去過一次，真係好靚
下次再去的話想去果間好大的吉之島行下
我都鐘意沖繩
Hello! 我好鍾意沖繩㗎！我身邊啲人成日話全個日本最悶就係沖繩，但係我又偏偏好鍾意呀！去咗兩次，好想去第三次！
2個讚
你意思係Rycom? 沖繩有一個新嘅商場,
坐落喺海一個好靚嘅沙灘旁邊. 裏面有一個水族館 (沖繩第二個水族館), 仲要有幾間沖繩之前冇嘅舖頭進駐例如 Loft.
本來今個禮拜開. 但係我估會延期.
1個讚
對沖繩意見嘅人通常都係好極端. 因為沖繩係鄉下地方(我哋網購要收郵費…, 有陣時唔送添), 繁華絕對比唔上東京大阪。
但係有啲人就係鍾意佢嘅慢。雖然鄉下但係乜嘢都有，乾乾淨淨。
曾經被本島人問過，你哋點樣買餸？ 有冇超級市場… 其實好多日本人以為沖繩乜嘢都冇。
鹹魚青菜，各有所好姐。
1個讚
好想去呀！！
1個讚
你點移民過去？
我哋起初都係申請工作簽證，跟住一步一步定居落嚟。 （因為我哋冇錢，所以打工簽證）
另外一個方法就係做投資管理簽證。（好多人如果有資金，佢哋會選擇呢一個方法）
如果有興趣移民日本或者沖繩，可以先睇咗我哋個故事，遲啲真係行動嘅時候，唔會咁容易俾人昆。
2個讚
北海道嘅鄉下地方我都去過，真係各有特色。我都好鍾意沖繩嗰種永遠係去渡假嘅感覺！簡單同慢同hea我好鍾意呀！
1個讚
你地好勇敢呀
沖繩人成日俾人串，”okinawa time. “
因為做嘢特別慢, 同埋基本上一定會遲到.
所以好多本島人都頂唔順沖繩。
但係我哋就係鍾意呢一種生活.
1個讚
因為香港真係唔適合小朋友生活。
只要計過數，餓唔死，就即刻走～hahahhaha.
我住香港，去旅行就係要咁hea，咁辛苦咁趕咁productive我响香港得啦
我都有俾人話我去旅行嘥錢，去沖繩住同一間酒店住到五日，有乜玩？點解唔環島遊五日可以去埋附近啲島呀！
我等機會可以，我又再去Okinawa time呀
1個讚
通常去旅行有兩種人,
一種就盡量想見唔同嘅嘢, 多啲唔同體驗.
另外一種就係想放鬆.
去唔同地方有唔同嘅目的。未有小朋友嘅時候我哋都成日轉酒店，但係有咗小朋友之後，試過去泰國布吉住同一間酒店住咗一個星期，大部份時間冇離開過酒店50米範圍之內。最多去旁邊嗰啲便利店或者街邊檔食串燒。
人生唔同階段要求野好唔同。
2個讚
我可以住同一間酒店住十幾日咁其實沖繩都多嘢玩同做吖
1個讚
我哋住咗四年幾，仍然可以每星期都介紹唔同嘅新野。沙灘我到而家都未寫晒⋯⋯
如果你要shopping, 沖繩可能會令你失望. 但係如果想攞個平衡, 一個旅行幾日時間去睇風景, 去唔同嘅體驗, 例如騎馬, 農場, 室內遊樂場. 剩返嘅時間就係幾個大商場shopping.
如果抱着放慢嘅心情, 沖繩可以玩好多次.
夏天同冬天同一個地方風景已經唔同.
如果有小朋友, 以我自己經驗, 沖繩好過東京. 我個女(依家八歲) 每次去東京, 覺得太多人, 好想快啲走.
大家都忽略咗沖繩嘅南部，其實嗰度環境係最靚，最舒服。好多沙灘，好多海景cafe.
但係要有心理準備, 沖繩料理好容易中地雷… 有好食嘅沖繩料理居酒屋, 但係唔多.
3個讚
新年前去過沖繩，我小朋友好鐘意玩果度既公園，消費又平，最重要吾洗我煩，可以自駕遊，好想再去，吾知下次幾時先去到了
1個讚
就係因為平所以我哋先至有能力搬過嚟~kakakkak.
以前第一次去到水族館, 發現睇海豚表演唔需要俾錢入場已經可以坐喺度睇. 水族館即使唔俾錢入場, 都可以好充實咁玩大半日, 甚至一日. 沖繩可能係日本玩得最平最充實嘅地方。只需要比食住交通費，大部份景點都可以唔使錢。
沖繩好正呀，去過兩次，希望疫情過後可以黎潛水喇！
1個讚
其實沖繩水最正嘅時候係冬天，水底好似玻璃咁。但係有啲人怕凍，，4月尾至5月水清，唔凍，好適合過嚟。
呢個係琴日影嘅沙灘水底，只係沙灘已經咁清：
1個讚