BB 個半月大，上一次已經3日先痾到屎，今日已經第三日仲未痾到，BB 食人奶加奶粉，已經一日幾次按摩肚仔喇，淨係係咁放屁 諗緊洗唔洗帶去睇醫生 
非專業意見：有冇話人奶多定奶粉多。3日前啲大便係咩狀態？如果比較稀既即係食人奶多，比較杰啲既就奶粉多啲。如果以往都係餵人奶多，bb有屁放就唔洗擔心，全人奶b可以10日都唔去。另外媽媽可以試下食多點提子，經母乳傳比bb，傳聞係有輕瀉作用。
1個讚
人奶BB 無屎唔出奇 即係吸收曬
有d人會話食益生菌 不過覺得差唔多
BB d屁臭唔臭
記得唔好兜bb柯屎 會脫肛 太細過啦
2個讚
我B 之前都係3日先有大便,
佢8成人奶+2成奶粉‧
過左一排，D大便又密返~
放心，唔使太緊張~
人奶奶奶粉一半半，對上果次d屎首先出黎果d就乾身硬d,後面果d就一pat pat
佢呢兩日仲要胃口都差左，搞到兩公都好擔心
第一胎？
新手父母好多時都過度擔心，
以為得自己個仔女先係咁，其實3日唔柯屎，
個個BB都試過，唔洗咁擔心，個個人體質唔同，
其本上個BB識笑肯飲奶又有反應，就代表佢正常。
如果你見到BB個肚好漲，冇餵口食野，
佢又成日無啦啦喊，就可能真係柯唔出，要睇下醫生。
好小事，放心
我BB係人奶B，試過10日先去一次大便，期間日日都有放屁，我諗BB食得訓得有正常濕片，佢又屙得唔辛苦，應該冇咩問題
如果有放屁都不用太擔心，我個女試過5日無屎痾， 或者個奶粉同bb 唔夾，浸暖水浴時按摩肚仔，或者同佢郁下腳仔，之前有帶女女睇便秘問題，醫生有建議開少一匙奶粉，例如7安水6安粉
我小朋友細個時都試過六七日無大便，我產前去過啲人奶工作坊，有個媽媽分享佢bb最長試過試過21日，但係bb無特別唔舒服(當然大家都好驚訝，不過去上堂嗰啲媽媽通常都有試過，不過就無咁誇張，通常3-10日)。
咁啱嗰時我bb要返健康院，個姑娘知道咗之後好緊張，要我見醫生，點知見到醫生，醫生問返我好緊張咩?
我話我無緊張，係姑娘驚啫，然後醫生考返我點解我唔驚，我話我有上堂見過有媽媽分享，知道人奶有機會係咁，bb有放屁咁腸應該無乜問題，日日食得玩街訓得，所以無問題。
醫生話係呀，其實如果係便秘，我地大人都會好辛苦，何況咁細嘅bb，如果佢便秘唔舒服，一定會表現到出嚟，所以佢話食得玩得訓得又有放屁，就不用太擔心
我B四個月果陣岩岩食到全人奶，成兩星期先大一次。姑娘都話有屁，食得玩得就ok不過如果冇精神最好就睇下啦。
我個b由出生到而家2個月大都唔係好屙屎，最長5日無屙，多數3-4日一次，但有屁放。放心啦，只要佢食得玩得訓得有屁屁，真係不用太擔心！健康院醫生都係咁講，佢話大人都個個唔同，唔使比較其他日日屙嘅b，反而要留意屎嘅質地係咪健康。
佢食得訓得就無問題 同埋最緊要放屁屁 因為放屁代表佢腸道有活動
可以上網睇下睇幫BB按摩 可以幫助消化
果陣我幫佢按下就係咁放屁屁 好搞笑
*BB全人奶 試過十幾日都無屎屎
有屁放，就真係不用擔心。證明條腸無塞。
無屎有機會係吸收得好呀。
另外，可以試下餐與餐之間比多啲水佢飲。
有機會唔夠水份，屎太硬，痾唔到
或者，會唔會係呢隻奶粉唔太適合佢？因為有啲bb唔係咩牌子嘅奶粉都受得。你可能覺得a奶粉對佢好，可能佢就係對a便秘。可以試下轉另一牌子奶粉啊
搓左肚未…唔好搓錯方向wor
踩單車
不過聽過最長5日無痾去睇醫生都係叫搓肚踩單車