終於有一個可以暢所欲言嘅香港親子平台！
其實琴晚已經發現呢個平台，但係唔想用oki-family 直接Post, 所以先同板主打聲招呼。
我哋雖然住喺沖繩四年幾, 但係過去香港嘅運動, 我哋已經唔知喊咗幾多次。721, 831⋯⋯遊行都返咗去兩次。
日本今日開始實施全國緊急狀態, 沖繩雖然非常之唔日本 （有啲啲似香港同中國嘅關係）, 但係點都係日本一部份, 所以好多人都盡量配合.
不過好彩沖繩人口少, 所以好多無人沙灘, 人口密度比我住嗰個區低。所以我哋仍然可以去＂放風＂。真係要用呢個字啊…
如果有關於沖繩旅遊嘅問題，歡迎詢問我 （如果去FB 問，就會係我老婆答，佢比較熟悉玩意外嘅嘢）。我會盡力解答。但係希望唔好問，沖繩有乜嘢食，有乜嘢玩。因為範圍太大真係唔識答。
可能有啲人有睇過我哋個FB, 除咗旅遊之外我哋都會講日本資訊,移居資訊。但我哋從來冇收廣告，尤其是好抗拒移民顧問合作。因為咁就會失去中立性，唔可以暢所欲言。我哋唯一嘅收入就係我哋自己間潛水店。
去過2次
下次去帶埋小朋友去
好適合親子遊
welcome
未去過okinawa, 但welcome!
近排覺得開始需要變換心情，想做啲開心嘅嘢。所以趁天氣好周圍去拍片，每段幾分鐘，希望可以成為治癒嘅片段，大家如果想放鬆心情可以睇吓。如果會剪片嘅，我放左影片下載連結，可以攞嚟做素材。希望大家可以同我地一樣，鍾意沖繩呢個鄉下地方。
沖繩好適合小朋友，非常之多公園。
唔識driving去okinawa會唔會唔方便呢?
我一家去過沖繩4次，超鍾意沖繩，有睇你地一家係FB嘅分享！
我都正想問呢個問題。因為驚唔多車去到景點，我好想去，但係未解決到呢個問題，所以一直都未plan過去沖繩。
以前大獲啲，近年好好多。（我淨係講沖繩本島）
因為其實沖繩搭的士唔貴，同香港價錢差唔多。
尼一兩年旅遊公司開始啲特別嘅巴士路線，例如JTB, 佢哋有一日同幾日 （唔記得咗幾多曰）巴士Coupon. 價錢唔貴, 而且會飛好多站, 通常係停幾個遊客必到嘅景點。譬如機場去水族館，其實只係比揸車多大約30分鐘左右。
各大旅遊景點都有旅遊巴士到，尼曾絕對唔需要擔心。帶住小朋友上車瞓覺，瞓醒就到。而且唔會比揸車用嘅時間多好多。
我之前睇過啲沖繩樓盤網站，二百零萬有成千呎，想退休後去住，有冇邊區嘅樓盤好介紹？
你好呀！ 竟然係呢度見到你！我都有like 你FB! 我地一家好鍾意沖繩，希望可以解除疫情後可以即刻到沖繩！
見到一個黃絲親子平台，仲唔即刻死入嚟咩！ 
真好,本來諗住今年暑假去沖繩自架遊架,宜家唔得
睇下出年有冇得去啦
沖繩嘅樓相比日本第二啲地方其實貴好多。
平嗰啲未必擁有地權，上邊果幢建築物屬於你，但係土地唔係屬於你。日本嘅物業擁有權好鬼複雜，你買樓嘅時候要問清楚。
我哋呢度有幾篇講買樓，你有時間可以睇一睇。但係唔好叫我介紹經紀，因為我唔想孭鑊。
我只可以話俾你聽，東京大阪有一間正x樣D物業好貴。你情我願唔屬於騙局，但係同一個單位去第二度買可以平好多。有好多人私底下同我哋講。
https://www.oki-family.com/2020-沖繩移居指南/
沖繩成交比較活躍嘅區域：美國村，Yomitan, 新都心同埋南部糸満。你可以留意呢啲地方。
呢度嘅蟑螂，動物，包括人都特別慢。所以我哋搬咗過嚟～你都搵唔到大錢，但係生活有質素。
你係咪喺果邊執過貓果位？亞貓好嗎！
嗰個唔係我哋，但係佢有聯絡過我哋。佢哋後來再嚟沖繩，又再執咗另外一隻～hahaha. 佢哋好好心地！
咁我記錯了，唔好意思 