大家好，見呢個版有些少冷清，開個主題比大家問下，有咩關於台灣或者台灣親子景點都可以問～ 住左台灣五年都叫熟熟地，可以係大家無得去旅行住，都可以準備下
9個讚
疫情過後, 會多人問!
而家個個困於家中, 都冇哂心情
我都好掛住台灣, 掛住台灣的野食。
果邊讀書情況點？有冇歧視未識國語既小朋友？港人移民去讀本地定國際學校好
Hello!我好掛住台灣啲牛肉麵同伴麵呀！希望快啲有得去！
我純八︰請問台灣人點睇香港移民﹖好耐之前聽過其實都有少少歧視，而家呢﹖
讀書情況，其實都同香港制度差唔多，都係由幼稚園開始有分公立同私立，但幼稚園就無香港咁難，玩為主，日日番學都係玩，到高班先會學寫名同少少注音。去到小學其實同香港進度差唔多，但要睇學校性質，佢地有實驗小學制度，有d小學會行雙語，就會好似香港咁中英文教既比例差唔多，普通國立小學就會英文少d。上到國中，即係初中，就會比香港多英文，之後高中既部分佢地好細分，有五專，普通高中同高職，類似香港既專科學校，但又唔一定係成績唔好先讀。
如果移民後小朋友讀咩，其實好睇你搬去邊同埋小朋友本身讀咩，國際學校學費真係好貴，如果你搬左個校區有實驗學校，其實應該實驗學校會比較適合讀緊普通學校既小朋友。
國語方面，其實普遍台灣小朋友都好接納唔同人，畢竟佢地學校會有唔少新移民，例如越南人媽媽既小朋友同原住民，但歧視真係好睇校風同老師，好難答你，但如果真係移民又想小朋友舒服d，建議你同佢上下國語堂同學下注音
1個讚
其實會，而家都會，但都係睇人。我試過比人係條街度鬧我用佢地健保資源，叫我滾出台灣，仲話我係大陸人
但我番工既同事，番學既同學，全部都好nice，其實邊度無歧視啊，都係睇人。不過私心講句，越鄉下既地方，越大年紀既人，對你既歧視越大
我何嘗唔係都好想番香港食蛋撻同飲茶QAQ
希望疫情快D過，可以同阿女番香港探屋企人
台北D樓是否冇乜投資價值？
上次看環境，看樓
Agent 叫我地租住先
住嗰區喜歡先買
話D樓不會急升，不要急買
介唔介意講你係用咩身份喺台灣定居? 工作簽?
老公申請緊專業移民
其實本身我份工都有機會relocation
1個讚
我朋友早幾年都係嫁左過台灣，但佢過左去1年，生左個女之後又過左1年左右就帶埋個女返左黎香港娘家住。。。一來佢話佢係台灣個面係住好鄉村地方好唔慣，二來佢同男家生活得好唔愉快，佢話99對佢好差，個老公又唔理事乜都聽個阿媽話，加上佢都係想個女係香港讀書，咁就帶左個女返黎。。。
雖然我有話佢咁呢啲野唔係婚前已知悉架咩，不過呢啲始終係佢私事，我唔出太多聲好啲，佢呻就聽下咁。
無，我可以基乎100%同你講無。台灣而家台北既樓又買唔起，買得起既又唔會升，北部新發展區好似淡海、林口同三峽，有捷運都無人住，鬼城咁，而家樓價疫情下跌到二字頭(即係20萬起一坪)，如果移民千奇唔好買住，租左，慣左個生活環境再決定都唔遲，台北生育率咁低，講得衰d，起咁多樓都唔知比邊個住。租金對於我地香港人來講又唔係貴，租係一個十分好既選擇。**多講多句，好多人都移民左最後住唔慣，都係番左香港，買左到時層樓又係要搞一輪
1個讚
我以前係台灣讀書用讀書簽證，而家嫁左做人妻，係依親居留，但而家已經有身分證，因為結婚後有小朋友，夠一歲媽咪就有身分證，利申對移民簽證唔熟
其實你講左，真係婚前就知，我自己同老公同居左三年先決定結婚。我自己住台北又無咩野，可能係呢個地方生活左就來6年，真係無咩感覺
請問台灣點解生育率低﹖
明白
謝謝！
其實不外乎都係買唔到樓同埋人工低，係台北做野人工高，但係洗費大，租樓都用左半份人工。
如果一個男人去坐移民監，其實有無咩旅遊境點可以玩足一年
你最唔慣係啲乜嘢呀？生活習慣？食物？人情世故？