老婆有咗，仲有4個月就生。尋晚閒聊間，發覺老婆對我有能力照顧坐月嘅佢&湊bb完全無信心。
作為一個新手爸爸，特登上嚟向各位高、中、新手爸爸取下經，學下嘢。
啱啱book咗醫院，打算開刀生…
未添購任何bb/媽媽嘢…
6個讚
正常
不過男人殺到埋身會進化
買左果皮整炒米茶比太太未
做定多D功課比信心佢就OK
想問下, 其實爸爸同媽媽都係新手, 但始終媽媽陀住b, 生理上既轉變都會令媽媽情緒無咁穩陣
有無過來人可以share下, 係咪真係會性情大變?
負擔到的話, 一定要請陪月,多個人揍爭好遠
3個讚
其實最主要係要陪住佢
得閒返黎讚下佢, 抱下佢, 佢心情都會好好多o家 
漲奶又痛, 傷口又痛, 真係會好灰的
同埋最好俾多啲時間佢休息 (由其如果佢係餵人奶)
btw長老們會唔會幫手坐月? 如果你地自己坐我怕會應付唔黎
長老唔會幫手既話搵個陪月姨姨可能會好啲
會…
第一個時我重晚晚同FD FIFA
陪老婆去BB展都發皮4…因為又唔係特別平又多人
不過老婆生個時…見到佢痛陣真係喊出黎
自此過唔到自己良心
個女沖涼換片好多野都我做
屋企人都另眼雙開
本身唔抱BB既都好溫柔幫阿女沖涼
有信心信自己就得啦
5個讚
如果有親友幫手…唔請倍月買湯都係另一個選擇
因為有D媽媽唔鐘意有外人
預左阿b兩歲前你兩公婆無得訓，私人時間會變得越來越少，體諒多d太太，可以的話耐唔耐要搵屋企人幫手，之後兩公婆去放鬆下
1個讚
炒米茶 真係諗到無諗過…
即刻上網 search 下…
唔怪得老婆前幾日講咩「炒米」 
多謝曬…
我老母話會過黎照顧老婆…
老婆同老母雖然關係幾好，但始終唔係新生女，feel到佢有少少抗拒咁。點算好？我一個人又照顧唔到…
HAHA 正常 我都係阿媽講我先知
即時去扮野買D果片啦
真心…
盡量唔好比太太入母乳教… 
真係嘈最多係母乳問題
我都想請陪月, 但又想搵阿媽過黎, 順便俾佢退休 & 觀察下佢同老婆相處成點…
咩叫母乳教?
老婆打算頭半年都用母乳呀
即係母乳好似聖水咁
好媽媽就一定要埋身餵阿B
餵唔到就唔係一個好媽媽
奶粉就好似毒藥咁…
人地D B 半歲可以瞓天光
我2個2歲都唔得
因為慣左奶睡 醒小小發覺唔係阿媽身上就喊
嘈左好耐
2個讚
我果邊2大長老口講會幫手, 但我爸身體唔好, 成日入醫院。
媽又要返工, 其實唔知最後幫唔幫到手！
老婆果2大長老雖然話唔好預佢哋, 但一有事佢哋應該會出現
(老婆家姐啱啱生咗, 都係佢哋2老照顧)
咁樣令到太太好大壓力… 會擔心我果邊幫唔到手,
但我老母又死要面, 話會幫手, 唔俾我哋請陪月工人。
我太太黎緊生我都係諗住我黎照顧多
屋企人最多間唔中黎幫手
無請陪月
有啲緊張…
其實沒期望自然唔沒失望，咁到時你幫到手替BB 沖涼、餵奶、掃風、换屎片，到時你太太就會甜在心頭了
PS:掃風係唔需要不停拍打BB背部，只需要讓BB坐直個身慢慢同輕輕打轉咁搖佢個身軀，一會兒就可以了
埋身飲到2歲？其實1歲左右要開始轉用樽再慢慢轉奶粉
YES…企直搖搖搖好D
瞓低時斜小小