好多學琴嘅學生，學學下就唔學！最重要嘅原因係好多小朋友學音樂都以考琴試為目的，每年就係練死三首考試歌（當然我知香港都有好多好老師，唔係全部都係咁教），搞到學音樂對小朋友嚟講變成痛苦嘅行為，而要令佢地培養動力，其中一個方法就係令佢地有Crystallization experience
Crystallization experience 有分兩種一種係早期出現 一種後期出現，前者係因為細個時有難忘嘅經驗/接觸，後面則是經過培育後才出現。
如果你可以令到仔囡細細個就對音樂出現Crystallization experience，大個就好自然會努力學音樂，因為已經變成一件佢感興趣嘅行為。
睇翻以前嘅音樂家， Crystallization experience通常係細細個睇左音樂劇／細細個老豆買左個琴俾佢，而我仲簡單，就係細細個睇左”Tom And Jerry”其中一幕彈鋼琴的情節，就覺得好得意。
而係香港可能會難少少接觸到音樂劇，不過最簡單方法可能係網上播一啲音樂劇／音樂電影又或者音樂youtube 都可能，例如
o岩o岩線上版嘅the phantom of the opera／胡桃夾子
外國音樂電影
The Sound of Music
Mary Poppins
The Wizard of Oz
https://www.warnerbros.com/movies/wizard-oz/
Annie
等等
又或者香港大會堂其實都有好多o岩一家大細嘅音樂劇睇
很同意啊！父母與bb、幼兒唱簡單童謠，跟音樂做律動遊戲，已是很好的方法用音樂幫助幼兒成長。湊了仔仔一段時間，也找了些兒歌頻道，有興趣可pm你。