而家廣華唔比探訪又唔比陪生
1個讚
我18年尾係浸會開刀生
私家會幫你揍埋BB
住院個幾日係好舒服
1個讚
我黎梗會去st paul順產，因為疫情其他人只可以6-8pm去探病，老公就可以8am-8pm黎探，可以入產房陪產～都算係咁喇，自己一個生仲要係第一胎好驚架嘛 
好好！我都有睇浸會 佢而家探訪時間限咗6:30pm-8:00pm 
我都係第一胎呀 身邊嘅朋友全部都未生！我真係唔知可以問邊個 
冇人陪住 我真係會淆淆地 我而家已經30週啦 仲未簡好醫院 好驚會冇位
我上年喺私院生，比較唔到而家嘅探病情況
但照顧媽媽同bb一定好好多，我去間醫院一間房得4個媽媽，廁所有兩個唔使等，生完去廁所都論盡，我開刀傷口痛，老公幫我入廁所抹晒廁板鋪好墊等我用，開完刀第一次去佢怕我暈直情喺入邊陪我，沖涼都係，公院廁所一定唔得，除非女親友肯幫你
Bb會喺bb房，門口有餵奶schedule, 媽媽跟住時間去就會有姑娘抱bb比你餵同掃風，同場會有姑娘喺度除時幫手，如果攰唔去，都會有姑娘幫手餵，唔會餓親bb, 沖涼換片果幾日都有人幫你做，媽媽只需要休養同餵奶掃風
價錢當然貴好多，但一分錢一分貨囉
1個讚
我兩年前喺聖德肋撒醫院生，其實係睇吓你個婦產科醫生係邊間醫院掛單，然去佢掛單嗰個醫院。我嗰陣時揀咗三人房，得兩個人住，床邊有個屏幕可以點餐，都好多嘢食揀
。BB係BB房有姑娘照顧。依家諗返起真係好嘆呀。
我女係廣華出世，講真廣華既產科醫生姑娘同姐姐都好好，我係食全餐+生到入icu果種，好彩係廣華冇去私家
而家疫情私院都係限制探訪，我自己就覺得咁樣啲錢駛得唔抵囉，不過你指定開刀，生既過程唔痛得既就梗係私家
你順産定開刀？我順產政府生，當年可以陪但我無比老公入，生嗰時用力連poopoo 都出埋，我覺得唔多想比佢見 …
生完自己凑辛苦少少，但亦快上手，有好有唔好。三百蚊出院，真係好抵！
30週真係差唔多時間決定喇～ 我個陣係諗打算只生一個，咁人一世物一世，對自己好少少，又負擔到嘅咁就去私家生喇
雖然聽聞好多公立如威院、東區都好好～ 同埋32週前生既私家都唔會收
有冇私院順產攻略？
唔想開刀，萬不得已先會開刀
浸會， 仁安， 法國都住過， 私家有姑娘幫你沖埋下面，有既係service
我都29週，其實各有各好，不過我都決定去私家生，唔想博，因為自己妊娠糖尿，同埋高齡，又加上太肥，有係政府做即產房護士朋友都叫我唔好博，早小小去私家比bb出嚟安全啲
依家非常時期
多謝你地咁詳細講比我聽呀
我星期一去睇私家醫生睇下佢起邊度掛單
我入咗廣華助產士小組 果度D護士都好好人 我對廣華都有信心 ！但就係冇得探訪
我自己就想順產多啲 好似快啲可以調理好
都係㗎，我第二胎生完瞓醒自己落去買Starbucks.
睇下你想唔想有人成日探你，我當年某程度上有少少係為左謝绝探訪，想自己安樂清靜下，入政府大大個借口99唔探得長時間。
1個讚
我16年廣華生咗第一胎。
今年都原本廣華生，但因為疫情，過年果陣大概30周，搵到接順產的仁安註診醫生，就轉左去仁安生。
仁安比我感覺好安心，每次去產檢都要量體溫 填伸報表先比入醫院。
2星期前生左了，住4日3夜，爸爸可以陪產
剪臍帶，出世果刻見完BB 就要等出院先可以見了～探病時間依家只有晚上六至八，只可2人，不可換人。小d 人 又係感覺安心d .
BB 出左世，就會在BB 房，媽媽每日有4個時間可以去餵奶。完全可以休息。姑娘同清潔姐姐都係超nice.
在廣華生果時，bb 一出世 就會開始跟住媽媽，自己換片餵奶，完全冇休息過。
1個讚
Thanks!意見好有用 
我今日去問私家醫生 做埋決定