請問馬鞍山區有咩好幼稚園?
黎緊阿囡要報K1!
1個讚
有沒有甚麼要求？ 學券？ 半日全日？
有學卷，讀半日，希望老師係有愛心，thx
我見靈糧堂好搶手
不過我女當年同佢冇緣份，連表都入唔到
學券就合一堂、靈糧堂
錦泰崇真美善幼稚園
我女兩年前合一堂畢業，由N班開始讀左4年，，學校既校長，老師同姨姨都好好，阿女番學好開心，學校着重訓練小朋友自理能力，會有唔少活動教學，唱歌跳舞表演等活動，K2K3之前基本上唔會點渣筆寫字，K3為左升小做準備，會多左中文寫字功課，英數唔會太深，但會教，預備小朋友升普通津小程度，不過津小，小一中文初初我都覺得比我細個讀書難左，小朋友要追既，希望比到參考你
我嘅小朋友讀過美善，嗰幾年感覺都好好，校長老師都好用心。但作為家長，最重要係有學校收左先，你揀學校，學校揀你，佢收左你再諗讀邊間都未遲。
多謝咁多位意見
靈糧堂！我個女上年畢業，三年都好開心。學校教出嚟嘅小朋友未必成績個個超班，但肯定品德修養性格好好。不過如果你係虎媽，target要考市區名校，咁就未必啱你。靈糧校風唔係催谷學術嘅地方。
講考慮全日班嘅話，可以試吓頌安邨那間東華三院南九龍獅子會。學費平不特止，老師仲教得好好！我記得我個仔讀嗰陣時好似兩歲10個月就可以交表啦。