BB濕疹

睇見四個半月大既呀女無覺好訓,典黎典去睇見到都好心痛。

有冇人同我呀女一樣起耳邊爛肉跟住出黃水?
睇過醫生好左一星期又黎過,試過好多支藥膏都冇用。

作為人奶B,我已經戒晒口剩係食豬肉同飯,想搵致敏源,已經準備排除食物,到而家仲未搵到致敏源。

有冇人可以教下我幫下我可以點做?:sob::sob::sob:

我仔細個都有類似情況, 問左陪月用完芫荽水, 金銀花水仲差多幾成。。。 之後睇醫生要用類固醇藥膏同食抗生素, 止痕, 消炎藥先好啲,但一停藥膏就出返。。。 之後睇兒科專科, 話搽好左要搽多好幾日, 打破個發炎現象, 之後先好停, 咁搽係好啲, 但我地發現仔一唔夠瞓,作病,抵抗力差又會發濕疹, 到一歲嗰陣時的起心肝戒類固醇, 辛苦咗一個月, 但之後發都冇以前咁勁, 而家佢就3歲都有發少少但用多啲保濕野就算 控製到。。。

1個讚

但其實我最想講嘅係, 媽媽唔好怪責自己!!! bb出濕疹唔關你陀住佢嗰陣時食乜嘢, 唔關你而家食緊乜嘢, 好多時係佢要發就發嘅。。。 到大啲 皮膚抵抗力好咗就容易好, 唔好太擔心, 我果時帶仔出街, 最憎人同我講 “呢個bb啲皮膚咁樣既, 好慘呀。。。” 唔好理其他人, 有好多濕疹媽媽支持你呀!

我朋友個女都有濕疹, 囡囡六個月嗰陣時去做抽血既敏感源測試, 搵到敏感完之後情況好好多, 你都可以去問下醫生, 不過唔平喔。。。

我見BB墊頭張毛巾仔都有黃色漬,係唔係BB習慣依邊面側瞓?
有冇試過轉第款材料嘅毛巾同埋密啲洗同換新?仲有轉埋洗衣液,有時不斷返發係同依啲嘢有關,通常寫明 100% cotton 毛巾最好,有啲有追求的甚至會用冇漂白過,米米地黃色果種毛巾。

另外除非啲食物食完即敏感(要check的話即時敏感係check IgE),唔係的話唔好戒盡呀!同類食物隔開幾日食一次就ok,營養唔夠均勻抵抗力唔好都係會返發,隨時係豬肉同米飯食太多都唔出奇,唔一定係啲濕毒同發物。

1個讚

有朋友睇過朗豪坊兒科,情況有改善,可以試下。

有需要去睇醫生啦

我個仔無試過咁嚴重。我覺得佢最嚴重果時我日日夜夜同佢揸Aveeno既濕疹cream,係oatmeal成份聽講對濕疹好。沖涼果支野啦,day cream,night balm,都係Aveeno濕疹系列,好快就無事。無事之後到而家一直keep住用,皮膚好靚。唔知對你BB有無用,點都share左先。我都明白好肉赤。 :baby_boy03_cry:

嘩 你快去約中醫 我朋友都係睇佢 ! 好陰功

有介紹嗎?

好陰功啊… T.T

結果你囡囡咩事?

我有比小朋友用英之X 但我小朋友大D,1歲幾

我朋友個女驗到敏感 牛奶 同雞蛋, 無食之後好左好多!
我仔就被我地發現佢敏感牛肉, 無食一排少出濕疹好多, 但佢都會因轉天氣, 抵抗力差就出啲係面, 而家3歲就開始試食返啲牛試下, 希望之後會慣返
各濕疹B 媽媽加油呀!