更新下,而家唔止忙,仲要係窮忙無錢賺 
捱過埋租約之後,我唔會再租任何形式既地方
2個讚
我要返工嘅日子忙到甩look ，尤其喺呢邊食飯得半個鐘，我覺得好趕，但係當我放長假嘅時候，覺得自己好似無聊無所事事咁，尤其因為喺呢邊冇乜朋友，仔女有時候出咗成日街，我自己一條友喺屋企，甚至會覺得好似情緒有啲低落咁（中年危機）。早10年淨係掛住工作忙，喺香港忙，照顧小朋友，放工將所有時間陪晒小朋友，所以以前從來冇諗呢個問題，而家過咗嚟，開始多咗呢啲覺得空虛寂寞同孤獨嘅時間。亦都因為冇好多細藝，我覺得冇乜寄託，又可能因為錢少咗唔敢亂咁使錢，以前可能喺香港悶就會去旅行去個短trip去日本台灣，而家唔會，所以覺得可能就算份工好辛苦或者唔鍾意，有工返都好過冇工返，如果唔係好似好孤獨
返工真係睇年齡計劃,我見你仔女都大個,咁都應該做多幾年可以計劃退休~
如果係咁就真係有工返好過無工返~我以前都計劃40歲出返黎做野,點知香港經濟而家差到…
悶咪上黎吹下水囉~你係果邊都可以影下風景相放上黎開下POST~
2個讚
你又會咁諗，
當年生咗仔之後，想返屋企湊仔之前，已經有人同我同講：
「好多女人生仔之後，返屋企湊仔，諗住細佬大個啲，再出返嚟做嘢，除非你好睇得開，因為幾年後，所有嘢已經唔同晒，好多女人都返唔到之前位置，甚至連做緊嗰行都返唔到，離開愈耐，返出嚟做嘢就更難。⋯⋯⋯⋯」
所以我推遲咗幾年先至返屋企湊仔，等到供滿層樓，等老公份工穩陣啲，阿仔上小學，先返屋企煮飯湊仔。
1個讚
我畢咗業之後就開始full time, 廿幾年，除咗移民頭半年搵工，做casual ，其他時間都full time 。以前係想早退休，但呢個禮拜低潮令我覺得自己有工返可以有寄託。
我明呀,我原本都想推遲幾年架,不過我老公當年唔想煩想推曬俾我湊,所以佢攪好多陰招阻我返工,佢而家咪中曬回力標囉 
樓我生bb之前已經供完啦,我原本係工作狂,生bb之前儲落一舊錢,我老公一日仲未退休我都唔會出錢 
等佢食下回力標先~學我朋友咁講,唔係所有野都佢話點就點 
2個讚
返工雖然辛苦又受氣,但真係會有精神寄託,同埋最緊要有糧出
1個讚
個仔佢有份，叫佢加油，又係佢當初搞你工作先嘅
1個讚
佢既如意算盤係我湊女湊到大個,我就去搵份近屋企既工返(家務話叫呀女做wo,咁咪即係大部分都係我做),咁佢就唔駛再俾家用我啦~
點知我唔肯是但返份工,再加上香港地而家大把人失業啦,佢唔怪得我無工返架 
係咪啲男人都係鍾意阻住老婆返工搵錢，
我老公都係咁，好彩當年佢有個朋友提醒佢，
同時佢份工又唔係咁穩定，
為有認命，我先可以做多幾年。
現在又係老公年紀大，嫌返工辛苦，想退休。
又係朋友提醒，做多幾年，儲多少少錢先退休，錢財會鬆動啲。
1個讚
搵唔搵到錢個老婆都要做晒家務，呢啲老公食屎
2個讚
d男人係唔想煩湊仔既事,只要得佢一個返工,佢除左搵錢就可以大條道理唔做其他野
1個讚
老公呢種生物最叻就係係屋企痾屎
叫佢地做家務佢地只會hea做
2個讚
唔只家務, 所有同屋企有關既野都hea住做. 有次叫佢買廁紙, 影埋相佢都可以買錯, 仲話都係咁用架啦. 如果叫佢買野只係口述件貨係乜野樣, 就會打十幾次電話黎問, 煩到一個點
1個讚
個老婆返唔返工佢哋都會將屋企嘢推晒比女人，當然都有神隊友嘅，少啲囉
但我睇亞洲又好似香港男人已經比較分擔屋企嘢，係咪呢？
屋企啲廁紙紙巾我交比老公去買，用手炆我都唔會買，佢冇得問我。屋企垃圾筒佢負責掉，有時佢唔掉垃圾筒蓋都關唔埋，我開個新嘅垃圾袋擺喺地掉入去，就係同佢‘’本pair’，佢頂唔順即掉
男人一知道有得依賴就唔理，要同佢鬥頂得住先得，我真係得
1個讚
可惜屋企有小朋友, 無得同佢鬥 pair,
1個讚
搵啲鬥到嘅盡量鬥，你話我衰都係咁話
盡力奉勸後生女：結婚前feel到對方係媽寶，即飛；結婚後對方唔做家務，鬥本pair，冇改善打死唔生，必要時離婚；生一個對方係豬隊友搞到你慘過做女，打死唔生第二個
任何情況盡量keep住工作能力同財富
搵老公對方情緒穩定以你為先重要過佢家境同錢
將痛苦減至最低
2個讚
係呀,有小朋友特別係BB時期,真係寧願自己做曬家務都唔想再勞氣理佢