自從疫情開始以來，相信都有很多人會用Apps叫外賣，我哋打工仔都唔例外！今日如常地用Apps叫外賣，其實都係貪佢多選擇同有折扣優惠！但今日真的不吐不快！ 
事源我哋中午11點半等某餐廳開始有午餐menu時，就立即在外賣Apps落單！因為佢有7折！而且之前都幫襯過！覺得都ok先再encore,在點餐既時候都好正常，揀咗之後會show返個折後價錢出黎，但到最後付款時，卻變回原價！ 
我都係同事想比返錢我嗰陣時先發覺佢原來收咗我正價！我啲同事即刻好愕然 
，因為個個落單時都睇到個折咗既價錢，而家同佢哋講原來係收咗正價！因為折前同折後既價錢都差得遠，因為係7折，攪到我都有d唔好意思 
，之後我就即刻喺Apps度同熊貓既CS溝通，但佢哋既回覆係已經再正向有關部門同店家確認，沒有做到此優惠！還叫我提供有折扣既頁面比佢哋睇！喂～大佬呀！有無人叫外賣時會下下去cap圖等拗數咩！ 
最慘就係之後去返嗰間餐廳睇既時候，連個頁面原本有註明7折既icon都唔見埋，入去仲全部show正價添！ 
我起初都以為自己做野做到傻咗…後來再向其他同事求証，佢哋都話揀嗰時係有7折㗎！有個折後價show埋出黎！我先無咁驚，但佢都Apps好神奇地就算有折扣既餐廳，落咗order後，去睇返單既details只會show返個正價，而且係到最後付款嗰一刻個total先會扣錢，我又點諗到咁樣會比佢陰到呢？
而且老實說，我哋因為哩個疫情每日餐餐都叫外賣，已經知道佢幾時係繁忙時間，要提早落單，因為一過12:00就好多餐廳都cut order! 已經試過好多次！ 
所以我哋等齊人好快就即刻要落單同揀餐！要趕係12:00前落單，又點會仲有時間去覆查你個系統有無計錯數！今次真係第一次！回覆亦非常馬虎！同一件事每次都唔同人回覆，又點會跟得好？今日哩單野喺咁send黎send去都係唔同人，send 4次就4個唔同既人覆！答既都係copy and paste 既官方口吻…到最後我真係投降！
講真…如果唔係有7折，我哋都唔會揀嗰間餐廳，又唔係話特別好食，而且同價錢或平過佢正價既都有好多！唔退回差價都算…仲攪到我哋好似呃佢咁！ 問佢會唔會係啱啱喺我哋揀既時候（嗰短短十幾分鐘內就無咗個優惠…好野！）取消優惠又答唔到！剩係話相關部門同店家無做相關優惠…致以最高嘅歉意！真係越諗越嬲！！算吧！當買一次教訓！ 
1個讚
我都出左個post呀，佢地係取消左我訂單但扣左錢，客服1月22號話退款。
尋日又黎多次，又係取消我訂單但扣左錢，我先check番上次話退都冇。今次fb msg唔覆tim呀，簡直詐騙呀呢間野。
2個讚
其實除咗哩單咁嘅嘢之外，之前我都間唔中喺屋企叫，係有幾次成90分鐘先到！但路程只需10-15分鐘！等食佢個外賣真係等到火都黎埋！如果要等咁耐，我不如自己落街買仲無咁嬲！有次我老公直情發老脾唔等個外賣，走落街買！大人就話無咩所謂，但有小朋友就真係唔忍心佢挨餓…
我都成日用，多數有問題都2日左右退返錢，加上我只會貨到付款，一般30分鐘會送到，係我呢個地區好彩？！
你真係算好好彩了！咁好老實講，佢之前遲咗成個幾兩個鐘先黎！我真都有投訴，而佢哋都有賠返$25。但今次真係感覺唔多好！好似比人呃咗咗！而家唔係要佢額外賠錢，而係比返個Apps本第應有既差價，佢哋都死口唔認話無哩個優惠！你話個Apps係曾經出現過，等我又咁啱喺佢哋取消咗個優惠時撳制比錢，咁我條氣都gur 啲丫！當我唔好彩囉！但唔好當我哋係傻仔先得㗎！
咁呢次又真係幾誇張既，佢哋個app都真係幾廢，食水又深，唔係呢個疫情都唔想叫佢
我已經唔會再用呢間
只會用d記同u記
我都覺得d記同u記好好多，雖然會貴幾蚊！但總好過受氣又唔準時！
1個讚
P記真係錯漏百出,仲要鑊鑊新鮮鑊鑊金
我都contact過cs
雖然要等 都有問有答嘅
冇心機睇晒⋯⋯ Sorry …
但用過一兩次foodpanda 之後真係唔想再用，一來送錯地方又等多一個鐘，二來個送貨既好冇禮貌⋯⋯⋯ 寧願貴少少 Deliveroo ，但有時餐廳都係會出錯貨，refund 只有Deliveroo credit ，同埋要等幾日定一星期，唯有少買外賣。