我一直都唔太滿意我奶奶老爺,但無開過拖, 而且始終唔使一齊住, 見少啲都冇問題嘅, 但係自從我有咗bb之後 
我對佢哋嘅討厭度日日億倍咁增加, 但我憎佢哋同時都會關心佢哋, 例如打風落雨, 呢排疫情, 我都會心掛掛嘅 , 但佢哋一視像bb或者講起我要小心啲乜嘢 
問照顧得bb好唔好嘅時候, 我把火就會嚟㗎啦, 而且平時喺屋企都好似有幻聽咁聽到佢哋把聲覺得好火滾好忟憎…
今朝睇到有個topic講老爺奶奶…好似荒漠甘泉咁, 我有諗過係咪角色問題所以我妒忌佢哋呢?又或者我唔衰得, 所以唔鍾意佢哋話我呢 ?
係咪好多人都係咁㗎?還是我嘅性格衰所以咁呢 ?
我同你一樣。
感覺你同佢哋都係好人，但唔夾囉，但礙於身份關係又要逼住相處，好似咩都要照單全收，所以唔gur
因為我都係 
You are not alone.
自從新年後，疫情開始嚴重，我奶奶就無再去我屋企。佢以前係好似返工咁，一至五都嚟，朝9晚6，但其實我有請姐姐
自從唔駛同佢接觸，我覺得人生多返好多正能量
其實都想非正式統計一下大家覺得老爺奶奶邊方面最難相處？我係長氣煩又多意見（同樓主一樣，我自己喺屋企都有幻聽），同埋鍾意搶孫。
你就好啦。。。我嗰個仲日日嚟，一至五。。。上星期一咪假期嘅，仲話想上嚟。。。好困擾
老爺我就冇乜野既
係奶奶囉，唔知點解，講衰佢又應該唔算太衰果啲
但係一聽到佢懶叻呀，唔肯為個孫付出，咩都我媽付出就火滾
會唔會可能生完BB，唔夠訓？所以情緒差？
加上「同性相拒」，奶奶又特別「長氣」？
我有個同事生完，都有一排對奶奶感覺好差。佢出名係公司最好脾氣，對個個都好好。但佢話坐月期間，聽到佢奶奶把聲，都覺得好煩。
佢自己同我告解時都話唔知點解，生完特別唔想應酬奶奶，不過過後就正常返了。
同你一樣。 我都懷疑自己有產後抑鬱，
果時仲同佢一齊住（我餵人奶不停咁比佢話我既奶有問題影響個孫） 搬左出黎又成日查崗咁走上黎。
正常，我係超級憎佢。
我的個人意見，佢對我好，我感謝她
但相見好，同住難。我有壓力。今日佢不在家，我輕輕唒
因為你討厭佢哋，所以佢𡁻講乜你都會覺得好討厭，唯一辦法係盡量避，可唔可以盡量避免同佢哋視像？
仲要個bb有d咩野 (可能未剪指甲, R損少少, 生頭泥 等等等等等) 99第一時間都係問阿媽：乜你無幫佢咩咩咩?
見到個孫件衫歪左d :哎啊, 你媽媽點同你著衫架~
乜都係媽媽媽媽媽, 佢個仔無份既
見個孫眼大大QQ： 似足阿仔啊~
皮膚偏黑：我個仔好白喎~d皮膚唔似阿仔 (喂咁我都唔黑啊
)
好野就佢個仔, 衰野就賴晒阿媽
明明大家都係女人, 佢都做過人新抱, 應該明白有時家嫂真係會好在意奶奶既說話
完全同意 
以前一直關心佢，為佢慳佢話你cheap, 叫佢仔探佢話你多事，總之句句有骨埋怨你，而家聽到佢把聲都僧到入骨 ！
你仲會掛心 99，未算好憎喎
我憎 99 憎到入骨，完全唔想見佢，連口罩都冇問佢夠唔夠，由佢自生自滅。節日更加唔會買任何禮物
佢打屋企電話搵孫，我叫仔女千祈唔好俾我聽，我唔想聽到佢把聲
我對奶奶唔憎，但可免則免，佢性格好激，講嘢勁大聲，唔識佢會覺得佢係精神病人燥狂果種，見到就見，唔會主動搵佢
荷爾蒙影響，下意識想保護自己個仔，會覺得最有興趣搶走佢的人，大概就係奶奶。。。所以會對佢特別反感。。。有時未必係佢真係衰。。。
另一方面，佢覺得你嫁咗入嚟，我要當你係女咁照顧你，提醒你，教導你。。。所以會特別煩同埋唔客氣。。。如果你唔客氣，佢又加多兩錢肉緊，喺防守與進攻之間，就會搞壞左個關係。
講真一句，大家都冇錯，而家做咗幾十年人，你突然間多咗個老公，多咗個仔，多咗奶奶，多咗好多嘢，全部都係第一次。。。因為我盡量做到最好同埋保護自己嘅防線。。。。
你奶奶同你都係一樣，佢都不期然咁有好多壓力，唔理你又怕俾人話唔理你，比人話係衰奶奶懶奶奶，想盡量做好啲，但係啲湊BB記憶其實已經係30年前，將自己覺得最好嘅嘢，教比自己最珍貴嗰粒孫。。。。
總括來講，大家都冇錯，係角色轉變所以自己壓力而影響，媽媽深呼吸，睇開啲，適當咁樣聽你唔到睇你唔到，荷爾蒙令到佢呼吸都乞人憎過人
我覺得個個都係佢咁樣
我99係正常人 open mind
我62 同佢d兄弟姊妹 係煩膠 勁共 藍到發黑 廢老 唔注重個人衛生同清潔
講乜都要鬧美國佬 十足bk怨婦
我都係一聽到佢地把聲 就好火滾
佢地whatsapp gp 成日講廢話 刷存在感
本身一齊住 疫情開始前 已逃跑 搬返娘家
我奶奶係藍絲，之前日日睇新聞都話要打死晒，拉晒d暴徒，d說話真係好難聽。
為人霸道，咩都佢話晒事，完全唔尊重人，好似以前入伙睇岩套枱櫈，佢話唔鍾意就買過另外一套，問都唔問下我，又唔係佢用！
以前上黎從來唔講聲，叫佢通知聲我，從來冇做過，依家生完直情日日上黎。
生之前叫佢上陪月班佢又唔肯，話會自己睇書學，冇見過佢睇。點知我生完，先發覺佢仲衰過新手媽咪，完全唔識湊。
質疑我餵人奶，每次bb喊都覺得我餓親bb。返工前儲左d冰奶，又嫌唔新鮮，要餵奶粉。
Bb有濕疹，又怪因為我食d濕熱野。
依家我要同bb戒夜奶，教佢唔好再抱住bb哄瞓覺，要bb學識自己瞓。教左佢個半月，話過佢幾次，當我耳邊風，日日照抱哄bb瞓。琴日我叫老公再教佢，只係講左一句唔好抱住bb瞓，佢就發脾氣話唔過黎。
老公d銀行信，佢全部拆晒黎睇，搞到我老公碌卡買野都唔敢。