BB依家3個半月大，人奶全泵。
由2個半月開始斷斷續續咁厭奶，飲完2安就開始扭黎扭去，雙手推開奶樽，作嘔。
有冇媽媽可以教下我點樣可以渡過厭奶期
我仔都係3個半月大，我埋身餵。條友飲幾啖就啜自己手指唔再飲
被佢吹脹。我媽話男仔係會咁樣㗎，唔駛太過擔心，佢肚餓就一定會喊。可能呢段時間需要餵密啲。
同埋餵嘅時候，試下係靜啲嘅環境，收埋身邊可能會引到佢注意嘅野
希望幫到你。
1個讚
唯有少食多餐
都係過渡期過左就冇事～
1個讚
同意少食多餐～佢唔食試多一兩次就由佢，唔駛同佢鬥
最緊要留意佢重唔重磅到啦，精唔精靈
如果玩得訓得係冇問題架，放心放心
飲唔哂嘅人奶可以用黎俾返bb沖涼，咁都係叫冇浪費～～
1個讚
我仔而家就黎三個月，都係好早就開始斷斷續續厭奶。而家要tum到佢差唔多訓著覺，佢先肯開始飲，清醒既時候係完全喊到拆天死都唔肯飲。真係冇佢辦法。佢咁既情況根本連少食多餐都做唔到。。都唔知點過。
佢體重同精神係咪都正常？正常就唔需要咁擔心，佢真係肚餓就一定搵你食嘢
而家就比佢做主導
精神就好正常，成日都想玩唔訓。
重量我就一星期先磅一次，如果飲少一餐就會跌少少咁。因為我係姐姐湊所以都會set 4個鐘一次，tum到佢少少訓佢就會想飲，如果佢唔要我就叫佢唔洗俾，等下一餐再餵。但清醒狀態下佢就一定唔制架啦！
1個讚
如果體重方面，唔係大上大落都無咩太大問題
小朋友係百厭啲，辛苦媽媽了
我仔都好煩
成日啜2啖就收工
少食多餐，情願洗多幾次樽都好過倒，轉下餵奶嘅環境同動作都好有幫助，唔好夾硬要佢食，因為會影響佢之後怕咗食奶
其實成日聽厭奶要少食多餐，但bb基本上係一抱，一擺奶樽就爆喊，跟本就係冇辦法清醒既狀態下餵到奶。而且少食多餐咁即係唔洗俾佢訓覺，兩個鐘兩個鐘就要餵佢？而家4個鐘一次都已經唔肯飲，咁再密d時間又點會反而肯飲？真係唔明點做到少食多餐。
1個讚
我女2.5個月，呢幾日厭奶喇，由每餐100-120，而家每餐頂多60，仲要氹。。。唉，好擔心呀。。。
早2日仲係少食多餐，呢2日更加係瞓住飲都唔得，寧願瞓呀，醒咗飲又爆喊，又推樽，點算。。出世已經係超輕b，而家仲要厭奶
唯有食多幾餐，最緊要媽媽幫手帶BB做足身體檢查正常就得
正常都無乜問題既。最驚攝取唔夠營養姐。我會帶佢去比兒科跟跟會好啲
我呀b就黎2個月，新手媽咪咩都唔識
我想問下點解會厭奶既？ 即係呀b唔肯食奶呀？係咪個個都會咁架？