老公同自己都要返朝9晚6，屋企日抖時間得工人姐姐一個全日對住個B，想問下同樣係咁嘅家庭，通常工人係屋企會有咩同個B玩？我果個淨係餵食同暗訓之後就由個B周圍爬，自己玩。
你哋工人係點？
1個讚
小朋友幾大？我囝細個係放佢入圍欄，佢心情好可以自己玩嘅時候就做家務，心情唔好就同佢玩，講下故事唱下歌。
依家4歲就一齊做家務，姐姐抹嘢佢又跟住抹，拖地又跟住拖。
2個讚
一樣雙職家長，好明白成日係cam見住bb無所事事個種無奈。但諗真其實姐姐有安全衛生地照顧到bb已經萬幸，陪玩陪教真係Bonus來，始終小朋友係自己嘅，要求其他人陪教陪玩講唔通。但真係有朋友嘅姐姐係做到教小朋友認字，要好彩數請到中意教小朋友嘅姐姐。
不過我覺得至少可以要求姐姐同Bb講多啲嘢，或者唱下歌仔已好好，如果再大啲而又信得過姐姐可以比佢帶小朋友去公園，公園學社交好快。
但有一樣都係意外收獲，我小朋友幼稚園，可能因為咁好識自己同自己玩，雖然對住父母都痴身，但我地有嘢做時佢做到自己走開一個玩。
2個讚
始終BB優先，可適當減少工人的家事任務，要求佢陪BB玩下教下野。如果工人姐姐本身水平麻麻，不如訂少少計劃比佢，譬如今日要讀乜乜故事書比BB。同埋準備多D玩具比姐姐當道具。我屋企買咗好幾隻動物手偶公仔，左右手各套一隻，姐姐自己排戲（譬如動物爸爸媽媽點返工）都可以玩好耐。
一歲大，佢唔係好痴姐姐，唔知係因為姐姐冇咩同佢玩定乜野原因。
我有諗過報啲playgroup俾姐姐帶個仔去上，但係又怕姐姐一個人帶出街搞唔掂。
係呀，見佢一個戇居居咁，又冇人同佢玩，好慘咁
可能佢好享受一個玩冇人攪佢呢
我囝有時會話我想專心玩，唔好攪我
我都係, 有時睇CAM見到BB在行在玩, 姐姐在睇電話, 我都覺得BB好慘
我是爸爸
我都係爸爸,我工人姐姐啱啱兩年,無論由大囡4個月嚟香港到依家細囡都9個月大都好有心湊同埋陪玩,餵夜奶換片全自動波,會tum埋細囡瞓先會瞓（大囡我老婆湊返）
想請個教開幼稚園生嘅賓賓
真係幸福
我女細時叫佢帶去婆婆度同表弟一齊玩
2歲讀N, 之後返左學就冇咁悶，啲人話有工人洗乜讀N洗乜返全日K, 我就係因為唔想小朋友日日係屋企對住姐姐，咁不如返學，工人淨係接送多啲時間做好啲家務。
都要捱到2歲後
我小朋友1.5歲
姐姐4x歲
自己湊大幾個小朋友
第一次黎香港
好有心機同我小朋友玩又會教下佢野
不過佢家庭都好多問題
因為我會俾小朋友睇youtube 聽兒歌，姐姐會同bb 跳舞，而家大嗰個無學返，我又要返工，就會叫姐姐睇住完成功課，不過當然係一啲簡單，例如抄寫嗰類功課，無電視睇就陪佢地砌下lego, 跑跑跳跳，但完全無諗住教bb 野，因為姐姐中英文都唔多好
我都係覺得BB一個人玩既時候好似好慘
me2
如果我見到姐姐顧住睇電話，我會轉登左右轉下個cam同起個cam度叫bb，等姐姐知道i’m watching you!
爸爸都唔洗覺得bb好慘，有時小朋友係中意自己玩玩具，同埋將心比心，全日流流長，你返工都會玩兩下電話啦。
我係媽媽，反而我老公放假，我睇cam見佢睇電話、睇電視、打機，就係唔揍bb，俾工人揍！
要湊初生, 其實都好忙好多嘢做, 地要成日抹, 衫仔要手洗, 又要勤同BB換口水肩/紗巾, 食具處理呀咁…
如果佢要買埋餸煮埋俾大人, 餵奶1小時一餐兼掃風…
佢所剩嘅休息時間真係好少.
我俾工人嘅指示係BB安全就得, 可以同佢玩一陣(呢D真係睇工人性格), 心入面唸如果佢唔玩都算. 晚上我/papa在家一定係我地自己做番晒, 工人可以休息.
係就係自己辛苦D, 不過同工人關係唔錯, 工人亦好精力同BB玩, 就算有時我OT要佢睇多一陣, 返到屋企都係見佢地玩緊/睇緊故事書.
佢唔係做戲, 因為我都有裝cam會收音. 佢做嘢時就算唔係同BB玩緊, 都會間中叫下BB, 睇下佢做乜, 唱兒歌咁.
想問大家會唔會寫定時間表比姐姐？ 因為我啱啱請左姐姐，而初生要定時飲奶 又好多bb野要處理