係呀，所以冇得計劃太多。我哋計過條數，應該生存得到，即刻走。由決定去邊度到去到目的地只係用咗兩三個月時間。之後所有嘢都係見步行步。
因為我哋怕，慢慢越來越多藉口比自己唔好走。加上政策改變，未必跟得上。
嚟到之後幾年，政策年年改變！甚至永駐權申請資格都改變埋。我哋係改變之前兩個月入紙，批咗先至知道有新政策 。遲兩個月入，玩法就唔同晒。
3個讚
我哋由考慮到決定真係走，只係用咗五日時間。
1個讚
我地用左一個月時間。
依家仲諗緊揀咩國家好，英國呢類感覺難融入，日本咁樣得永住仲到喉唔到肺
但係點解要係我哋畀佢哋迫走，呢點真係好唔甘心，如果去咗嘅地方有一日又出事又走？覺得咁樣好冇承擔。當然我覺得有小朋友嘅話係一定應該走唔好累下一代，我自己接受唔到真係「走佬」（我唔諗住生），只要唔六四或者大屠殺我都唔會走，不過唔會抗拒純粹去擴闊視野咁走出香港，攞個pr國籍保障自己真係有咩事嗰陣有地方落腳。我屋企只有一個地方，就係香港。
1個讚
my situation now
一個月落實去搞已經唔容易
當中有咩考慮可以分享下心路嗎? 最後去左?
成家人本身已經係citizen/PR，老公公司突然話調佢去澳洲，佢即刻Say yes。我要做嘅係即刻辭職、申請攞MPF、清稅同pack箱。
成個過程好快，來到住左一個月公司安排嘅地方，之後嘅嘢就全部自己安排，換車牌、買車、買保險、搵地方住、搵學校，基本上逐樣搞就得。
你有能力做生意好好，我無資金同吾系做生意嘅材料 。我之前想讀證書係childcare 做，但後來覺得我自己其實吾系咁鍾意小朋友。
而家想讀aged care，覺得穩定唔會失業，但唔知自己做唔做得黎，所以仲係考慮中。
HappyForever，我唔sure你係咪覆緊我，我地唔係做生意。我地隨時可以走，係因為上一代走過一次，有曬citizenship，所以我地lee代可以有多一個選擇。即係樓上有人分享，我地走係比下一代多一條路去揀。
我prefer歐洲國家（屋企原因），英國算係比較多華人，其他國家我又唔識語言，如果去得，我會抱住移民的心態去，諗住坐移民監儲夠日子咁樣生活，我覺得會好難融入當地生活。
唉我就係想有小朋友，喺香港真係睇唔到未來，我嘅諗法係：被逼仔都唔俾我生，要滅絕香港人，咁樣我仲唔甘心。
香港呢個一國兩制真係垃圾，其他大部分熱門移民地方都有民主，但仆街政客都一定存在（我唔會過份美化西方國家，諗到去到就生活超美好，度度總有人渣），但選民可以用投票方式換另一個上，我諗都無咩會逼使到我要走。
1個讚
由約見agent聽briefing到簽約，用了兩星期。咁趕係因為要趕在美國投資移民加價前。其實如果唔係加價，都未必咁易下定決心
1個讚
可唔可以分享吓點解你會揀美國呢？
我同老公去到邊都無人無物，諗緊去美國定澳洲會比較好
1個讚
係…依家門檻好高, 澳洲仲高…再唸連英國都去唔成
揀美國因為仔讀書及將來就業都會啱啲同易啲。而且投資門檻低其他國家好多，又都叫做唔使坐太耐移民監
1個讚
多謝你嘅分享 
出年我去加拿大讀書，全家一齊走，老公喺果邊搵工，由考慮到落手實行用左4個月，上年12月決定放棄澳洲，著手搵下仲有無可行門路，然後有方向就去考好ielts同報學校，啱啱收到學校offer，如果今次再唔把握機會走，我怕年紀再大啲想走都無得再走，為左我地嘅小朋友，就算要所有野重新黎過我哋都願意試，不過我明白真係需要啲勇氣同埋各人有自己嘅顧慮未必可以咁瀟灑，移民真係一個好大嘅決定
4個讚
想問其實IELTS難唔難? 加拿大係咪4分已經可以?
如果係咁，我都有份，真係好慚愧。
視乎你係乜嘢purpose啦，以讀書為例就睇下你係去讀乜嘢，如果certificate同diploma就要求低啲，一般6-6.5分，如果degree同master就會要求高少少
我未有B前一手一腳自己申請移民簽證, 老公只係簽個名, 一開始同佢講都係好反對, 但我話又唔一定申請到, 申請到唔一定要去, 當多一條後路都好, 宜家佢覺得好彩有我
你可以自己試下先, 有啲野, 女人眼光會睇得長遠好多, 以後佢會多謝你
2個讚