我最近都考慮緊愛爾蘭 做緊公司愛爾蘭有分公司
諗住經濟好啲時睇吓有無機會調過去…
老公唔太想離開香港不過最近都覺得香港無望了
唔想下一代喺咁環境長大…
愛爾蘭好似好少香港人 睇wiki人口比香港仲少 
心大心細，我由近至遠既國家都搵過資料問埋agent,但行出第一步去落實呢，就真係好難
決定
一樣 要離開真係需要好大決心同勇氣
其實我日文好過英文，如果講溝通一定係去日本language barrier最細，但係又冇得入籍個社會又大壓力，唔係好想去。如果去到嗰邊經濟差生活艱難，可能仲會慘過喺香港，好似英國咁，啲經濟差緊，搵工搵唔到又冇朋友真係好驚鬱死
其實日本可以入籍，而且有機會快過同容易過永住。五年就可以。
以前無諗過、身家同語言能力都唔掂、只想送仔女出國讀書、而家格硬去真係走難咩
我哥哥係Dublin住左好多年, 我冇聽過佢彈過呢個地方, 所以我估應該唔錯, 因為佢都幾奄尖, 我invite佢黎US探我地, 佢耍哂手擰哂頭話US治安唔好唔敢黎, 咁我估Ireland應該起碼民風淳樸同太平掛
移民既頭一年係好難捱，homesick,搵工通通要時間，堅持到就會慢慢好。
過來人小小心得係唔好俾香港d三姑六婆日日煩你問你搵到工末，係咁打沉你或者同香港比，就求其take offer或者打華人工,寧願做住pt或者contract但長遠有份穩定既好工，好工係要時間等既～
仲有，學定煮飯，要習慣無姐姐既生活；要相信將來你既小朋友會好感激你移民呢個決定 
2個讚
多謝分享
十五十六中
有幾個方案，1.乜都唔理去左先，工應該會搵到，不過人工減一半，早去早d交稅，老咗可以entitle福利
2. 香港做多10年到提早退休去外國，希望到時仲可以適應新生活
3. 留喺度同政權鬥長命
你如果向香港咁嘅環境底下捱到十年，其實你未必會走
1個讚
唔出聲，每日谷住自己度氣無話唔得既，無小朋友呀嘛。
咁其實可以唔洗走，我都係因為小朋友
其實係，但唔想生活係咁嘅香港，日日見d荒謬野。如果做港豬就無所謂囉
咁不如親後生試吓
我80後，三十中，本身身無一物，冇父幹母幹，終於係香港成了自己頭家。本來都預左2047會變成中國城市，預左係香港捱，供兩年細路去外國讀書。一切變得太快，而家攪到要成家著草走難咁，我錢唔算話好多，但拎住兩個細路，好怕去到外國會連累佢地一齊食風，大嘅唔食細嘅要食，好苦惱。。。。
1個讚
博一博
如果覺得好難忍
我有小朋友仲煩呀
差唔多、我哋仲有長老要顧
1個讚
我哋長老催我哋走
2個讚
同一命運