我bb係食能恩全護1，出世到而家都食呢隻，大便好，
但啲屎好臭
之前想同佢試下金裝美素力不過唔夾，同埋啲粉勁難溶
佢而家個半月大
能恩出名屎臭，都唔知點解，我兩個一路都係食超級能恩(全護係買一送一抵先買)。 早期兩個我都有試過俾其他牌子，但係可能唔慣唔肯食，推開不特止仲掉樽，所以無再試其他。 阿仔啱啱轉4號，妹妹3號，兩個身體都 okay 呀。
次次有人講能恩都會話啲屎好臭
真係超臭
唔好講笑
我2個小朋友都係飲能恩
我個囡飲enfinitas
So far覺得都ok，日日有靚便
奶粉我都試過好多隻,
做得比較好係hipp同aptamil, Enfinitas
全部都啖味, 有prebiotic同probiotic (我都幾著重要啖味, 不加蔗糖)
但enfinitas較貴
性價比就hipp同aptamil, aptamil就易溶D
你用幾多度水沖？
多謝各位擔心，轉到第6隻奶粉終須有曙光啦，而我BB都就快兩個月大了
整合各種奶粉的情況:
-
雅培心美力: 出院就食，好難溶，好多痰，會咳，可能因為當初仲係初生，1日可以有5-6次便便，唔臭。
-
美素力金裝: 都係難溶，多痰，會咳，1日1次便便，金色靚便但好多白色粒粒，會谷屁谷到面紅。
-
S26 Ultima: 易溶，1-2日1次便便，仍然係好多白色粒粒，會谷屁谷到面紅。
-
illuma HA 水解蛋白配方: 易溶，有痰，2日1次便便，有白色粒粒，偏水，偏綠色，比較易放屁。
-
能恩全護: 易溶，45度沖奶，阿B淨係食咗4餐，就有酸臭的口氣，食多兩日，便便係深綠色超級臭，2日先有1次便便都係偏水。
-
Aptamil Essensis php: 易溶，40度沖奶，無痰，便便金黃色，無白色粒粒，無咁臭，開始成形，放屁會扭一扭但唔使谷到面紅。
以上係我BB的真實情況，希望幫到各位搵奶粉的媽媽。
4個讚
五花八門都唔知點揀好 之前見bk 好多都推舉illuma 係咪打手嚟㗎咋 好貴呀呢隻 有冇啲性價比高既推介 感激各位黃爸媽 
1個讚
喺醫院有冇餵過奶粉？通常跟醫院食，費事轉第二隻
如果預視到BB 會容易過敏，能恩係不二之選
1個讚
Bk個邊好多奶粉打手，成日推illuma，唔使盲目信人地，要睇方唔方便買到同價錢
同埋奶粉呢樣，每個b食完都有唔同
2個讚
我地食傑仔， 冇咁甜唔熱氣，又唔會有人搶
依隻特別貴，我就覺得特登整出來買畀強國人
我兩個小朋友都食過illuma，係貴但係我大嗰個真係食得好好，食到2歲幾從來冇便秘問題，通常日日都有大便，最多隔日。細嗰個開頭補奶粉都係食illuma，食咗2個禮拜之後就全人奶。所以我覺得都唔係全部打手黎嘅，咁當然我冇試過其他奶粉冇得比較啦。
利申現役奶媽，唔係打手
1個讚
我大嗰個食美素，細嗰個食雪印
人夾人，兩個都食得好好
我女出世食s26同牛欄都柯到7彩 轉aptamil就無事 所以都好睇BB夾邊隻奶粉
我揀Hipp，但當時醫院冇就飲illuma，我有問兒科醫生，佢都話可以轉，咁我B飲完第一罐illuma我就轉hipp。飲到一歲，日日有poo又冇肚屙同病痛
我姪女食Illuma，食得好好
我朋友個仔差唔多大、都係食Illuma，但係唔長肉
我諗要睇個別既BB，每個人岩既野唔同
我姨甥仔食惠氏金庄都食得好好
aptamil有隻黑罐 同普通版有咩分別？