移民後local讀書, cost平d…只係幫小朋友早d計劃…如果一心會供小朋友外國升學, 生2個搞移民更化算
1個讚
你可以一路留意住甚至預備定移民。有咗小朋友之後心態會改變。
其實佢嘅諗法都冇錯，佢都有父母，一走了之，照顧父母嘅責任就推左比兄弟姐妹
係呀…其實都好明白！所以係好矛盾…如果香港，仲係以前既香港，我都唔會想選擇走
可以幫父母搞埋移民。
其實我有同顧問傾過，走有走嘅好處，但失去嘅亦唔少，我地好多國家都超齡，依家有agent 試幫我搵工，但… 我見移民policy 成日變，怕搵到工都搞唔到PR
我老公就，唔多想走，為咗佢個social class
我覺得我地更加要守住香港
之前睇過一個youtube, 佢比左個幾特別的觀點.
佢話正因為我們的上一代沒有選擇移民, 所以我們這一代才需要面對應否移民這個難題. 如果我們繼續不選擇移民, 那只是將這個難題延續到下一代身上.
當然同一情況可以套用民主運動上, 但要改變現時的政治環境真的很困難. 我只能夠做能力範圍內可控制的決定.
其實每一代都會遇上捨不得留父母在港的問題, 但如每一代都是這樣擔心, 就每一代都只能留在原地. 如果真係擔心的話, 可以即管跟父母先商量, 看看他們真正的想法如何.
7個讚
同意你嘅講法
最近都有朋友講起呢個話題，佢又係好想移民，但唔捨得父母，我話你從另一個角度諗吓，如果你有外國籍，將來如果香港有咩事，你係唯一有能力帶父母兄弟離開香港嘅人，你唔走，有事就大家攬住死，1949 年之前幾多人唔願離開長大嘅地方，唔願離開父母，唔願離開熟悉嘅生活，結果大家有眼見，肯走嗰 d 避過一劫，仲有能力喺困難嘅時候接濟走唔到的親人。當然而家情況未必同當日一樣，但將來嘅嘢冇人知，歷史不斷重演，幾時發生到自己頭上邊個知，有多一條後路總好過冇
5個讚
我都非常同意你嘅諗法。
如果想走有能力，就趁父母仲後生仲健康嘅時候自己盡快走。當年我哋走嘅時候我公公婆婆非常健康。每年都會過嚟幾次。
過咗幾年之後需要人照顧，我媽咪即刻返香港。嗰陣時已經有第二個國籍。
到咗我呢一代，其實我哋仲覆緊我阿媽嘅步伐，唔似不過我哋今次選擇日本。
我好好嘅朋友同佢爸爸佢已經有加拿大籍，但係佢冇辦法走，因為佢爸爸真係好大年紀，佢唔敢離開香港。咁嘅情況想走都冇得走。但係佢已經講咗，爸爸百年歸老嘅時候佢就會走。
走咗如果真係有需要，可以返嚟。付出嘅可能係好多，但係比自己比後代多條路。
3個讚
好耐冇睇過咁有水準嘅移民post。
之前睇親都係三幅屁，睇幾頁已唔睇，依度我睇晒。
5個讚
走係好需要勇氣
我好慶幸我家姐一家都好照顧我父母
我父母又會幫手湊孫
不過依家好方便 有咩可以WhatsApp 飛返香港都係十幾個鍾
唔似以前D人移民好似斷六親
我自己一年都會返去1-2次
上一代移唔移民 唔關係到我地呢代諗唔諗移民既
我係呢邊都識一D香港移民2代
佢地有D跟屋企人做餐館或讀書普通 都會埋怨父母點解唔留係香港
可能佢地係香港發展會好D 當然有好多二代都發展得好好
醫生, 會計師, IT高層都有
其實際遇好睇個人, 讀唔讀到書都係
所以移民從來無一面倒既好或唔好
只有睇吓適唔適合自己 同自己能唔能夠融入當地
其實都係, 我都同我老公講, 可能小朋友大個之後又會想返香港, 甚至中國, 尋根又好或者找工作機遇也好. 都無得估
就好似城外的人想入去,而城內的人想出去一樣.
有⋯⋯其實唔想走，就算外國條件好過香港都好，唔係屋企就唔係屋企。只不過我份人冇膽，只係想如果有一日真係差到唔走唔得都可以有個容身之地，與其話想移民，不如話想摵甩個支那籍佢
近日常問自己的問題 - 點既情況係唔走唔得既時候?
唉，如無意外2047年仲在生，我唔想生活喺極權統治之下，上個網都要翻牆，講兩句又被人拉…
自己一個去的確有啲怕，但如果要移，愈後生會易啲融入當地（生活、朋友、工作等），我嘅睇法係移咗民，我會當自己有兩個屋企，香港係養育我長大嘅地方，而移民後嘅地方係落地生根、繼續發展自己嘅地方。
1個讚
想問你有無link？有興趣睇下個段youtube
剛同老公再傾，我同佢傾過冇限次係唔係真係去馬，傾到佢冇氣。結果，都覺得有機會走左先。
另一個問題係，到左唔走唔得嘅時候，仲走唔走到呢？
我家唔少長輩 50 年代返大陸讀大學，初時情況都唔差㗎，可以隨時返香港探親，然後唔知幾時就封左關，想走都走唔到
1個讚
我係好耐之前周圍click youtube嘅時候睇到嘅，都唔記得咗係邊個youtuber。