我大仔都係食人奶，食到8個幾月就無食。
細佬就今年2月尾出世，都係食人奶。
第2胎就比起第1胎叻好多，起碼識得令bb唔好啜損自己。
我覺得餵人奶又好餵奶粉都好，最緊要係bb吸收得好
大女食到細佬12週左右真正離乳,大概3歲幾~而家細佬歲幾,仲食緊~
埋身定係泵出嚟？
我係埋身架
想入黎學下野，準備生又想餵人奶，點樣先令bb唔好啜損自己呀
餵到一歲左右就臨訓先食， 食到三歲幾都冇乜就自己唔食
初初唔夠就泵完半個鐘再埋身，勁飲水飲湯去增奶
可以就生嘅時候就apply nipple cream 呢
醫院姑娘教話bb 唔好淨係啜nipple，要含埋乳暈喎，不過我嗰個都係齋啜nipple 
全埋身兩年半仲餵緊
乳腺炎石頭胸士多啤梨奶都經歷過
最緊要放入口嗰吓反晒佢咀唇出嚟咁就基本都唔大問題
當bb啜您既時候將佢下巴仔向下拉一下，咁佢就會食哂成個乳頭同乳暈
1個讚
我又想問下大家。會唔會比奶嘴佢地食？
我細仔依家猛長期，食極都唔夠。我已經每日似1000ml上奶湯同食兩大碗飯。
由個仔出世到依家八個月都仲餵緊，全埋身，所以我仔係唔識飲奶樽
佢可能比其他bb冇咁米芝連但so far冇病過冇發過燒，體重亦正常
初初未生前聽講座話臨生搵條毛巾濕左磨下個lin頭，日日沖涼都磨一陣，到出世丫仔又冇話好似隔離床媽咪咁嗌哂痛
上胎全埋身咗半年，返工就泵奶再加埋身，最尾一歲多少少，發現工人平時座到D人奶勁熱，一係就冰奶唔夠熱，驚食死阿B所以補埋奶粉，不過唔使返工嘅日子都埋身，餵到發現第二胎就停喇
我算好彩，冇陪月冇炒米茶，同埋當時已經好唔想上網睇BK，咁就係fb join外國媽媽group，係冇咩湯水之下日日飲好多水，都叫夠奶餵"時時食B"
個人就覺得全埋身冇咁易塞，泵奶有試過痛不過好彩冇事，我就buy鬼婆嗰套佛系，佢啜幾多媽媽就會生產幾多奶，咁就唔使太擔心去計BB食幾多，但困身就真嘅，差唔多到半歲先有機會去剪頭髮
剪頭髮呢個問題，我都想剪，頭髮太長。但bb先得個半月
我明呀
個心想出去剪但又唔捨得BB，依家仲要肺炎，我都半年冇剪頭髮，但其實第二胎依家我會夠膽染埋髮💁
無乜心得，仲真係好懷念呢種無可取代嘅日子！
BB而家18日大 (人奶)飲110ml 有時要補多30~40ml 唔飽唔訓 但會唔會太多 
阿女餵到3歲左右自己唔駛再食, 就自然離乳了
初時餵就一直望幾時可以唔駛再食, 餵到歲幾就開始唔想佢咁快離乳, 到佢真係唔駛再食, 就好懷念餵奶日子
如果要心得, 最重要係生之前睇定多啲資料, 做足準備, 唔係裝備上的準備, 反而係心態上, 要明白餵人奶係咩一回事, 埋身餵同泵有咩分別同邊樣適合自己, 更重要係身邊有份幫手照顧的親人/幫手都要清楚明白…餵奶路就自然順利好多
而家BB 8個月大，半泵半埋身。最近唔知係咪谷M，奶量跌左好多，同埋唔係好泵得出。想問下各位個Lin會唔會慢慢變返細？因為我懷疑個喇叭好似突然唔岩size咁 
如果係因為猛長期, 佢真係想食多啲, 你俾奶嘴佢, 應該幫唔到好多喎, 而且猛長期好快就過, 無理由為咗這段短時間而俾奶嘴…佢食開咗奶嘴, 到大個啲好難戒…
猛長期真係好似食極都唔夠, 媽媽會成日好擔心自己唔夠奶…其實猛長期係個signal俾媽媽知, 佢要大個啦, 要食多啲, 俾佢狂埋身, 俾多啲刺激媽媽身體要造多啲奶, 過咗猛長期, 媽媽身體真係會配合到小朋友造多咗奶呢! 加油呀!
記得, 食物飲品都只係輔助, 一唔食唔飲就會無咩效果了, 唯有從根本處理, 多俾刺激(即係密密餵), 先至身體會長遠造多咗奶呀
我係爸爸 想分享下
需要多啲老公溝通 有時男人真係唔識
以為有奶係自然 唔知個過程幾辛苦
另外 我有時都幫老婆做通奶師
所以生左B後嘅溝通更為重要