之前同你相同情況 ( 1 Aussie + 1 HKer)
整左 partner visa 先啦！ 填果份 online application 已經用唔少時間。。。 我地有小朋友, 入紙後9個月有結果, 完全無 interview 或問任何好私人既問題, 成功申請後即刻係PR, 2年內要入境一次, 5年內住滿日子就可以申請做 citizen!
如果 Melbourne 住其實好易適應, 唔使太擔心 
我嗰時喺香港知自己幾時走就開始上網搵定工，做左啲phone interview，但都要等過到去先可以正式interview。講真喺香港要搵定工有offer再過去機會應該好微。我覺得要預一年嘅生活費會好啲。由其係而家澳洲經濟非常差，要做心理準備冇咁快搵到工。
我本來係做marketing嘅，過到黎就打大陸人工，但文化差異做得好唔開心，而家轉左行喇，請願搵少啲都唔打大陸人工。
上年底正式移民左澳洲，由3年前我媽覺得點解要走，到上年年底係我媽叫我快d走。
結婚個年同老公講想移民，老公覺得可以一試，反正批左都可以選擇唔去，好彩當年有攪，如果唔係依心一定走唔到。
1個讚
謝謝你。請問partner visa是這個嗎？
https://immi.homeaffairs.gov.au/visas/getting-a-visa/visa-listing/partner-offshore
我以為會有interview，竟然冇
謝謝你，咁我都要好好計吓數先。因為手頭得一層樓（已供滿）及$2M左右現金⋯⋯ 唔知夠唔夠。唔知點解，未開始申請已開始擔心
係呀！ 開左個 immi account 先! 之後慢慢搞, 要叫你老公睇下要搵邊啲澳洲朋友幫手填表, 我後悔無一結婚就整, 之後生左仔有一年無理到, 到我申請時又加左價。。。。。
我之前都有朋友講 佢朋友個case有interview 呀，問夫妻生活果啲，都估唔到我地完全無囉，不過我寫我地既交往過程寫得好詳細, 唔知有無關係
唔該晒你呀！咁我同老公研究吓先。有問題可能要再請教你了
無問題呀！ 希望幫到手 
thank you thank you 
我打算去英國，之前喺嗰邊讀過書，讀書就完全唔難適應，仲好開心，係怕做野難 
Hi，我同你差唔多case，我哋今年年頭嚟到Melbourne㗎。我都係揸澳洲passport，老公啱啱遞表申請緊partner visa，兩個小朋友。
你住澳洲邊度㗎？
我係Canberra 呀, 我地等partner visa 得左先過黎, 咁我老公可以即刻試下搵工果啲, 佢湊仔湊得耐會頂唔順
你老公而家用緊vistor visa?
yep, visitor visa and then bridging visa pending the result of his application. 你係FTM？
我要返工呀, 仔返 childcare centre
全世界都係咁，外地人一定係輸蝕d
好明白，我們家庭每個月收入都係幾十萬，都好想移民，但在香港過着無憂無慮的生活，去到外國突然變咗零收入，犧牲好大，好多考慮，所以遲遲未去移民
1個讚
想當年有幾多人不捨得上海的榮華富貴家庭朋友不肯來香港，最後留低的所有財產被充公，文革時被批鬧。我父親亦有朋友八十年代放棄做英資工程師，賣掉宝雲道層樓移民加國，最後在加國做了各種小生意也失敗收場，臨近六七十回港申請公屋住，但他的仔女在加國也算專業人仕生活安定。將來係點真係点冇人知，移民係人生重要決定，有時都要講D彩數。冇乜錢冇專業移到民反而最好，因nothing to lose, 在香港做得有D成績最難決擇，不過点都好，如真的移民最好keep 番香港層樓。
6個讚
同意！香港人兩難之局。在香港生活都算係咁，但未來唔知點。
甘高人工，儲錢投資移民，買定個passport都得啦
1個讚
移民幾好吖