我覺得淨係你上黎開post發文發問已經好有心好值得鼓舞
你可以試下多的同佢講你上網學倒睇倒既資訊
同佢一齊準備入院需要既物品 炒米茶
如果佢對你照顧佢坐月飲食上有擔憂
你可以揾定的(坐月)食譜煮下幾味俾佢試下(如果你識煮野 又有信心到時幫手湊倒b之餘仲有心力煮野俾佢的話)
或者可以揾定月子餐同佢討論下 咁你地就大家都舒服的
2個讚
上youtube睇多d人地點湊b丫 我大緊肚 而家無得去產前講座都係咁睇
仲有個陪月ig d資訊好有用 share俾你地
https://instagram.com/maamaacat__?igshid=1b3iw5gwpfian
母乳方面, 我覺得媽媽唔使咁大壓力, 都唔好俾媽媽咁大壓力
如果真係無/唔夠, 餵奶粉係OKo家
無須要迫到自己覺得無奶就好罪惡咁
唔係個個媽媽都會有奶
唔係大胸一定有奶, 唔係無胸一定無奶
搞到自己壓力勁大就一定唔夠奶
希望多啲人明白啦 
2個讚
有自然離乳呢樣野既
我諗大家都係concern痴唔痴身既問題
呢樣野1歲前其實都要安全感 痴都好正常
之後就係睇個性同家教 循序漸進地放手 俾佢學習independent play 點做都係睇照顧者對小朋友的了解 好多時其實係家長唔捨得多
我遲少少都係同老婆傾下搵唔搵陪月…
老母預咗今年退休，老豆有病都係最近呢2-3個月嘅事，我哋才擔心佢哋無能力幫到手，先討論返陪月呢件事
都係架 所以首先要有個concept
bb喊=有需求唔識講
唔一定係唔開心/身體唔舒服
唔好太緊張 照顧一排就會易d明佢想點
睇濕片量 已經可以確認佢食成點痾成點
兩大問題解決
再黎冷熱問題 摸下背就知喇 又搞掂
仲喊 就傾下偈 攬下
仲喊 就要留意下環境舒適度 太靜/太嘈/太焗/大風/件衫拮肉/手腳無包好/討厭包住
都係果句 細心d 多d幻想同嘗試 可以既
2個讚
好陪月好FULL架, 你要現在問啦.
我當時一知有左就找的
總知放鬆D就最緊要
阿B喊多幾次一定會懷疑自己…慢慢就開始有壓力
有壓力就緊張
不過同你講…BB唔識講野…喊好正常
BTW 真係真係要學醫院姐姐包被
真係好有用…佢地包得好靚好實
要真心問下姐姐
BB本身係阿媽入面突然出黎空間無安全感
靚既包紮好重要
瞓好D喊小D
1個讚
唔好, 佢未上奶你俾佢飲, 會好辛苦
我都係咁行過來, 最重要是媽媽心情輕鬆.
我大仔是半奶粉奶母乳
我細仔就全母乳, 心情是輕鬆的
呢D好極端啦. 但我都支持唔好入呢D GROUP.
大恐怖
係呀…多D氹老婆笑…
扮下野
你就好過D
我記得 一開始唔係為飲奶 係為刺激出奶
BB 頭2-3日唔食都有足夠儲備 唔會餓親
況且一開始個胃先得波子咁大 真係唔使擔心
乖乖地聽醫護人員點教啦
你唔好呢個時間來觀查. 你們是新手父母本身已好緊張, 到時有咩矛盾就好煩
你媽有沒有湊開初生BB的? 唔好用當年湊你那套, 唔係你老婆一定發癲
係…頭1星期D黃金初乳由佢自自然然
幾日先開始飲魚湯幫埋傷口
係…你要用2邊講
同老婆講 阿媽過來幫手已經好好…佢可能有D情況係老一輩手法…大家傾下
同老母講 你都做過人老母…十月懷胎都知幾辛苦…一定好經驗過新抱 你有咩咪好聲好氣講囉
再同佢地講如果你地嘈交…只係將我夾你中間姐
要問下佢覺得同你媽媽夾唔夾，佢自己想唔想。
我嗰時都係奶奶坐月，老公話請陪月兩萬蚊不如用嚟買我自己鍾意既野。
坐月時因為覺得佢係長輩，所以好多不滿都自己收埋（諗返都覺得超on 9），佢有去上陪月班，但亦係咁好似覺得自己係權威係專家咁，加上成日搶抱令我覺得好難受，我奶奶仲要嗰時剛retire，所以嚟到好似返工咁，直頭我哋叫佢唔洗咁早嚟都叫唔住佢。。
陪月要由朝陪到晚，有時全日喺屋企對住，有時仲要陪去健康院，當中有好多相處，所以如果可以就揀個自己鍾意啦。
其實如果經濟OKAY就請陪月啦, 一來坐好月身體好好多, 二來新手父母有個人可以學會定好多, 搵99幫手就最好唔好喇, 一來生完荷爾蒙影響情緒非常怪, 二來99 未必真係識搞NEW BORN架, 加上好多99自己唔識又會搶BB, 到時佢地嘈你仲煩。
人奶方便, 唔係一味上奶就得, 要留意會唔會食左收奶嘅野, 同埋會唔會塞奶, 一開頭BB唔識飲又上奶真係勁痛, 健康院D姑娘都好肯幫手, 可以問多D, 加油呀爸爸
2個讚
我建議你依家好問啦
陪月都要見, 唔係一見就岩就想請
如果出名/好嗰啲, 好快就俾人book哂o家啦
盡量都係搵返外母外父先
新媽媽啲情緒係好奇怪
佢地自己都控制唔到
平時同99冇野有時都會無端端變有
同四大長老講明唔好提任何有關餵奶既問題
唔好因為"小氣" 就唔讚個BB
新手媽媽好敏感
任何批評都好易轉化成"我湊得唔好"
陪月請唔到就自己學定餵奶沖涼
利申搵外母湊B
但自己呀媽來探B都成日趁我去廁所同我老婆說教
有啲老人家係唔會化架
1個讚