個仔3m，就快四個月大，佢由半個月前開始1點之後就好難瞓著，每日keep住mark時間發現佢3-5點呢段時間必醒，有時去到朝早7 8點都瞓唔翻，驚影響佢發育而家都係輪流同老公喺1-3點段時間奶睡/抱睡，因為一擺落床就醒。
瞓醒嗰陣會嗌，但好少喊，不過嗌緊嗰陣唔抱就會開始扭計。有諗過會唔會因為日頭瞓太多，但有時佢日頭唔瞓半夜情況都冇改善，而家都係見佢眼瞓就即刻俾佢瞓。
見佢好似喺手抱嘅時候都間中發噩夢。唔知係咪怕黑定嚇親？已經持續咗半個幾月，真係好困擾。有咩辦法解決吖
同埋佢呢排成日無啦啦大叫，叫到好尖好似拆聲咁，但又唔同細路仔嗰種尖叫而且佢個樣唔係唔舒服，有冇爸媽知究竟係咩事？
系咪百日哭？如果系差不多過架啦，忍耐多一陣
佢之前一個月多啲嗰陣係有腸絞痛，但發作時間係凌晨十二點幾，基本上兩點三點都瞓得翻，之後keep住掃好耐風做排氣操已經冇咩事。
而家好似唔同，之前係好明顯sense到佢唔舒服
有冇發燒？
冇吖
我小朋友頭4個月都系阿咁， 可能餵人奶成日唔飽。但之後過做4個月就冇。我建議你睇埋呢個月，再系咁就要睇醫生
bb 算唔算細粒？有時佢地太細粒會唔夠安全感，半夜易嚇醒，我囡細個都試過，用包被加買塊玉壓心口就改善左，再大啲肥返就無事喇
出世嗰排係比較細吖，而家兩個月冇去健康院唔知佢幾重。點樣肥翻啲？佢人奶b
慢慢大就會重啲。我囡飲好多奶，所以大得好快，人奶都好夠營養，捱多一段時間應該ok!加油
有無用包巾/睡袋包住訓？另外床仔有時太空曬佢都會無安全感，用啲野頂實佢兩邊都有少少幫助，可以再試下放白噪音，咩都試下睇下會唔會好啲～
尖叫多數係肚仔唔舒服有肚風
之前BB一谷得好辛苦
就幫佢係肚仔揸油 （咩油都冇所謂）
將d油放係手心 捽熱佢 然後即係放落BB個肚度再幫佢按摩
冇吖，佢連被都可以踢開曬，包實佢郁唔到手會醒，好多方法都試過，最近仲發現好似4點開始腸絞痛
我分到唔舒服嗰種叫，但佢係講野嘅表情同你尖叫，跟住啞啞哋聲
如果情況持續 可能要帶佢睇下兒科醫生 求安心 唔洗估估下 
bb床太空/成日換床套款？
用米袋壓心口？
放媽咪著過嘅衫係佢床頭？
YouTube 播白嘈音/bb安眠曲？
迷信人可以試下：
放塊玉/銀器係佢身邊定驚？
移下張bb床近啲大人床？
我今日發現佢開始瞓得好攪，我冇擺佢翻自己床，抱咗個幾鐘就擺喺我隔離瞓，瞓瞓下竟然成個仆轉咗，會唔會關事？
擺嘢我試過，佢可以整走曬啲嘢
安眠曲佢當聽歌…
我星期五打針問下健康院啲姑娘先